星期六日同朋友仔去東平洲宿營, 原本不是去東平洲的, 我們想去澳門, 點知太貴, 而且沒有房, 咁唯有轉去東部華僑城一日啦 (因有d朋友星期六要返半日), 但旅行社職員不建議我們去一日, 因為那裹好大, 自己去又易迷路. 唯有放棄, 本地遊算 ! 所以轉去東平洲, 因為我想他們睇璘光同星星, 而且那裡影相幾靚, 岩他們影相人! 當我收集晒資料同問好晒價錢, 房間情況之後, 告訴他們一點是沒有熱水沖涼, 要沖就要俾錢. 仙地, 阿JOE聽完就說改其他地點, 因為不能沖涼是一個好大問題, 經過一番說服, 他們答應, 我們真是決定去東平洲了. (希望間屋不會像第一次咁恐怖啦!)

今日是朋友的大喜日子, 之前答應她做伴娘, 這是我的第一次, 好多野都唔知點做, 真擔心破壞左她的好時光! 因她唔擺酒, 簡單出嫁, 所以只需一個伴娘. 原本都有伴郎, 但因有事不能做, 唯有叫細佬頂住.

今日好開心, 期待咁來ger 野, 終於可以成行了 ---- 去露營! 難得朋友有齊工具, 而且有經驗, 當然要去啦. 現在天氣是最好的. 我們下午才出發, 去到塔門時,已經5:00到, 即行上扎營區去扎營. 哇....去到時, 同我想像中, 好大分別. 到處是牛A, 是營帳, 好多人呀 ! 唔知仲有無靚位俾我們呢 ?!

我們找到一個近山頂位, 個度幾大風, 襯太陽未完全落山, 男就扎營(全營區, 我們是最大的營帳, 入面有廳, 有2間房, 除此之外, 仲有獨立3個營帳TIM) 女就搭野, 順手去洗手間(行10分鐘)洗野. 我們玩煮飯仔! 有粟米飯, 魚扒, 雞柳, 茄子, 鹽焗雞翼, 薯仔蓄茄菜湯. 好豐富但煮就辛苦, 因為只有一個GAS爐, 煮完 一樣才可煮一樣, 所以我們食熱飯, 飲熱湯, 冷餸菜, 不過好滿足, 在這樣環境下也有咁多餸菜, 辛苦姚姚了. 全部是她煮的, 果然是黃師奶! 到晚上開始凍, 而且好大風, 我們入個大營帳食飯, 好WARM ! 原本想整腐竹蛋薏米糖水, 不過太飽了, 睇下明天食唔食到啦. 之後我們玩UNO 同層層疊, 玩到零晨2:30到, 之後各自返回營帳訓覺, 唔知睇唔睇到日出呢 ?

我同姚姚, 她侄女3人訓一個營帳, 原本應該好WARM的, 但她侄女好懶訓, 我們擔心她凍襯, 唯有被一張被被她, 我同姚姚一張. 但都是沒有用, 最後我們2個訓唔到, 只有侄女訓得最好, 呼呼聲. 一早就聽到出面有人說話, 應該是日出時間到了, 但我們唔想起身, 直到見光才起身伸頭出去睇, 好大霧, 睇唔清楚個太陽, 其實已經升左幾高下架啦, 但D男就影左幾張相.

大家起身後, 我們煮蛋餐肉米, 食飽去放下紙鳶, 行下山, 之後搭野去食海鮮飯.  個間海鮮餐廳不錯, 誠實好味~ 我們食了蟹粥 (好鮮甜), 炸墨魚丸, 海膽炒飯 (正加大大碟). 整個行程,唔計車錢, 也只是用了$100, 真是好抵! 我們搭6:00PM船返黃可碼頭, 之後再搭96R巴士去鑽石山,再搭巴士返屯門, 回到家也9:00PM, 大家都好累, 係架車度訓覺! 下月12號,  聽講有流星雨, 我們可能再會露營.

今日是最凍的日子, 我們plan左行山, 行麥利浩徑第三段, 難度是中級. 我們一班10人一齊去西貢. 一開始我們已經是行榴級, 行到一半, 我突然肚痛, 痛到有d眼花加暈, 唯有落後坐係石級度休息下. 心想, 唔好痛啦! 快d好返! 今日晨早7點幾由屯門出發, 山長水遠來到, 因幾級榴級就死左.  唔可以!!!!!! 唔可以!!!!!! 有d朋友見我一直未上來, 就落來睇下什麼事. 他們陪我休息, 黃生就不斷說笑, 希望減低我的注意力. 大約休息半個鐘, 好返好多就再行. 一路真是多謝黃生, 幫我揹袋直到我無事. 之後就一路順暢, 不過我是最後一個 =.=, 行得最慢 ! 上到補給站, 只有一間士多, d價錢是開大口, 一支水要$12, 蛋腿(各一塊)丁$25, 魚旦燒賣幾粒$10. 食飽再行, 足足行5-6小時才行遠, 中難度, 睇少它了, 因為好多石級, 如何經常咁行, 唔瘦都唔得!

我們公司大廈中港城聯同太平皇家酒店搞個整蛋糕堂, 是免費的. 有咁好GER 野, 當然即時報名啦! 當日去到, 大會提供飲品我們, 材料工具全有齊, 而且每個人也會動手整, 好開心! . D人不斷影相, 我們也是. 最後完成, 每人一個蛋糕攞走, 今次是綠茶紅豆慕士蛋糕! 走時, D大廚企係門口送我們走, 見我們個個開開心心的笑住走, 忍唔住問你們真是好開心WOW, 我即回應他一句, 當然啦! 有食有玩, 不知幾好, 下次一定再報名! 回到家即同阿妹試下, 嗯..不錯, 幾好味! 明天可以教雪人整個士多啤利慕士蛋糕了!