2005 年 4 月 23 日 星期六  |
Missing you  |
分類: 未分類 |
收到BOBO既SMS,原來佢擒日也發夢,你既夢總好過我既夢既,你既一定係太擔心夢內面既主角啦,不過話你知佢幾好呀,唉...佢同我都係咁架啦,犯賤麻...MISSING YOU!!!
請各方好友高抬貴手,本月26號前以8毫子一分鐘同大家講緊電話,想傾計既唔該打我屋企啦,我唔想交300蚊電話費呀!!!
終於屈服下個月加大左個PLAN,不過138都得多O個200分鐘PEAK200分鐘NON-PEAK,好唔抵,但係鬼叫PEOPLE & NEW WORLD公司收唔到,SMARTONE超潛水,當你問10個一定有9個半同事係用緊 ONE2FREE,唔係就飛晒線返公司!!! 搞笑!!!
冇諗過自己今日會唔開心,但係就係有O的唔開心羅...
今日媽媽同女皇去睇中醫,我又順道去坐坐,原來上次去,係17歲時,記得那時佢話我有七個仔女,係EMAIL度話左你知,你話你唔信,除非我係XX!<--一個以前同學既名字!!
今次冇話我會生七個啦,只係講左.......呢兩三年既事,但係範圍大到咁,你點都估得中啦!!! 不過呢樣野我有興趣,我想知既都唔會係度問你........
唔只佢叫我唔可以同屬免既人一齊,前前後後好多人係咁講,也有好多人告訴我,我26歲結婚,係巧合?? 但有人話我28歲,同我一齊既人會比26歲既好TIM~~咁你話我應該信邊個呢?
突然有O的渴望自己快O的到26歲,不過唔知到時自己做緊咩呢? 唔會再係呢間公司卦?
又係巧合,今日看到的有冇錯呢? 那是我當時既感覺.....順路既經過........
幾時自己可以旋轉270度呀?
BOBO,好似病左呀!!! 聽晚又好夜先返黎喎,不過老闆睇住佢咁都好少少!!!
凡事包容,凡事忍耐,凡事放開
和你已分開怕真的和好 你已被我打了入天牢
誰料到今天當手機是寶 你隻字亦要洗去做不到
<長信不如短訊>
|
2005 年 4 月 19 日 星期二  |
| 期待 |
分類: 未分類 |
一早開返電話先知你打過黎呀,8點3找我食早餐係冇用架,傻婆,平日就一早上左地鐵啦,今日就因為漏左條鎖匙所以要返上去羅,個客好好笑連條鎖匙都俾埋我,或者真係PRIVATE AND CONFIDENTIAL 卦,一個人 留守係一間CONFERENCE ROOM,唔....冇好冇唔好啦? 唔知我遲O的會唔會自閉呢?
BELL你呀,唔好咁心急,諗清楚自己想點先羅!! 總之你點決定都好啦,唔...星期四返上去要小心點呀!!!講真架,你想打俾我幾時都可以既!! TAKE CARE!!! 開心O的啦!!!
雖然都好準時收工,不過都帶左野返去做,仲咩唔俾人上WIRELESS WOOOO!!!!好在叫左哥哥羅條手指俾我O者,唔係又搞我一輪,麻鬼煩!!!點解鴻圖道附近冇餐廰既? 人地唔使食架咩? 又冇恆生喎,搞錯呀,打電話問客戶服務部,同我講最近係佐敦,玩我呀? 講講下又話唔知咩中心有,但係我都唔知係邊!!!唔得要查下地圖先!!!
連續2日5個MISSED CALL之後,無法唔覆電話,結果又講左一個大話,對...仍係公司,好忙,唔講住!!! 但仍被詢問食左飯未,快O的食!! 晚上9點多? 仍舊唔聽電話既我,終於要別人屈服留言,告訴我唔好做咁夜!得閒打俾佢!
唔......其實何必浪費自己既時間呢,你應該知道我唔會打俾你!!
---
開心,剛剛又同BOBO傾完一陣長途!!!期待24號!!!
---
放工阿仔打黎,唔...問佢咩病,佢又話佢嘔喎,我都未講野,佢就話自己有左,咁我買O的酸薑你食羅!! 不過今日都冇咩MOOD出街,因為我都唔多舒服喎,你生仔咁我咪剛剛落仔羅!! |
| 2005 年 4 月 18 日 星期一 |
清晰  |
分類: 未分類 |
困擾左一個星期既問題,漸漸清晰返,謝謝米雪沒有很惡地責罵我!!我會乖架啦!!! 我會!!! 找返一個清醒既自己返黎!!!
今日下午要去牛頭角,咁又乘機出黎同米雪食飯!!! 掛死人啦!!! 你好似仲未得閒講你台灣之旅俾我聽喎, 今晚又要同丁丁farewell喎!! 聽晚一齊去食飯啦~?
今日下午又miss 左一個自己唔係好想聽既電話,雖然我不曾save下那個電話,但係開始大約都記得係邊個數字組成咁樣,想左好耐打唔打返去,結果以自己無比既勇氣打返去,響左幾聲冇人聲,順理成章地收線,唔好話我唔覆電話俾你,係你唔聽咋,其實打之前我已經諗晒一堆所謂既藉口,總之我好忙,跟住就係有客打黎我唔講啦!!
 雖然唔鐘意講大話,但係我真係冇辦法!!! 定係其實我唔應該覆呢個電話呢? 以後都唔聽直到佢有一日真係唔再打黎呢?
呢幾日好好笑,因為收到sms二小姐對我日記既reply,傻婆,對,我地都係犯賤!! 害怕卻又走去做,明知唔應該去冒險卻又懷著唔知係邊度黎既勇氣咁樣做,二小姐,我又點會唔明你既情況,其實自己也曾經那樣擔心過,只是那時口不對心o者,同你地講就當然冇事啦!! 莫非是我們都再沒有能力去承受打擊?
早上第一次坐234P,唔....都唔快既,而個車站超唔方便,一係係美麗華,一係碼頭,玩我咩,2度都咁遠,而且架車要差唔到8點10到先到美麗華,咁咪既係要我又冒險遲到? 我想或許還是坐回我的地鐵,起碼我可以預計到時間,唔使咁"蚊"!!走在GATEWAY的路上沒有什麼好,不過就係什麼免費雜誌不缺,什麼都巿日報,RECRUIT,招職...應有盡有,喜愛儲旗既人又唔使擔心,星期三同星期六那一班賣旗黨必定為你攔途截劫,當然也夾雜著那幾個不知明既乞丐,還有的就是那一堆贈品,不是奶粉就是杯裝咖啡,隔幾天就會免費獲贈一次!!
準時6點5分,不顧一切地離開牛頭角,好耐冇走得咁開心啦,好正...見到個天仲未黑晒,要珍惜今日呀,因為睇黎之後未必有呢個機會!! 瑪莉打黎,睇佢個衰婆都係想叫我去碌齡,條友真係想我入廠大修乎? 我知道我唔可以咁樣再去碌齡,因為我真係負擔唔到之後既後果,已經痛左1個星期啦,幸好...那痛楚已經減輕,開始認真考慮去check一check!!
唔該doris今日send封野俾我,加油啦你,唔好成日都叫悶啦,傻婆!! 不過我好強調,唔係我唔關心阿仔,但係佢係一個獨立個體黎架,我點知佢咁多,成日都問我佢悶死未既,我點知喎?
今晚要繼續我既十字繡工程!! |
|
|
|
