今日香港天氣又煙『霧』迷漫, 放工坐車出尖沙咀時, 經過九龍灣海旁...完全睇唔到對面海, 大霧成咁唔知真係以為去左仙境呀~~哈哈

期待左好耐, 終於到左睇big four演唱會既日子喇...yeah!!

約埋妹妹 & 佢個fd係尖東食飯, 食韓國快餐, 而vincent就係大陸趕返黎睇......

到開場喇~~係個mon度見到sammi做觀眾, 其實都好期待佢會上台咖, 不過都係無, 有d失望~~

而嘉賓就係"左麟右李"...其實成晚個show都係麻麻地, 唔知係唔係太多人(4個)喇...所以佢地成晚都口水多過茶, 吹水多過唱, 有d悶悶地...

而最悶就係許志安一出喇~~呢個係我個廁所位同眼瞓位, 唔知點解佢一出我就想瞓喇...雖然佢係叫做"勁歌熱舞"...

但...真係好悶, 我完全聽唔到佢唱咩, 我以為我耳仔有問題啦, 咁問vincent聽唔聽到 & 知唔知佢唱咩, vincent都話唔知bor...

再加上, 佢係唔係都走去除衫, or 拉開d衫 show肌, 睇到有d反感同悶...之後我就想瞓喇 (真係第一次睇到想瞓)

不過成個show都有好多爆笑位...特別係張偉健用足球小將當情歌黎唱(成首歌突然間覺得咸濕晒), 真係笑到我肚痛, 而小 v v就不停咁郁,

到完show之後再encore多一次就唱梅姐既快歌...但都唔係好high呁啦~~11點8就完show走人了

返到屋企沖完涼, 洗完頭, 就撻落床瞓到天光...不過都累爆了~~