| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
饑饉三十  |
分類: 未分類 |
天公真是玩人啦, 4月 18 – 19 是一年一次饑饉三十的活動. 我去到香港仔運動場時是下雨的時間, 我們個個都穿著雨衣, 但仍是有些少弄濕衣物, 加上大風, 有些涼. 雖然是下雨, 但任務活動仍照常, 我們要去足球場玩如運水, 磚頭, 二人三足等活動, 因為足球場變成泥場, 好多人都不穿拖鞋, 赤腳玩, 赤腳走, 有d甚至用腳將泥濺去其他隊員身上, 搞到好dirty. (我咁大個人都是第一次玩到這樣, d泥真是好惡心. 行上去要特別小心, 因為好滑, 萬一不小心滑到, 真是恭喜你lor --- 有排做清潔了). 到晚上, 我們遷移露宿場地去黃竹坑體育館聽分享和自由活動, 安定好晒之後, 個個都將濕了的衣物掛上可以掛的地方, 好似難民營! (有d宿臭味) 我知道大會會免費俾2支水, 2支奶我們, (大部份人都準備幾升的奶去充飢, 一餓就飲)) 所以我只帶了一支水, 為了安全, 自己挨不到時可以食的一包餅, 就沒帶什麼可下肚的東西了. (當然我這30小時真的挨到, 我只飲了4-5包奶及2支水, 其實30小時不食固體食物是可以的, 最辛苦是訓唔夠, 衛生方面. )
我們個tim人好多都玩了幾年, 所以好有心得, 他們告訴我, 想沖涼最好是零晨12:00後, 人流會少, 要帶膠袋地下之後放睡袋訓覺, 又教我如何收睡袋等. 當然他們也帶齊急救用品藥物 (我無想過,真不懂安全!) 呢2日也訓練我們女生的耐性, 因為去洗手間, 沖涼都要排好長時間, 地方也dirty. 辛苦晒d清潔姊姊 ! 到訓覺時, 因為人好累, 好多人一訓落地就呼呼訓得著, 我也是, 但仍會不時彈起身, 因為我打開了個睡袋同2個同我一樣新加入的朋友一齊share訓. 地方細又不想郁到人, 不太敢過郁動, 加上d人經常係你上面行過, 搞到你不時醒一醒. (感覺有d law苦來身! 明明大會叫人回家渡過, 明天早上回來加入返, 可以訓係床上, 在個溫暖乾淨的家中渡過, 我放棄! 我甚至無帶牙膏牙刷刷牙30小時, 感覺不舒服, 好彩沒有口臭!) 到第2日, 我起身腰骨硬左, 開始有d鼻水, 不過不是大問題, 仲可以挨過去. 早上大家7:00am起身梳洗聽早晨敬拜, 搞到我更眼訓, 坐到pat pat 好痛. 我懷疑有無人有精神去聽. 到9:00am 大家d精神才回來, 因為有d組別會上台表演, 要大家站起來郁動身體.
又一日任務活動開始, 又係在泥地玩, 到傍晚至晚上是音樂會, 大家d精力仍不減, 情緒好高漲, 尤其是張敬軒出場, 到小組分享時, 有d隊員和隊長哭起上來感謝大家的支持同努力. 整體來說, 我個人仍未完全投入他們氣氛中, 可能我沒有熟人一齊, 同他們感情仍不夠, 又可能是眼訓啦, 所以好多時我都是靜靜不說話的. 我最喜歡是嘉賓, 大會分享, 講下當地的親身經歷, 帶來一些片段給我們. 等我們了解多些當地的情況, 及珍惜自己所擁有, 因為幸福, 衣物, 食物不是必然有的, 而且人是種善忘的動物, 過了一段時間就會忘記了自己的幸福, 開始會要求這個, 要求哪個, 不再易感滿足了, 又再開始煩惱, 人變得不單純! 所以發達國家的煩惱好多時是自己找出來的.
片段中, 我好記得一個地方 (應該係印度, 中東個邊) 首先映著一對靚有錢的女子進入某餐廳, 她們每人叫了一個餐, 但她們食唔晒, 留下好多食剩的東西就埋單走人, 之後鏡頭轉去廚房的垃圾桶, 入面又好多食剩的食物, 之後見一個男人用手開始慢慢細心的從垃圾桶找尋一些有肉的食物, 放入膠袋中. 之後去到一群小孩開開心心的在擺放餐具, 等媽媽分派爸爸在餐廳找到的食物, 他們合十感謝上帝賜予的食物才開始進食. 另一個是嘉賓探訪柬埔寨時, 他們飲完的支裝水就拋棄, 好多小孩搶住要, 甚至打架, 其實入面只有不到一口的水. 睇完聽完個心好唔舒服, 因為他人當垃圾的東西, 他們當寶, 他們不埋怨, 開心感謝神. 他們滿足的進食, 反之我們因為太易得到一些東西, 覺得理所當然, 所以我們不珍惜, 也不會感謝, 覺得滿足! 世上食物真是分配好不平均呀, 一些地方食物, 水多到人不會珍惜, 一些地方就因缺乏而要面對死亡. 他們的世界, 慾望好簡單, 只要有一件新衫, 一餐溫飽, 一口乾淨的水, 可以有書讀, 同父母親一齊就滿足了. 大會雖播片我們睇, 大家分享, 但現在我們只是挨餓三十小時, 仍是不能完全體會當地的生活, 也難身同感受, 因為我們有營養奶飲, 有充足的衣物, 也不是日日如是, 大會鼓勵我們如果有機會, 其實是可以去這些地方探訪, 親眼, 親身感受下, 不是只去些富裕地方旅行.
出年會否再參加仍未知, 因為我唔知我們所做的, 所籌的錢, 是否真是用於貧窮地方, (最好是機構可以公開給大家知道D錢用了去邊) 正如某朋友說這些機構邀請D明星或團體表演, 演講, 他們會否收錢? 又或者大家是因為明星定愛心去參加這些活動 ? 另外去這活動真有D LAW 苦來身, 尤其是天氣不好時. 而且感覺不環保, 因為我見有幾多垃圾制做出來. 但不論如何, 助養兒童是一個好活動.
|
2009 年 4 月 15 日 星期三  |
| 又係運動日 |
分類: 未分類 |
今晚舊同事約我去旺角警察俱樂部玩, 我邀請埋一位女同事一齊去, 我們去女同事介紹的地方食拉麵, 她試過是好食的, 但我們叫了發現完全變了, 連她自己也說不好食, D麵好粉, 湯又淡 (他們說似食剩的湯撈埋一齊WOW) 最後我們投訴及要求換飯, 我們食過D飯是可以接受的. 但經理說只能換烏冬及另一款湯我們, 咁我們接受啦, 好彩個烏冬比拉麵好很多, 只少有少少彈牙, 個湯就一般, 但甜左少少. 食飽後就出發去俱樂部玩. 首先我們去錄齡先, 玩了一局後就去玩桌球. 他們教我一點技巧, 雖然唔多需要體力, 但我覺得比打羽毛球更累, 肩膀都累D. 他們說好多女仔都不喜歡桌球, 因為通常比較安靜, 難控制, 手攰好多WOW. 到10:00PM終於是打羽毛球時間了, (其實他們是BOOK羽毛球場, 但因星期三7:00-10:00PM是警察羽毛球會練球時間, 所以玩下其他東西先) 打到11:00離開搭車回家去也! 我們玩了幾樣活動, 除4-5個人都係每人$30到. 紀律部隊有這些福利真好~ |
| 大澳 |
分類: 未分類 |
最後一天假期, 我同孖寶, 她男友一齊入大澳玩, 有幾年無去lu~. 我們約了10:00係東涌等, 買了一些零食就搭巴士去大澳. Well 今日天氣不錯, 有d陽光, 我們一落車就在入口處食了一碗豆腐花 (唔好食, 普通) , 俾了$20 搭大飛出去參觀大澳及出海睇中華白海豚, 一條中華白海豚都睇唔到, 只睇到水警 =.= , 不過好舒服, 所以我們想回程時搭大飛走. 當我們坐大飛遊水上屋時, D村民好熱情, 經常同我們揮手, 我們也一一回應, 我們又見一家人, 阿爸教緊仔仔坐係露台釣魚, 個副畫面唔知點解睇到好開心, 個心暖暖的, 見他們好寫意. 搭完大飛, 我們開始逛大澳, 一邊逛一邊食小食, 我們食了熱騰騰鴨屎綠 (是一個好細粒 -- 約一粒雞蛋仔的茶果, 是墨綠色, 沒有餡, 外形唔討好, 味道甜甜, 可以清熱) , 炭燒雞蛋仔, 炭燒大沙白, 蝦乾, 乾魷魚, 車仔麵, 咸魚雞絲炒飯等, 口不停, 個個都幾飽.
大澳是個優閒, 寧靜的地方, 見有D村屋是不關門的, 他們不擔心有人入屋偷竊. 有D唔介意俾D遊客影相TIM. 如果不是大量遊客入來玩, 這是一個想要寧靜的不錯地方, 但相比貝澳仍是差D. 原來我們可以租水上屋住的, 俾大家體驗一下水上人生活, 當然設備是舊的, 如果有機會住下都好! 約3點半, 開始下大雨, 我們又逛完, 真想搭大飛走, 但要5:00先有大飛回東涌, 加上又下大雨, 唔知落到幾時, 最後決定搭大巴回東涌.
回到東涌, 我們睇 < 新宿事件> , 原本我唔想睇, 因為覺得唔好睇, 點知睇完全改變了當初想法, 比我預期好很多, 好彩睇左GER, 只少想睇的戲有一輯睇左. (我錯過左時間睇 <禮儀師> , <舞吧, 昂> , < 妖夜尋狼 – 前傳>)
|
2009 年 4 月 12 日 星期日  |
| 山頂蠟像館 |
分類: 未分類 |
又是出門玩的一日, 其中一個dating識的男仔原本約我去九龍灣mega box, 但我覺得沒有什麼野玩, 之後他建議去山頂睇蠟像館, 我未去過當然開心接受. 當日他早上11:00來我屋村join埋我一齊去, (原本我想各自去金鐘的, 但他說不好, 費時大家去錯地方等wor, 所以他入來找我一齊去, 好彩他住市中心, 大家都近) 去到金鐘, 我們去食午飯先, 一來山頂貴, 二來我也肚餓 (未食早餐). 食飽後, 我們去了香港公園行了一圈, 睇茶館博物館, 觀鳥園. 這個公園不錯, 地方大又靚, 水池入面有好多錦鯉, 其他魚仔同龜, 觀鳥園都幾好, 入到去好似去了森林, 有小橋流水, 樹的形狀都古古怪怪, 我們行這公園用了1小時有多. 之後我們買套票(來回纜車 + 蠟像館 $ 160) 搭纜車上山頂, 雖然多人但都好快上到車. 去到蠟像館門口先同李小龍, 張柏芝影相, 入到去就同奧巴馬影合照, (職員好熱心的叫我們擺post幫我們影, 搞到我們唔記得用自己相機影返一張, 最後我們要了這張大合照, 要$90的, 真是貴!) 我們差不多同所有蠟像都影相, 講真蠟像有d唔似真人, 而且唔明點解有唔太出名都有份. 如果不是大家部相機無電, 會影多些, 現在蠟像館入面多了一間鬼屋玩, 是free的, 既然俾了入埸費, 當場唔好晒, 定要入去玩下啦~ 初時他是唔玩的, 但見我興致勃勃要入去玩, 他就將就陪我入去. 雖然地方細, 時間短, 但同halloween d 鬼屋有得比, 幾恐怖 ! 約6:00搭車回家去. 原本他想邀請我一齊食晚飯, 但家中只得阿妹一個, 今日又用了幾百元, 所以我決定回家食飯.
 |
| 2009 年 4 月 11 日 星期六 |
| 婚紗相 |
分類: 未分類 |
今日同阿映, 阿明去九龍塘試婚紗影結婚相. 我們去到就有約8本相給我們睇, 真是睇到有d眼花, 仲有d 想訓覺tim. 當然選擇婚紗時, 我們睇到其他女士試穿緊, 我們睇到忍唔住笑, (其實覺得自己好衰, 笑人家唔好睇!!!!!) 因為有個肥肥的, d裙扣唔到, 她仲要選擇有羽毛或好多紗的, 搞到自己更肥. 我希望她d朋友同她最好不要選擇這2條裙啦, 除非她減肥. 另一個就好瘦, 穿完後一點身材都不突出, 沒什麼好睇. (可能影相會好睇d, 因為鏡頭下, 個人會肥d的) 到阿映試穿出來時, wow…. 好睇好多!!! 阿映身材果然好, 唔肥唔太瘦, 上大腰細下中, 連個sale都讚她身材好, 穿起來靚. (阿明都這樣說)
試完後, 我們各自散, 大家去地鐵時, 見天空好靚, 一舊舊白雲, 好似棉花糖, 即影了2張相 .(好彩有帶相機出街, 因為有時你見到d東西靚, 可以即時影低) 之後我去兆康join埋姚姚去大生生日聚會 (bbq). 入面有幾個朋友是我認得的, 因為之前舊公司工作時經常見到他們, 最記得ger 都是阿興lor. 這晚大生好忙, 都唔知是他生日定我們生日, 他出出入入招待我們, 自己沒有什麼東西食過, 到走時, 他一連食了2件西餅, 我們law走飲品走人回家去.
   |
« | 10 | 11 | 12 | 13 | 14 | 15 | 16 | 17 | 18 | 19 | ... | 48 | »
|
