睇到一篇報導, 說台灣一所大學舉行 “大胃王挑戰”, 參賽學生鬥快吃饅頭, 勝者可得2千台幣獎金, 結果噎死了一個. 聽完覺得搞錯, 其他貧窮地方因無得食已餓死, 反之富裕社會的人就飽死. 真是食物不均的悲劇. 我討厭這些比賽, 一點意思也沒有, 反而浪費食物. 唔明富裕社會的人為什麼喜歡玩這些遊戲? 他們是因為食物噎死, 但不是無食物餓死, 而是太多了, 是不是他們生活太好了? 所以覺得無聊?

今日同一班郵政舊同事食飯, 同我提前慶祝生日! 我先同EMILY食完午飯後, 就搭地鐵去葵芳, (少見的竟有位坐, 當場坐低睇雜誌) 不久有一對情侶坐我隔離, 我瞄了女的手袋一眼, 點知竟是同我一模一樣的貓貓袋, 我心想: 不是瓜!? 咁橋, 大家用同一個袋, 仲要坐在大家隔離, 好尷尬 ! 我未試過對得咁正 ! 不只我是這樣想, 我聽到個女的也同她男友講, O…你睇下, 咁橋, 大家用同一個袋, 仲要坐在大家隔離, 我未試過對得咁正 ! 好好笑 …., 我都覺, 唔知我們是否又同一年齡 ?

因為晚上要參加朋友的結婚宴, 所以下午我同3妹去了探2妹同侄女. 去到屯門醫院, 想買一些水果給2妹, 不過太貴啦, 真搞錯, 普通紅蘋果竟要$15 /2 個. 見到咁, 當然唔買啦, 下次去街市買定先. 之後搭lift時撞到妹夫同伯母, 他們拿了薑飯同紅棗水,我問2妹可以咁快飲紅棗水架啦? 妹夫說唔知架, law定安全d, 去到問下醫生或姑娘先! 不錯, 都算細心!

上到產房門口, 因時間未到, 我見6-7個男企係門口, 個個手上拿著食物或用品. 時間一到, 個個急不及待就入晒去了, 我心想他們好心急, 果然是做人父親的開心快樂, 好溫馨呀~

我們入去就見2妹食緊飯, d飯都唔錯, 有湯, 菜, 肉和水果, 幾健康 ! 估唔到侄女已經係她床邊, 我仲之為要去育嬰室睇tim.原來順產又無什麼病是不用在育嬰室的, 除非是母親沒有時間照顧bb, 姑娘才會放bb在育嬰室. 侄女好細個, 訓得好好, 其他bb哭聲也嘈唔醒她, 只有時會郁下, 打開個口,有得意.

原來妹夫陪2妹一齊入產房, 全過程睇晒, 問他驚唔驚? 說唔驚, 他媽仲講同老婆一齊入去才, 知道老婆生bb是多麼辛苦偉大的一件事, 這樣他才會愛錫老婆, 珍惜老婆的. 我覺得她講得岩, 所以各位姊妹生bb, 記得叫另一伴陪生~

當晚我去朋友婚宴, 見了一些好久無見的同學仔, 我初以為會好多tim, 原來只是幾位, 而且有幾個已結了婚lu. 我覺得當晚氣氛搞得幾好, 不過時間短, 我也沒什麼機會同一對新人傾計影相. 我自己也是衰d, 差不多8:00先到. 食東西時, 播接新娘的片斷, 他們d遊戲幾好玩, 加上一班兄弟好盡力, 不惜犧牲色相, 肉體玩晒姊妹d遊戲, 如除衫被衣夾夾上身, 要兄弟穿過並用口食掛在一排襪的東西, 要新郎跪著對住新娘房大聲諗出誓言, 如所有家務他做晒, 一出糧全部俾晒老婆等, 聽完個個都笑.

我也好瘀, 因為他們安排左旅遊車車客人回屯門和元朗, 我同其他同學分手後, 聽見初識朋友回屯門, 我就說, 不如一齊啦!因為我都唔知去邊上旅遊車. 點知他們說要問下司機wor, 我真是”R” 頭, 搭旅遊車要問司機的嗎 ? 莫非要問司機在哪上車? 再同他們傾左一陣, 才知道他們是搭順風車. 我搭錯線, 哈哈……因為有一個朋友有車, 也是住屯門, 所以順手車他們, 我就唔會左他們同我一樣搭旅遊車, 所以同他們一齊, 我立即說對唔住, 唔會左tim. 我都係自己搭巴士. 但他們說唔緊要, 仲有2個位, 剛好夠坐, 所以我同另一個fd一齊搭順風車回家去.

侄女預產期是11月1日, 估唔到她提早左一星期有多就出來了, 當日我同朋友在BBQ, 沒有聽到電話. 有時間打開電話時, 發現有4個未接電話, 覺得怪怪的, 平時沒有這樣多未接電話的, 而且是家中電話, 於是立即打回家問有什麼事, 原來是2妹生了BB. 她8點入產房, 10:54分生了, 是順產的, 母女平安, 侄女有7磅重, 個個朋友仔都話好重WOR. (我又唔覺, 現在好多BB都是這磅數架啦) 等她大D, 我會幫她影幾張靚相俾大家睇睇. 明天我會去探2妹, 唔知可唔可以近睇到BB呢?

現在D病毒好勁呀! 以前我傷風只食1-2日成藥好快會好返, 對我來說是小兒科. 不過呢年, 不知身體差左定病毒勁左, 初發作時已經即食了一日成藥, 作用不大, 仍是維持一星期, 真辛苦!