打浮岳龍，除非係高手，如果唔係一個人冇可能打得死佢 ! 兩個人打浮岳龍，最好用雙劍( 至於屬性，好多人都會比佢身上既青苔呃咗，以為用火屬，點知原來佢係驚冰屬同龍屬，最好高攻啲 ! )。

       浮岳龍係一隻超麻煩既怪，因為佢唔會企響到俾您打，會浮係半空，重要等佢攻擊( 小趴同大趴 )個陣，先可以打幾下( 不過大趴可以打耐啲 )，不過小心，佢小趴個陣，有一定機會會出「吸風」，一中就個冇命，所以兩個都要帶生命之粉塵，如果其中一個中咗，個人一飛起，另一個就即刻食 ! 重有另一個方法，就係用捕獲用麻醉玉，等佢「吸風」時就投擲4粒，佢就會跌落下面任您打，不過佢起返身之後，唔好即刻走上去，要打佢啲腳。佢係上面有時會用「直昇機」( 您打過就明架喇 )，個時走到最遠佢，蹲低就可以避開攻擊了 ! 之後注意佢啲攻擊就可以，多謝 !
 

          上位集會所雙轟對新手黎講真係大敵，因為好容易會俾兩兄弟屈死，所以要打雙轟無論你有幾多人都好，見到兩隻一齊就即走，最重要都係逐隻打。我建議打左第一區嗰隻先，因為除左一開始之外，轟龍唔會去第一區，如果一開始你唔係第一區，就用回家玉喇。如果第一區你殺唔到佢，咁就難打好多喇。

        兩個人打老山蟹可以用龍屬雙劍同龍屬弓，如果一個人就用雙劍，唔多講( 請參考前篇打老山龍的武器 )。

        一開始，都係用爆彈，要確定佢隻腳( 最好前腳 )既位置，一爆就會紅，之後就用雙劍洗腳( 用強走藥會好一點 )，之後，去到橋個到，原來老山蟹都有得挖嘢，等佢噴完之後，佢一噴，個殼會向上舉一舉，等佢稍為落咗少少，就跳落去。不過只有第二區同第四區有得跳，大家加油!多謝!

        打霸龍，兩個人已經綽綽有餘，一個攞高攻大錘( 最好龍屬 )，因為大錘易於爆牙，而且霸龍會暈，所以大錘最適合，另一個就要攞刀，又要高攻( 當然最好又係龍屬 )，因為可以斷尾，所以用大錘同刀最好。

       一開始，又係爆彈時候，就係開始既位置放大爆彈( 可以用石仔引爆 )，如果有四粒大爆彈，佢一定驚，放完唔好走太遠，因為如果佢追您，爆彈就廢咗，佢一驚，就立即走。如果之後佢挖地，唔係追人撞上黎，就小心佢噴黑風，可以係佢噴之前投擲音爆彈，就會訓低，之後，錘仔就要打頭爆牙，直至爆咗兩隻牙，先可以斷尾。爆牙斷尾之後，佢就最多剩下30%血，之後大家就自己打。多謝!

      打老山龍，如果兩個人，其中一個攞龍屬弓箭( 最好霸滅弓或黑龍弓 )，另一個可以著G級雄火龍裝( 因為有拔刀術，攻擊力大和斬味加1。要裝短縮珠2粒和名匠珠1粒及匠珠 )，攞角王劍( 因為角王劍白斬，斬味加1變成紫斬，紫斬使攻擊力*1.5，拔刀術加10%攻擊力，攻擊力大使攻擊力再增加10% )。

      一開始，弓箭手係第一區射十幾箭，直至射唔到，就返營地攞嘢，去第二區，等確認到佢個頭個位置，2個人就放大爆彈G，弓箭手準備射爆大爆彈G，一爆就會爆角，弓箭手用強擊( 如果用霸滅弓，就用貫通，強擊加貫通使攻擊力*1.5 )，劍手就不斷拔刀收刀，拔刀收刀斬頭。直至去到橋，就上去( 不過小心佢會咬您 )，等佢行過，見到最淡色最闊的一格，跳落去( 如果跳唔到，唔洗灰心，因為第三第四區都有得跳 )，可以掘嘢，掘完就立即放「對巨龍爆彈」，被「對巨龍爆彈」炸中唔會減血，所以可以放心。之後第三四區如果重有大爆彈G就如上爆佢頭，三四區無乜特別，唔多講。

      第五區就主要係用電壓槍( 旁邊個兩個 )，等佢企起身行埋黎想撞的時候，就向兩支電壓槍之間既掣( 紅色個個 )按圓形，呢個就係龍擊槍，會有少少動畫，之後，用武器打，大家靠自己啦！多謝