今日同dating識的新朋友去打羽毛球, (一年都未必打到一次, 今年打了一次, 現在就不斷有人約去打羽毛球) 我們早上11:00開始, 打到下午1:00, 沒有停過. 之後我們去美樂食飯, 我好久無去屯門碼頭個邊lu~ 好懷念讀書時同一班好朋友去蝴蝶灣bbq, 當時未興自助bbq的, 全部是我們準備, 有d就自己醃肉, 有d就去超市買. 當然找男早早的去霸爐, 否則一定無爐bbq (假日是好多人的). 現在同朋友bbq都是去自助形式的bbq場, 因為方便, 食完拍拍pat pat走人, 真想再試下自己準備食物去bbq.

之前我同同事去了某間DATING公司報名, 內容是一男一女合力整2款甜品 (北海道牛奶布奶 --- 3 杯, 綠茶啫哩慕絲 --- 3 杯), 之後每個有4分鐘傾計, 了解一下對方, 有意思的順手交換聯絡方法. 全程3小時. 我覺得這些活動好過只食飯傾計, 有野學又唔太尷尬, 價錢又可以, 所以大家報了名. 昨日我們去太子上甜品屋, 人齊後開始跟ALAN阿SIR (外形幾好架) 整野食, 開始是同個男合力整北海道牛奶布丁 (個甜品好易整), 之後男轉位, 再同另一個男整綠茶啫哩慕絲, 所以每人可以只少識到2位異性. 完成晒後大家可以食完成品, 北海道牛奶布丁好味又滑, 但食晒一杯飽LU, 而且我仲食多半杯綠茶啫哩慕絲, 更飽呀 !

大家食飽後就開始每人4分鐘交談, 男順時針方向轉. D男都算多野講, 活動都是健康, 如打球, 睇戲, 聽歌等. 好多都係九龍香港返工, 有幾個是我公司附近TIM. 他們職業都是穩定, 比較有經濟基礎. (同事說我們好好彩WOW, 第一次去D男質數都OK, 屬於一般, 男60分, 女65分, 之前她聽朋友講這些活動男質數差D的) 見晒所有人後, 我好口乾, 而且PAT PAT 坐到有D痛. 講完即飲水補充返. 其實在這麼短時間見晒所有人, 真是頭暈暈, 我都唔記得邊個打邊個, 搞到我都有D亂. 全部完成後, 有3個男(他們是朋友)問我們去邊, 如果無的話不如去飲杯野. 我們準備出去時, 又有個男問我去邊, 我說飲野, 如果你唔介意, 可以一齊. 另外3個男都唔介意, 所以我們一班去CAFÉ飲野. 當然只飲野又唔低, 我們每人叫了一個餐SHARE食, D食物都OK WOW. 尤其是炸物! 之後我們玩玻子棋, 一局也玩了一小時, 就真坐到PAT PAT痛啦 (今日仍是痛, 你說勁唔勁!) 玩完當然回家食飯啦~

剛同舊同事再聯絡返, 我們相約去打羽毛球, 點知他BOOK了去藍田打, 我真是驚訝! 因為我原本是想在油尖旺, 荃灣, 葵芳等地方打的, 但既然他BOOK了藍田, 是但啦, 好彩明天唔晒返工GER. 一早我就去跑步先 (其實一點也不早, 我跑時也巳經1點了), 然後下午去青松觀掃墓, 掃墓完後(下午去人少好多, 以後都係下午去好)回家休息了一陣就出發去藍田.

星期六電完髮後, 今日返公司, 個個同事都說好睇過直髮, 是自然捲, 所以不會顯得老, 甚至peter也讚好睇, 時髦左 (peter是個阿伯, 好少讚人) 我好開心, 好滿意呀! 貴得來也值得lu ~ 雖然唔知他們是否真心讚我, 但有人讚點都會開心的, 是不是 !

另外, 我整了藍莓芝士蛋糕給fei fei, 提前慶祝她生日, 她同peter的生日差一星期咋, 所以近日食了好多甜品. 他們說好食, 芝士味幾重, 但我覺得藍莓落得唔夠, 所以味道被芝士蓋左, 而且外蛋糕顏色無之前咁鮮, 咁靚 (因為用了另一隻藍莓醬)