今日約了一班朋友去朋友家開party, 今日是boxing day, 所以每人準備一份 $50-100 的禮物. 4:00到出發去兆康朋友家, (我朋友都說, 你好似未訓醒, 當然啦, 近幾日都唔夠訓, 晚晚夜訓, 唔生暗瘡已經好好架啦) 我發覺新一代夫妻好喜歡屋企擺放模型玩具, 公仔等, 仲佈置節日氣氛好好. 他們一早準備左薯片, 朱古力等零食, 玩時可以食下, 也準備左刺身 (有長腳蟹肉, 太子, 三文魚, 凡立貝等), 我們亦會叫pizza 同kfc等外買.

我們分2班人玩, 一班就是打麻雀, 我同其他朋友玩鋤大d, 他們玩1張$0.5, 我玩到輸200張牌, 好勁呀! 好彩他們說見你是女仔, 減100張啦, 沒有輸咁慘. 到食野時, 好多野食呀, 整張枱都是食物, 之前玩時, 我們又食左馬豆糕, 薯片零食, 個肚仍未餓. (睇來這聖誕節, 我唔肥都好難 =.=)

伙食完野, 當然是抽禮物時候, 抽了幾次有d朋友抽返自己個份, 唯有再來過, 玩了幾次才成功交換了禮物. 個大獎經過幾次易手最後落係我手上, 是個超聲波放濕機, 睇張單$400的, 我們個個都問買之人是否搞錯左, 我們價錢個range是$50-100, 這個機已經超額了. 其實抽濕機會好過放濕機law, 香港是潮濕之地, 用著機會好微. 玩完回到家也11:30了. 又係夜訓之日呀!