bobo: 林記同學,唔...真係唔記得點樣識啦.....唔.....只係有印象o camp佢幫人簽名,跟住介紹俾人知佢叫做"范賤",一路叫佢阿賤阿賤,到近年改左口叫佢做bobo,唔....畢左業既一排就係好似唔係太熟,但又唔知點樣又熟返......鐘意佢有事無事,失驚無神都會打黎,可能大家真係冇特別原因,只係悶想大家陪下大家,記得最近有一次我答應去佢屋企陪佢但冇去到,佢有打幾日冇打電話俾我,我以為佢嬲左我...好擔心,但跟住有一日佢睇到我日記,send左個sms俾我,話係因為我飲得太多酒擔心我....那一刻真的很感動!! 唔....仲有最記得那一次你係地鐵站攬住我喊,死傻婆!!! 呢一排好多謝佢,佢成日都歡迎我去佢屋企,曾幾何時那裏是我的避難所,每一次我喊住打俾佢....佢即使好忙都會聽我電話!! 謝謝!!
二小姐: 林記同學,係林記第一個識既朋友,o camp第一日就傾晒心事,包括所有既男朋友record,好好笑,跟住中六中七成日都一齊,上堂傳紙仔訓覺出貓....高分秘技係maths and stat. 幾時都要mark住大華同gary!!!對....同你畢左業反而少左直接聯絡,靠左大家既匯合點bobo,唔....到而家都好少打俾二小姐,反而日日走去睇下佢日記,叫到佢MSN講幾句.....讓一切在心中啦,或者真係我地可以交心既原因係,大家都係同一類人啦!!只能講一句我犯賤!!
BELL: 安柱同學,唔....中一就識啦,好似中四中五開始,日日都係一齊放學返屋企,因為大家成長既環境太一樣,兒時既回憶也有著共通點....唔...到佢去左EXHCANGE再返黎,大家又唔同左學校....好似真係有排冇聯絡,到大家一齊出黎做野....唔知幾時又聯絡返,有一種好奇怪既感覺,就係一站在你身邊,即使大家走著唔同既路,但同你傾計總可以沒有保留.....互相支持!!有時...知道你好多身邊既事令你唔開心,我唔知點TUM你,不過好想話你知...."只想你開心"!!
雪兒: 安柱同學,都係中一開始識佢架啦,唔.....大家有好多野都唔同諗法,佢比較有性格.,但係我就是愛佢那種有O個句講O個句既性格..大家唔會成日見,而家佢去左讀書更加見唔到,也因為佢成為左停留在ICQ既原因,唔係我想我放棄左呢個ICQ啦!!我知道大家都會關心大家,只要有需要既時候!!!要開開心心呀,唔好成日都咁啦!!
米雪: HHLIU同事,好記得第一次同佢講野,佢好溫柔咁教我,羅住隻MOUSE,你識唔識找呀?要咁樣...咁樣架....等我仲以為佢係一個淑女,唔....原來係一個錯覺!!!後來可能大家都係後生女,我啦,AMY啦,NANCY同你,就熟左,仲試過一齊出黎食飯,但到後來....唔知搞過咩,唔知係唔係俾你隻電眼電親,我同你就反而熟左好多,到DONNA走左,你坐我隔離,成日好悶,望你一陣,你就會轉個頭O個黎,好好笑.....而家大家唔同公司,不過你仲係我好好好好朋友,咩都傾得架,知道你好好好鍚我,我真係!!不過講真,你把聲真係幾好聽!!!
小蛇: 一識佢就好似大哥哥咁照顧我,我諗對佢黎講我既最大印象就係"龍舟"? 哈....不過而家冇啦,同佢係一個好奇怪既感覺......記得那天我SEND左個SMS俾佢,佢打返俾我,一聽就陪左我出去,我地由那時計起都有4年5年冇見過啦,不過佢個樣冇咩變,但架車變左....記得那日同佢出街,佢一句原因都冇問過我點解,但係我知佢知我係唔開心,同之後O個排,我同佢一日SMS超過五六十個,放工只要我想佢都會陪我,可是佢也是鬧我鬧得最兇既一個,唔知點解,可能我真係好小妹妹,佢總講"點呀阿女?"那感覺真的好溫暖,呢幾個月佢開始左一段新既感情,我都好為佢開心,大家都冇咩點找大家,但係我知道我需要你既時候你仍然會願意聽我電話,給我一句加油既說話!!! 謝謝!!
MING: 大學同學,佢係個叻叻女,佢係2個其中一個唔係DEAN LIST而入到EY既人,仲羅埋個SCHOLARSHIP,勁勁!!同佢熟...我又真係記唔起係幾時,不過每一次個傻婆都會講一O的佢唔係大想"其他人"知既野俾我聽,我都係一樣,或者係當時大家既SITUATION都好一樣啦,而家有時佢唔開心我會TUM佢,我唔開心佢會TUM我!!
瑪莉: 安柱同學,因RED CROSS而識,我FORM 2佢FORM1,不過佢大我幾個月,可以話係睇住佢大睇佢住壞,年紀少少就搞到自己一團糟,好記得佢講過我係唯一個一個朋友唔鬧佢,唔....或者就係咁,今日我不會CLASSIFY我自己係你既酒肉朋友,只少你會同我講你既憂慮!! 佢唔係我一個可以咩都講既朋友,但係我仍珍惜那份友誼!! 近來好記得你老公講既一句"點會唔記得你呀,你幫我"針"茶"第"水架喎!!",珍惜你擁有既一切啦!!
阿橙: 一個係中學覺得佢係一個脫"逐"既人,咩都唔理....唔...講真那時真係同佢唔係好熟架,因為佢俾我既感覺好COOL,只係最經典記得既係就黎畢業,小寶姐坐係佢大脾影左張相! 今年..應該係2004年我重新認識過呢個人,唔....原來沒有想像中咁COOL,好奇怪地一打電話來就係講佢O個幾打都數唔晒既小可愛,我仲逐一為佢分析,佢地諗咩....後來慢慢估到佢打來既原因,因為知道我唔開心? 認識佢覺得佢對自己係一個幾有要求既人,或者佢係一個男仔....好想自己做一個成熟既男仔,一生一世照顧自己鐘意既女仔,唔....我相信你做得到!! 仍舊想謝謝你!!
比利: 又係林記同學,唔...同佢唔可以話真係好熟架,記得因為老LIN,佢成為左我SO-CALLED既師弟,到而家佢間唔中都會叫我做師姐,係舊公司我都係師姐,但係而家冇做人師姐好耐啦!! 記得中七帶O CAMP同佢一組,佢已經整親隻手,仲玩咩單手倒立,O個時我仲驚過佢,到後來因為佢一個留言...大家又似乎熟左!!!呢排唔係成日講野,不過我都會間唔中去佢日記度搭下訕,而我都知佢都會間唔中黎我度睇下!!! 俾心機讀書加找工啦!!!
DORIS: 老闆個妹,識佢既感覺就係...咁多年都冇出黎做野得唔得架? 直到惠信行,我拍佢做野,佢俾我既感覺就係佢知佢唔識,佢會俾另一努力,難忘佢回家同我查晒那些中文字簡易點打....識耐左,佢係一個好好心地既人,好想身邊人開心,雖然情緒有時波動好大....但係佢貪玩同樂天既性格使我地可以好好相處!!
DANLET: 一個小朋友,由識佢就當左佢係一個細路仔,我行我素,但有時又幾世界仔喎,同佢玩..最好就係唔使避忌,玩到癲晒都得,有時講野又好似好識睇人咁,唔...但係...有時又覺得唔係,性格上...太自我,成日唔理人感受...只能嘆句小朋友,你仲細呀,你大個就明架啦!! 佢對朋友幾好架,成日都送公仔俾人,不過下次唔該我要正版貨,同埋唔要咁大隻!!
而家仲有佢....唔...唔知點寫...到我覺得我識寫既一日先!!
朋友唔一定要成日見面傾計,只要大家在心中記著那一份友誼就夠!!! 謝謝你們!!還要加一句,排名不分先後!! |
