近日逛左書局, 發現一本易明好笑的書, 名叫<50個女生想男生知道的心事>, 它是用圖片講解, 所以易明也好笑, 最岩我這種懶人. 有興趣的人可以去睇睇, 睇完會回心微笑, 覺得講緊自己!

本書說男人比女人多一條肋骨, (唔知係唔係呢) 身形也比女人大, 所以天生已註定是要負多一個人的重量. 因此男人一出生就要準備很多東西, 要比女人強, 比女人精明, 比女人聰明, 但生命未必比女人長wor. 睇落男人真是幾辛苦, (不知是思想傳統定是天生呢?) 很多事情男人都要比女人強, 否則會比人笑, 會比人罵, 因此他們壓力比女人大, 身體可能因為辛勞也比較多病, 生命也比較短! 點解神造人會這樣呢? 不過現在這關係變左了, 好多女人可以比男人強, 遇到難題時, 比男人更耐忍, 只是女人唔運用, 既然有得倚賴之人, 為什麼不要呢! 為什麼唔做個快樂幸福的小女人呢! 現在有時會睇電視重播的<男人之苦>, 仍覺得好睇!

我真是對故鄉沒什麼認識了解, 剛睇完一篇文章才知道珠海地方其實是幾大的, 她有140個小島, (wor 唔睇真唔知, 其實如果開發這些小島也不錯, 不過水質差, 否則可以開發陽光海灘渡假地方 !) 其中一個島---橫琴島也大過澳門3倍, 是個低經濟開發地, 我回故鄉咁來也未去過, 只是聽聞是食蠔地方. 有機會真要睇睇, 現在聽講珠海同澳門會一齊共同開發橫琴島, 因為地近澳門, 可能又係開賭場瓜.

今日收到上一間公司強積金的信, 唔睇仲好, 一睇就真是想死, 足足虧損了2萬元, 嗚...嗚.......點解可以虧損咁多錢架 ?! 真是未試過呀 ! 2萬元對我來說可以做好多野啦, 去旅行..., 唔工作幾個月, ....買靚衫扮靚, ....買電器, ......現在無啦啦咁就唔見左, 是辛苦錢來架, 一想起心情好down, 睇來今次金融風暴好勁呀!

這2輯戲好好睇呀 ! 畫皮最尾好感人, 為了愛, 什麼也可犧牲, 最終是大團圓結果, 令人安慰! 最後一幕, 陳坤知道趙薇是妖(當然她不是)也對她不離不棄, 盡夫道, 同她一同去另一個世界, 令人感動 ! (令我流了幾滴眼淚…) 講真, 哪個女人不希望自己所愛好似陳坤咁, 不受誘惑, 對自己一條心, 無論自己變成如何也不介意. 不過到了同周旋說時, 我不明白了. 之前仍說愛趙薇, 過了一陣就對周旋說: “他認識趙薇先, 而且又是他妻子, 所以不能接受她!” 死時對周旋說 ” 我愛你!”, (所有女子也喜歡聽的說話) 這即是他已經不愛趙薇了? 又或是2個也愛 ? 現在同她一齊死是因為責任問題 ?定是對不起自己兄弟 ? 如果是責任問題, 我好失望 ! 就是因為陳坤對妻子的深情令我感動, 令我喜歡他! 睇完同朋友一齊討論究竟陳坤愛誰? 不過無結果, 直到同姚姚傾, 開始明白了. 其實他一直是深愛妻子的, 到死也沒變, 對周旋說愛她, 是了結她的恨和願望! (人間的愛) 這麼他們全部人都也有機會重生.

至於保持通話又是另一風格, 不浪漫但刺激, 一點悶場都沒有, 加上一些笑料, 緩和緊張的氣氛. 一邊睇一邊覺得古天樂好大命, 這樣飛車也無事, 真勁! 不過現實中有無人好似他這樣為一個陌生電話去救人呢? 睇完我唔明點解張家輝知道個班殺人行蹤. 聽後面個班男仔講起這件事情, 我完全明白了, 原來我忘記左張家輝殺左個女, 拿左女的電話, 所以知道他們行蹤. 我講出來都笑死身邊朋友呀!

今個月真是大月份呀 ~ 好多朋友都是這個月生日, 數數埋埋只少有6個, 破財都唔得LU, 再加上今月要去飲, 睇來今月好窮! 因為今次多朋友生日, 阿MAY計劃去澳門玩2日1夜, 住威尼斯酒店, 我也想去, 不過好貴. 住一晚要約$3000, 大家除開也要$400, 計埋船飛和食玩, 最少要千幾元, 睇來搭飛機去旅行好D. 既然無去同他們慶祝生日, 在這祝他們生日快樂! 個個身體健康!