今日是一個月前PLAN定的郵局BBQ聚會, 初是約有10個人去, 計劃自己買野去燒, 但最後只得5個去, 因為個個都有事, 不是病了, 就是要返工, 家中有事. 雖然是人少, 我仍然會照常舉行, 不過改為去龍鼓灘自助燒烤. 我同大雄先去了安琪家參觀, 裝修得不錯, 主要是白色, 感覺光明而整潔舒適, 也善用空間, 是我喜歡的設計. 去到她家, 覺得自己屋企沉悶, 唔夠光明, 也不夠色彩, 如果有一筆錢, 真需要裝修下, 但不會大裝, 因為不是私人屋宇, 覺得唔駛拋大筆錢去裝修, 簡單整潔就可以了. 我們一邊食零食, 一邊談下近況. 安琪巳經退休了, 所以好忙, 前不久去了日本旅行, 明天她又去柬埔寨, 再遲D又去日本, 除了四處旅行, 仲會返教會幫手, 又做義工, 遲d又想讀書tim . 我覺得她每一日都過得好充實, 希望我老時也好似她這樣, 有事做心境會開朗快樂好多的. 當他們知道我去了黃大仙睇掌, 大雄說真想睇清楚d, 建議我去睇鐵板神算好過, 他好多朋友都是睇他的, 而且幾準, 不過要排期, 因為好多人都找他睇. 但我暫時唔睇lu, 要睇也等出年.

今日同秋秋, 姚姚去了黃大仙, 當然又是去求籤. 之後去了前年幫襯過的相士解籤, 原本解完就走人, 但秋秋見有得睇掌, 就順手睇埋, 相士講解完, 搞到我們2個心郁郁, 姚姚她們也叫我睇下, 姚姚又說睇掌點都好過求籤啦! 我覺得她也說得對, 當我沉思中, 阿秋巳經手快的將我雙手遞給相士, 講睇埋她! 果然快, 狠幫我下了決定! 聽完所有後, 覺得相士講的都是好東西, 而且都好簡單, 不太深入, (有d好似阿靚講過下tim)唔知是真定假呢? 相士說想睇全部又深入, 就要睇時辰八字wow, 手掌難睇全部. 我心想睇相好似入了深淵, 每次勁過上一次, 首先是求籤, 之後手掌, 面相, 時辰八字, 轉運…價錢也不斷升, 有d似赌博.

今日book了房唱k幫mini 慶祝生日, 雖然我們由6:30pm開始唱, 但大家都唔夠喉, 尤其是黃生, 不過他遲來, 而且沒有如何點唱, 所以他唔捨得走, 未玩夠完全明白. 可惜大家明天要返工, 所以我們零晨12:00走人. 今次除了我, 姚姚, 黃生, 文傑, 仲有mini d同學仔, 初時大家都玩得不太熱絡, 經黃生唱了一首舊歌後, 大家反以熱絡左, 有d話題, 舊歌開始不斷出現, 真睇唔出班小朋友都識唱幾多舊歌wow, 講真舊歌比現在好好多, 只少10年20年仍記得個旋律, 歌名, 反而現在好多都唔太記得了, 唔知是否現在歌手太多 ? 定實力唔夠 ? 定自己記性倒退 ? 

今日聽電台, 訪問了一些女性關於情人節時是否滿意收到男方的禮物. 有個女性收到AGNES B 朱古力同TIFFANY 手鏈 (嫌手鏈普通), 有個收到一套明牌紅色內衣 (今年不宜穿紅色, 唔喜歡, 加上儲錢裝修, 嫌老公浪費錢) , 有個收到明牌手袋 (明明有特價唔用, 男友用正價買, 激死她), 有個收到一套釣魚工具 (男喜歡, 但女唔喜歡釣魚, 唔明WHY要送), 有個收到電筒同原子筆 (電筒仲附紙條說用來照亮你的前途, 原子筆是等你在公司用, 時時刻刻記住他, 相反自己只想要一支花, 就沒有, 無奈), 有個自制<消費卷>給男友, 等他慢慢用, 喜歡食什麼就用, 有個就好浪漫, 男準備了3份禮物, 在食飯時, 順序由廚房連食物一齊出, 給女友好大驚喜, 而且全是自己喜歡的, 有個就好激動, 男說送自己”坦白之心”給女方, 初以為是求婚, 點知是講他某日朋友帶了他去嫖妓, 仲講個妓女如何如何, 女方聽完給了男一巴掌給及分手. 有個就送手觸式手機給女友, 女不喜歡這種機, 埋怨對方明知仲買, 點知男友說就是知你唔喜歡, 所以買, 因為將來會愈來愈普及, 現在開始實習下, 遲D就會OK, 這樣就不會OUT 啦.

近日唔知點解特別心煩, 煩什麼 ? 唉…不外乎是自己目標, 將來, 公司等等. 眼見個個朋友都有目標, 讀書, 有計劃, 而我好似沒有, 只是見步行步. 再加上近日聽到好多負面消息, 更令我煩, 苦惱. 睇來我要好好想下未來, 想下如何行, 不能再是這樣渾渾惡惡過一生, 虛度光陰!