唔知點解中秋節是BBQ的日子, 各方朋友都問我去唔去BBQ. 今次同一班舊同事一齊去龍豉灘BBQ (不過我最想是去南灣, 因為未去過, 聽講好玩D). 我們因時間不合, 所以分幾批人入去. JOANNE 她們入去law位先, 我同雞仔, 孖寶, 軒一齊搭車入去, 因為他們未去過, 差不多到時打電話俾JOANNE, 問她在哪落車, (雖然我經常去, 但也不太清潔是在哪落車, 通常我都是跟大隊的. ) JOANNE說是發電廠後三個站落車. 點知我們到終站落, 我俾他們話, “搞錯!? 我們信錯你, 其實我們跟住你都驚驚地, 好彩離目的地不是太遠ger ! 下次都是不要靠你啦 !” 嗚…嗚……我也唔想架, 數錯一個站咋, 都不是行好遠, 當做飯前運動law !

我們8:30開始BBQ直到12:00, 嘻嘻…..走時有二個公仔, 一個是孖寶入面的蘑菇, 另一個是小新, 估唔到軒玩夾公仔咁勁! 不過雞仔想要小新送俾一個朋友, 所以送了他. 唔知是否送給女朋友呢, 嘻嘻……! 去車埸時我們才記得買了紙燈籠, 不過都無玩到, 因為大家等孖寶男友的另一個FD 來車我們走! 其實孖寶男友的另一個FD都有BBQ, 食到一半時俾人call 了出去做野, 都幾唔開心, 明明同朋友食野玩時, 竟出去做野, 回來又要車我們回家, 他自己住大埔, 真是山長水遠呀 ! 我們一直等他, 一直玩肥皂泡, 好久無玩過啦, 我們一班女仔玩等好開心, 見到d泡泡在靚月色中漂浮, 都幾浪漫架!

好恐怖呀 ! 同姚姚游水後, 晚上訓覺竟夢見她, 見她頭髮開始稀少, 見到一塊塊頭皮, 不過好彩不是鬼片入面的女鬼, 咁恐怖! 姚姚睇完這篇日記, 不要打電話罵我呀! 我唔想架! 發夢不是我能控制的, 我一定一定不是想咒你 的!

近日同朋友傾完, 很想儲幾年錢後放低香港所有野出國住返一年半載, 體驗當地生活, 擴大自己的眼界, 當然儲幾年錢是唔夠一年生活費, 不過可以在當地做工, 一邊工作一邊玩, 睇落唔錯. 可以住下牧場就最好啦 !

雖然有d擔心溝通唔到, 又擔心自己一個生活是否可以, 因為如果是行得通, 這是我第一次一個人出國, 仲要住這麼久tim. 如果有朋友的朋友在那邊, 都應該安心d, 只少可以幫下我適應.

我也想過, 一年後回港, 會否找到工作呢 ? 如果唔得, 是否不回來留在那邊呢 ?

我將這計劃告訴朋友, 最親的朋友叫我想清楚, 因為我想得太完美啦, 外國地大物博, 只得自己一個人, 幾危險, 而且是個女仔tim. 外國人喜歡中國女仔多d, 而且他們好開放, d思想未必同你岩key, 萬一遇到危險人物或變態之人, 仲死 ! 聽完個心down了一半. 不過這計劃在我腦中仍然存在 !

同朋友去了南丫島, 好久無去LU. 之前原本是去長州踏彈車的, 因天氣太熱, 太陽太猛, 所以決定唔去, 轉去南丫島, 應該唔會曬死, 因為是去行下市集, 沙灘等. 可惜之前想去踏彈車的朋友唔想去南丫島, 否則多D人去仲好D.

因為是輕鬆行, 所以穿了涼鞋, 連身裙, 通風又方便, 去到時覺得是穿對衣服了, 因為太陽好猛好熱, 帶了帽, 傘也覺得熱. 手臂變了紅色, 心想唔黑都唔得啦, 仲要鴛鴦色TIM, 好彩塊面好D, 每隔2-3小時就補搽防曬, 但因為無買身體防曬, 所以手腳都變黑.

雖然熱, 但我們行得好輕鬆, 周不時坐陰涼處休息吹下風. 坐得最久是在沙灘, 因為我穿了涼鞋, 所以可以玩水, 同拾貝殼, 其他朋友就在石頭影相, 睇人睇景聊天. 今次D貝殼沒什麼特別, 都是一般常見個D.

南丫島真是情侶渡假勝地, 好多都是一對對的, 唔知點解呢 ? 環境靚D ? 渡假屋好D ? 但睇相, D渡假屋真是不錯, 有時間可以同一班朋友租屋住返一, 二晚.

同朋友買了飛去睇3D 地心探險, 原本沒什麼興趣去睇的, 但因為有3D版, 而且睇過預告片, 覺得應該幾刺激, 尤其是D古生物模出來個該. 不過這輯片幾貴, 要 $100.

去到戲院, 職員俾了一副3D眼鏡, 都幾重架, 帶落覺得鼻樑唔舒服, 但唔帶唔得. 睇完覺得時間比較短, 同有D片斷好似未出現, 唔知是否CUT 左D. 可能我對它期望太高了, 場面唔夠刺激, 我想睇時, 好似置身他們處境咁! 咁就好睇 LU!