一早就俾個電話整醒了, 係carol個姨媽係澳洲打黎恭喜佢"結婚大囍", 之後輪流起身妝身喇~~跟住親戚朋友姊妹們都陸陸續續咁黎, 大家都問有無買報紙, 因為佢地擺酒間酒樓會幫新人賣ad的...  之後就新娘上妝, 而我地姐妹們(carol朋友x3, 表姐, 表姐 & me - 攪笑地佢地都話我同表姐好夾, 都係大刺刺既人, 都係好多笑料)就準備玩接新娘既野, 當一齊準備好就係走廊等新郎到, 我地玩左幾個超好笑game, 真係笑爆肚呀, 但亦因為時間唔耐, 我地就精簡左 & 刪咁d game, 而佢地班兄弟們真係好兄弟, 好玩得下bor, 之後就敬茶...出門, 去到男家, 因為我同表姐都係唔收既人, 所以去到就唔多出聲講野, 但不停咁細聲大聲笑, 總之就笑爆咀啦, 換好衫食完飯, 就出發到註冊地方---伊甸園, 註冊前影相, 註冊後都係影相, 跟住就去酒樓lu, 由此我臨時拉夫做司儀, 攪到我超緊急, 怕會講錯野, 結果都好大致順利, 只係二少話我差d講左粗口, 其實係miss左一粒字無講到, 哈哈...不過算啦, 無事發生就得喇~~~之後食到中段, 就要走去做"實q"維持影相趺序, 好彩二少幫我留左野食咋, 佐就難為佢自己一個人呆呆咁坐係度食...因為一對新人不停不停咁影相影相, 到散席走時我同二少先可以同佢地影一兩張咋(嗚嗚....>_<)

多謝carol & jordy讓我同二少參加左一個開心又感動既婚禮, 雖然累, 但真係好好玩好開心...我地祝係『白頭到老, 永結同心, 三年抱兩, 幸福美滿』...(不過記住個日我無同你地飲過酒酒酒酒呀..哈哈)

ps, 唔知我個wedding party又會係點呢?

(呢張就係上報既相喇),

jordy & carrie