今日是朋友生日, 原本唔想被她知道有什麼人去, 但因我工作上同事放大假, 只有我一個做, 又是聖誕, 新年時間, 工作特別忙!  都沒有時間聯絡其他朋友去哪兒食, 幾點, 係哪兒等. 最後都是主人公出馬, 通知我幾點係元朗等, 我們去食辣蟹!

個餐幾抵食, 有2隻蟹, 黃金蝦, 魚, 蒸鮮及菜, 不過就比較油! 今次叫埋伋傑傑是無錯, 阿月估唔到他會來, 其實我都沒有把握他會出現, 因為他住元朗, 不是大事也不入來的. 所以阿月見到他, 好意外, 好開心, 即來一番熱烈招呼!

食完野後, 我叫侍應拿出蛋糕, 初時他們以為是美心出品, 但後來才知是我整, ha..ha...因為我用了美心紙盒, 刀, 生日牌. 想俾個意外阿月, 但唔知她有無呢 ? 因這是芝士蛋糕, 所以都幾流, 他們個個食得太飽了, 所以食唔晒, 下次都係整慕左好d, 唔會浪費加唔會太飽, 搞到個肚唔舒服.

今日約了一班朋友去朋友家開party, 今日是boxing day, 所以每人準備一份 $50-100 的禮物. 4:00到出發去兆康朋友家, (我朋友都說, 你好似未訓醒, 當然啦, 近幾日都唔夠訓, 晚晚夜訓, 唔生暗瘡已經好好架啦) 我發覺新一代夫妻好喜歡屋企擺放模型玩具, 公仔等, 仲佈置節日氣氛好好. 他們一早準備左薯片, 朱古力等零食, 玩時可以食下, 也準備左刺身 (有長腳蟹肉, 太子, 三文魚, 凡立貝等), 我們亦會叫pizza 同kfc等外買.

我們分2班人玩, 一班就是打麻雀, 我同其他朋友玩鋤大d, 他們玩1張$0.5, 我玩到輸200張牌, 好勁呀! 好彩他們說見你是女仔, 減100張啦, 沒有輸咁慘. 到食野時, 好多野食呀, 整張枱都是食物, 之前玩時, 我們又食左馬豆糕, 薯片零食, 個肚仍未餓. (睇來這聖誕節, 我唔肥都好難 =.=)

伙食完野, 當然是抽禮物時候, 抽了幾次有d朋友抽返自己個份, 唯有再來過, 玩了幾次才成功交換了禮物. 個大獎經過幾次易手最後落係我手上, 是個超聲波放濕機, 睇張單$400的, 我們個個都問買之人是否搞錯左, 我們價錢個range是$50-100, 這個機已經超額了. 其實抽濕機會好過放濕機law, 香港是潮濕之地, 用著機會好微. 玩完回到家也11:30了. 又係夜訓之日呀!

今天是我最好朋友的結婚大日子, 一班姊妹一早7:30到上她家裝身, 準備遊戲, 等阿明來接新娘子~ 阿明同一班兄弟上到來, 就被我們姊妹截住, 係走廊玩直到屋企, 一班兄弟都唔玩, 只有肥波一個做晒, 仲要一人飲d好難飲ger野tim, 搞到我們唔忍心再玩他. 玩完就叫阿明唱情歌接阿映. 當然來一個長吻來結束接新娘個part, 之後敬茶給長輩, 11:00就出門去茶數飲茶, 飲完約1:30才去男家. (早上忙完遊戲個part, 其實都沒有什麼野做了)

到男家敬完茶之後, 大家休息一個鐘到才出發去尖沙咀酒樓待陣.  去到, 大家準備run down, 各兄弟姊妹分配一些工作, 閒時就影下相, 食西餅, 傾下計等. 直到化妝師到, 需要化妝的人就入新娘房化妝. 約6:30, 賓客陸續上來, 兄弟姊妹負責帶位, 招乎賓客, 我就係新娘房stand by. 

約8:00一對新人出場, 歡呼聲不斷, 姊妹兄弟就係左右拉花爆, 上了台後就是簽結婚證書儀式! 當然一對新人會講下他們如何結識, 講下自己心聲, 準備花給大家的母親, 感謝她們一直的支持, 包容, 照顧! 一片感動! 之後我就不知道出面如何了, 因為我一直陪住新娘子, 幫她準備衣服, 手飾, 當晚阿映換4個裝, 我們出出入入, 沒有如何食過野, 雖然好忙, 但大家唔肚餓, 直到尾聲, 一對新人係門口恭送賓客離場, 我都好想係出面恭送, 尤其是叔叔的一班同事 (細個時就同他們一班玩過, 所以都熟絡), 但因新娘房鑰匙是我keep, 有人想law返d野走, 所以我一直沒有出現, 當一對新人入來換衫才知道完了, 有d可惜!

因之前拾好大部份野, 我們好快就可以離開去酒吧玩, 一班朋友浩浩蕩蕩去玩, 不過姊妹只有我一個, 我叫兄弟不要蝦我! 否則下次唔同他們玩! 玩到3點, 我同2個兄弟搭的士回屯門, 以為5點可以訓啦, 點知個眼妝好勁, 用左大半個鐘才卸到. 直到6:00才可以上床訓覺, 但下午我又約左一班朋友開boxing party.  所以都係唔夠訓 !

今個平安夜, 我沒有同阿may他們一班去阿靚家bbq. 相反去左同朋友睇阿凡達, 原本以為是個半鐘一輯戲, 唔明點解會咁貴, 當去到旺角百老匯join埋朋友才知道是差不多3個鐘. 難怪比平時3D 貴啦.

呢輯戲是我睇3D以來最好睇的一輯戲, 一來是科幻片, 二來個森林好靚~ 好似睇緊卡通片, 當主角講都唔知自己係邊度, 森林才是他的家, 自己是部落人, 我是明白的, 森林日日新奇, 人同大自然好溶合, 好和諧, 真是一個好地方~ 相反我們人類, 太自私了, 為了自己私慾, 亂破壞, 仲要入侵他人地方, 我睇到他們被打敗, 個心不知幾開心, 幾快活!

睇完離場時, 唔捨得咁快完, 真是好投入, 唔覺3小時就咁過左! 之後我們去了禮壽司店食飯, 食得好飽, 11點半才搭車回家, 要多謝他們請睇戲食飯! 希望可以早訓啦, 明天仲要早起做伴娘.

原本今日同秋秋跟團北上睇菊花食大閘蟹, 點知唔夠人, 所以CANCEL左! 唯有去馬灣挪亞方舟.我們一早出發11:00到珀麗灣, 原想落沙灘行下, 可惜當日天氣唔好下雨, (好彩沒有北上, 睇來D菊花都唔會靚!) 行左一陣就去馬灣, 如果全部展覽睇晒, 要$100. 入面唔錯, 沒有什麼人, 我們可以悠閒睇下影下相, 一定唔會有人阻住TIM. 其實入面好岩小朋友, 學校團去, 因為展覽是以教育為主! 不過我好喜歡入面的展品, 有好多木雕公仔, 布公仔, 陶藝, 好靚好得意~ 入面D職員都好NICE, 會主動講解一番, 使你更清楚同思考一下現在. 除此之外, 入面也有動物昆蟲區, 4D影院, 可以玩全日了.