首先係度恭祝大家『恭喜發財、身體健康、財源廣進、心想事成』

回顧過去個放假個幾日, 過年前已經無返工係舖頭幫朱師奶手, 做到隻野咁, 由年廿五開始日日就10-10(or更夜)無停過手直至年三十, 仲辛苦過返工呀, 不過都好, 因為凍的關係, 生意好好, 好多野都賣晒, 特別係『褸』同『唐裝衫』要補幾次貨, 仲要叫埋vincent黎幫我手tim!錫晒你呀>3<...見到生意咁好做都做得特別開心同條氣順d, 如果好似上年咁就......慘喇

雖然生意好~~但我就慘喇...整個新年用5個字黎形容我就絕對正確喇

••••病住黎過年••••

開頭由耳道發炎睇完醫生後....好左, but一直都唔夠瞓, 每日都2-3點瞓第二日又9點or更早起身, 日積月累結果初三發燒喉嚨發炎了, 初四就同vincent一齊要睇醫生喇~~~唉, 食咩都無味, 咩都無乜食過咁, 若了>口<"

大年初一, 3,4點先瞓10點俾朱師奶叫醒同佢去開舖, 開市(因為好日好時晨), 同朱老豆朱師奶拜完年就出發開工, 做到5點收舖返屋企食飯見到朱大佬, 原來佢條女肚痛無返大陸, 唉又見到佢, 真唔開心, 食完飯就上亞君屋企拜年, 每年都係呢日上去打牌的, 不過亞君佢就病了小心身體喔, 8圈結果同vincent夾埋輸左約200左右...2點幾就走人喇

大年初二, 入vincent公公婆婆家拜年食飯, 有羊扒, 茄汁蝦, 雞, 蠔事冬菇, 豬手...等等, 食完4點幾我同vincent就過荃灣朱師奶朋友家拜年食飯...結果d餸同之前個餐係一模一樣的.......凸晒眼呀, 食到一半, 因為一早約左vincent"s family食消夜buffet, 9點多d就走人去尖咀喇...唉真係唔好意思呀...又一餐...真係有d想

大年初三, vincent家姐姐夫 & 前二舅母同表弟黎拜年打牌...輸了10幾蚊.......

大年初四, 我+vincent晨早就同劉偉康拜年, 希望來年見佢少d, 最好唔好見tim, 仲有d藥唔好多唔要藥水得唔得呀...之後又同vincent佢二舅母表弟打牌, 又輸廿幾...

初五, 去左vincent同事家拜年又係打牌, 悶爆打機, 之後4圈落場打, 力保不失嬴16蚊.....

初六啟市...悶爆, d客未開工, 唔知做咩好, 唯有打blog啦...收工再見喇