工作仍然迷惘~~~~
俾joyce同事問,係呢度開唔開心? 咁難答既問題,又一次啞左~~~點答? 唔係唔開心,不過唔係開心羅,得唔得呀?
只係覺得人與人相處,好複雜,還要講緣份,要夾既可以好夾,唔夾既,強迫都唔黎.....
呢個星期係米雪既繁忙週~~>_<.本來好想準時收工同你去飲野架,不過有份數要趕住出,搞到好麻煩....
又打電話,打黎打去,搞到六點幾,跟住另一間公司colin先生又打黎問長問短,你唔係差咁多outstanding都諗住可以準時上到稅局麻?
今日收到支票啦,yeah~~我鐘意一o的會準時出糧既公司,不過聽日要返工呀,點樣入票呢?
傻婆bell,今日嬲嬲地係廁所打俾我,傻婆,唔好咁啦~~開心o的啦~~~你問我點,可以點呢? 已經勁到每朝早都係公司甩con,日日係度帶con,好好笑~~~其實係唔係唔應該帶con呢? 不過手上o的野都清左...空閒左...因為要等客覆,但係佢地鐘意臨到deadline先睬你架麻,你而家追佢都冇用~
放工搭小巴收到個sms,估唔到係邊個.....原來係doris媽!!! doris媽,你好叻呀,勁呀,仲係打中文架!!!!
佢話 "你好忙咩,好似失左蹤,掛死人咩!!", 睇完忍唔住笑,謝謝你,你沒有忘記我!!果然係長信不如短訊!!
又係一個傻婆,其實對上個星期,你叫我覆返你收唔收到個email我有打俾你架,不過你講緊電話,之後我又做到傻左咩都唔記得啦~~今個星期返左公司,唔知,頭兩日都好忙,咁又過左一星期....知道hhliu大家都好忙碌,俾心機啦,會過去的~~~下個星期睇下米雪幾時得閒,搞番個gethering啦!!
返公司其實好少msn架,你問阿米雪就知,可能好耐我先好簡單答一句,開msn係有時悶悶地,感覺有人陪住我,時間會過快少少麻!!一個星期既過去,死期又就到啦,唉................莫非又係我自己惹既禍,但係我做過o的咩喎,我咩都冇做過,坉n咁我可以點,不過...........我知我應該點做.....或者唔好再聽電話定係要直接o的? 不過好難開口架喎....
----
擒晚仍舊是和民,不過有一排冇去啦,都ok既...俾o個2杯野飲搞到超級面紅.....好耐冇飲酒啦!!! 記得幾個月前,我同自己過講過,唔會再去狂飲酒,酒會飲,不過一杯起2杯止o個隻,真係傾計o個種羅,我又唔會俾自己飲醉酒,飲得多但又唔醉,自己又會訓唔著,飲醉訓著但聽日又會頭痛,何必呢? 尤其啤酒真係好難飲架!!!要學懂愛惜自己!!! 所以各位咪叫我去買醉呀!!! 答應過自己唔會!!
------
期待再期待 期待中 我先存在
期待再期待 瓶內的乾花能盛開
期待再期待 明日天眼開
共他分手後 三五七載
能讓我在 原地等到 得到過的愛
期待再難奈 還是不忍 不期待
誰話我存在 純為好景不常默哀
忘掉了時代 執拗地期待
或可單身得 比較精彩
誰若 似我試過 這樣深愛
同樣 會再冀待 逝去的愛
誰在 一雙手鬆開之後
懷念 一束飛走的汽球
還剩 半世約定要守
勝過最後兩手 裡面一陣風都沒有
誰又 捨得揮一揮衣袖 <---唔知點解幾鐘意呢段歌詞
然後 以最撇脫 那種步姿 高飛遠走
連舊世界都不帶走
原諒我懷舊 無奈新的 不如舊
人為我輪候 仍為等他找來藉口
其後那回味 比故事長壽
若天生這麼 不會收手
情願 有個信仰 信就得救
除下 這個重量 自覺虛構
留下 這醫不好的心漏
能讓 我信我也有種幸福 差點到手
甜蜜試過 只是不夠
楊千嬅-->我等我在 |
<--唔好嬲,送俾你!!!今日唔記得話你知我唔記得帶電話呀!!! 我是一條蟲,係糊塗蟲
,都係一隻蝦,大頭蝦!!
