一決定左結婚後, 就決定將要用既結婚用品整好將LIST (包括: 利是封, 紅傘, 上頭用品, 咕臣, 囍字紙杯, 敬茶時的茶杯set, 對碗, 對筷子, 對聯...etc), 呢d一次性, 可以買得就買, 慳得就慳既野, 去廣州一次過買晒佢, 呢兩個月上左兩次, 順便上去睇埋婚紗, 兩次都應該差不多買晒d野喇~~相信慳慳埋埋都夠擺位酒呀~~哈哈

上次返因為公司出trip上去見客, 所以食宿車費由公司俾, 順便再留多一日去買野, 個次買左勁多野, 仲差茶杯set, 碗, 咕臣呢d未買o者, 所以今次就一早約好我個化妝師兼老死emmy一齊上去買埋未買同唔夠用既野兼再試/睇婚紗, 今次vincent都有一齊去, 呢次簡值難為佢去照顧我地呢兩個正宗港女喇~~哈哈, 因為我兩正廢物, 又唔行得, 一路係咁話要去廁所, 行兩步又話曬又話累又話餓 (其實剛食完), 仲要買完晒所有野, 都由佢一個人拎晒, 而且帶埋水俾我地飲, 對我地係百份之百勁好, 難怪我d親戚朋友都贊佢好, 話我搵到個好老公啦~~哈哈...

贊完佢, 講返我買左既結婚用品先...當中包括 ...