好黑仔呀~’~!! 我最怕的病星期四零晨時分又來探我啦! 我對這病十分害怕, 也十分無奈, 因為它是來得很快的, 而家裡又沒有那些藥可以預備, 每次一來就一定要去急症室, 而且往往也是在零晨時分最痛苦的, 叫你不得不去看醫生 /~\ 如果經痛是5分那它就是12分而滿分就是十分, 經痛的問題好像真的因為月見草而見效, 沒有之前的痛得要死. 但這個又有沒有方法可以醫呢?

尿道炎!!! 這討厭而又該死的病, 真的越來越難搞了, 小時也偶然會有一兩次, 但每次都是飲大量開水, 去多幾次廁所就可以了, 但近幾年, 不知是那些細菌勁左還是我身體弱左, 一有少少病徵我都會大量飲水希望可以搞掂, 但到左前幾年的一次搞到要去睇急症, 情況就開始不太好了, 那次我本以為飲水可以解決的, 所以一直沒有去睇醫生, 結果搞到尿中有血及極之痛楚才要求阿橾同我去睇急症, 那次阿樑都嚇一跳, 因為他知道我不是到了忍無可忍也不會出聲要去急症的, 所以他立即同我搭的士去睇醫生, 也不理會他哥哥及阿嫂的反映了, 因為那天其實是我們去了深水步跟阿樑的親戚食團年飯的, 所以我才沒有說出有多痛, 到食完後我才跟阿樑說, 所以他就好緊張囉! 見到佢仲痛過我的表情, 真的有些開心呢^0^!! 結果去到驗尿時姑娘問我是否經期, 我說: 不是!這是血來的, 是從尿道出來的, 而且好痛, 之前是不會那麼痛, 也不會痾血的, 今次我自己都嚇襯, 結果醫生開了些抗生素給我食, 而食左一兩次後又沒事了, 所以我就沒有再吧藥食完, 因為細時阿媽成日講病好左, 就唔好再食藥啦, 對身體唔好架!! 結果就是慢慢, 我對這藥沒有反應, 而且越來越抵抗不了這些細菌, 一有就會來得好急及惡化, 每次也是會痛到痾血, 而那種痛就如太監仔被奄後痛醒後, 師傅再將那插在尿道的羽毛拔出, 然後要你痾尿的痛楚, 成個過程有多痛, 沒試過也知 “簡直想死”..

昨日又是阿樑同我去睇醫生, 好彩每次我有事他也在我身邊, 本想自己一個去的, 但又想不到的士台的電話, 結果就叫醒佢, 等搞掂哂, 佢先再瞓返, 而我就要到藥力發揮後沒有那麼痛才瞓到, 個傻佬搞笑到係姑娘房取藥時, 見到人家有水有柸就同姑娘講: 可唔可以比柸水佢, 佢依家要食左藥先! 姑娘話: 好, 等我搞完d野先. 跟住姑娘就同我交代d藥呀, 假紙呀等等, 而個傻佬可能見姑娘咁耐都未比水我, 就自己動手去攞水啦! 結果個姑娘即刻想搶返, 好搞笑呀^0^ (我以為我急, 原來有人比我仲急呀!)相信隻傻瓜又會周圍問佢啲同事呀, 朋友呀, 問佢地: 你老婆或女友會唔會尿道炎架? 有咩幫法或藥物可以根治呀??

真係好多謝你呀! 八公仔!!

在等藥效時還是很痛苦時, 突然發現自己變左好多, 軟弱左好多, 以前未識阿樑時, 覺得自己是打不死的, 是不會有病痛的, 好可能全人類死哂, 自己也死不了, 好像自己命硬得太過分了, 生死是在自己手中的, 而現在卻越來越發覺生與死也由不得你, 很多事也不在你手, 你只是流水上的一槐葉, 你以為可以改變任何野, 其實你只是一個遊客, 一個傍觀者, 兩岸傍邊的景物就是在我們身邊所發生的一切, 我們帶不走, 改不了, 只能用眼睛去睇及感受它們的存在.

我成日都有個諗法就是, 每個人來世上, 都是要學些什麼, 而我要學的就是 “放開".