今晚約了姚姚, 少娟去會所游水, 這幾日天氣咁熱, 游水最晒. 今年是我第一次落水游, 唔記得如何游 lu, 唯有law住浮板蹋水, 直到適應後, 開始唔用浮板游自由式, 蛙式, 當然是亂游啦 ! 好彩人不多, 適合我們這些唔多識游水d人去. 等會所証整好, 要經常去游, 希望可以學成啦 !

游完水後, 我們去了 <賽梵> 食西餐, 雖然價錢比較貴少少, 但是好味. 環境也舒服, 比較靜, 適合傾計.  餐飽幾特別, 是熱又脆, 唔同紅樹林; 牛尾熟得好軟, 無牙也食到. 因為人唔多, 試唔到多款式, 下次要試其他, 唔知pizza好唔好味呢 ?

當知道做晒手上公司, 我也可以早走人, 即快快好努力地去做, 點知一早回去, ada就叫我教阿卓做歐洲shipment (心想搞錯, 尋日又唔講要教埋新人, 這樣今日也走唔到啦) 早上就一邊同阿卓傾計, 一邊教他直到下午. 到下午時才可以做返自己的工作, 但仍不時有人騷擾我, 搞到我進度慢晒, 睇來星期一仍是要返 !

到放工時, 我同阿fred, 阿卓book了場打羽毛球, 點知他們俾ada捉住左, (ada是知道我們今晚打球的) 我要等他們等到7:00pm先可以入場打羽毛球. 好彩之前未俾錢, 否則蝕左半小時. 我們打7:00-9:00, 2hrs, 我一個女同他們打2hrs, 好累, 他們殺球快, 狠, 好難接, 尤其是阿卓d球. 同他們打球比平時晒力很多, 因為打返俾他們時要更大力, 走要更多更快. 好彩我是同他們其中一個做panter, 有人幫一幫, 無咁辛苦, 我當然是幫阿fred啦, 鬼叫阿卓咁勁呀 ! 

打到7:30時, 阿卓朋友阿昌加入我們, 阿昌比阿卓仲勁, 原來他是職業羽毛球員, 比世界級的球員來說, 他只是初級. 不過我覺得他已經好勁, 我同他做panter, 他一個也可以應付他們2個了. 打完後, pat pat 大腿有d痛, 平時唔多運動, 一動就咁勁, 唔痛都唔得. 走時, 阿卓說星期一晚再打, 好唔好 ? 我說你們星期一會好忙, ada可能要你們開ot, 睇下你們進度去到邊先算啦 !

因為有3個新人來到, 但唔夠位坐, ada叫雞仔同孖寶調去其他房俾個位出來, 俾新人坐. 雞仔孖寶覺得她無權叫他們走, (ada說自己是supervisor, 但從來無阿head同我們講過她是我們team leader, 加上她個位的title是同我們一樣supporter.) 個位是他們的, 即使要他們走也應該是tobi 或 victor lau叫, 加上她沒有尊重他們, 沒有事前通知, 語言不佳, 所以他們好堅持死也不走, 3人發生火花, 氣氛好差. 新同事阿fred感覺到事態嚴重, 借飲水出去避避. 阿卓就無返來, 阿kip就一早坐了孖寶個位. 我聽到ada對雞仔說, 好, 你們唔走, 我叫victor lau同你們講! 然後坐返自己位, 一直到放工, 一句說話也沒有. 雞仔同孖寶就坐係雞仔個位, 做返自己d工作.

我問雞仔他們為什麼要同ada嘈呢? 我們都就走人啦, 多一事不如少一事啦 ! 他們不服氣說她邊有資格叫我們走, 她一來到扮同我們friend, 但又係我們背後講我們和其他人是非, 經常貶低人, 好討厭! 好假! 經常找victor lau壓落來, 當tobi無道. 橫點要走, 點解仲要俾面她 ! 講真, 我也不喜歡ada把口, 她經常講他人的是非, 又在雞仔孖寶面前講我如何蠢, 其實我認自己不是聰明醒目人, 但也不用這麼說, 會好hurt的, (既然她認為我蠢, 為什麼又問我如何做, 真是 !)除了之外她又說他人做唔到野, 問他們等於白問, 又說tobi是個無能的阿head. 最勁是她可以係他們面前有講有笑, 唔該前唔該後. 點解她可以這樣 ? 自從她來了, 我們這部門多了是非, 多了人事問題, 差工作氣氛, 令人好唔開心!

今早發生這不開心事後, 不久tobi send email來, 要同我們3人開會傾一傾. 第一個是我, 我們初時以為他是同我傾傾何時是last day, 交待一些事情. 點知我入去, 他同我說, 雞仔同孖寶今日是last day, 因為坐位是足夠, 所以他們要提前走, 俾個位俾新人. 我聽完即問他咁我呢 ? 我是否要早走, 他說不是, 你只少要下星期才可以走人, 你同ada傾傾, 睇下做些什麼, 何時要走. 然後他又問我找到工未, 找哪一行, 希望我快找到一份好工等!

見完全部後, 雞仔孖寶填寫返d資料, 還返d工作証, 文件等給HR, 他們同我說, 雖然提前走, 但公司仍會計人工至30號, 而且他又問 tobi, joyce (即是我)做晒foreign press d 單就可以走. 真好, 我也要提前走, 所以即問ada, 我是否做晒foreign press d 單就可以走. 她說不是, 要做晒non-itp d file 和做返excel file 就可以走, 所以你last day可能要星期一.  聽完心都灰晒, 要遲d先走得 !

雞仔孖寶走時問HR law reference letter時, HR d人說不會即時俾, 他們是寄去他們住址的. 他們又問幾時會收到, HR d 人說要一個月, 而且唔知是否一定有. 雞仔孖寶懷疑是否是真的需要一個月, 而且出一張reference letter 証明自己在這公司做過不是好難, 即日也出到. 最差是不知公司會否俾信, 同他們傾談到7:00pm仍是law唔到, 唯有走, 等公司寄過來 !

well, 好期待呀 ~今日是我們一班好朋友去Ocean Park 下水禮慶祝阿靚生日, 我同阿妹是第一次去下水禮, 希望好玩啦 ! 我們帶了很多野, 個袋好重, 真是背到肩膀累, 加上天氣超熱, 超曬, 有d辛苦加臭臭. 都幾多人去玩, 我們是正門入去的, 第一站去坐升氣球, 等了90mins, 只坐5mins, 好快玩完, 好彩等的過程中law左 clown的psp同阿妹一齊玩, 走時仲買了一張大相tim. 然後我們去睇熊貓, 他們訓得好可愛. 等埋kennis 就坐纜車過大樹灣食lunch. wow好貴, 去了海洋冰館食, 普普通帟雙燒味飯要五十幾玩, 唔包飲品 tim, 加埋要 $70, 貴又唔好食. 食飽飽去睇海洋壉場, 好久無睇海豚海獅表演lu, 仲睇埋韻律泳tim.

5:30我們去換衫玩下水禮, 我們未入去玩, 等入場時也濕濕地, (記得要帶拖鞋, 唔著鞋唔俾入, 要係展買場買他們的拖鞋, $50一對)入到去真濕一大塊, 因為d工作人員會襯你唔覺意時用水槍射你, 上面又裝灑水器, 經過d通道時, 出面d人會用水槍射你. 所以玩完會濕晒, 不過因無時間, 只玩了彈彈床, 俾他騙了, 勝左也無獎的. 終之玩水球大戰, 水槍大戰啦, 一定仲好玩. 雖然這遊戲不及後2者好玩, 但一大班人也玩得好開心, 大家好投入.

玩完都7:30lu, 我們急急用花灑沖沖水就更衣走人去睇海洋館, 入面得幾丁人, 好似俾我們包場咁睇, 可惜時間唔夠, 俾人趕離開. 水母也無睇就搭纜車返去正門搭車去食晚飯.

我們去了旺角家樂的carliforia pizza 食pizza & 意粉, 都好好味, 全是簿批, 請埋阿靚也是$90, 都抵食, 好過經常去pizza huts.

今次是去認識智障人士的, 我們跟Ivan去長安的明愛中心睇下D智障人士工作環境, 服務及如何幫忙他們. 今次去到, 有位靚義工姐姐介紹樂健工場, 他們的職務, 對象和如何幫助智障人士心身發展健康. 另外又介紹智障人士的手工品及中心成立過程等. 估唔到10年前他們成立時要面對很多問題, 尤其是長安居民, 他們極之反對他們成立樂健中心, 有些極進派會拋石頭, 一早就沖入中心大罵職員 (是用粗話)等, 使職員同智障人士人生安全有D不安全, 而且難堪 ! 不過他們好堅強而且積極想辨法使居民接納他們, 他們首先是從師奶著手, 這方法行通了, 漸漸大家明白智障人士不是危險人物, 他們只是智商在世人標準下低少少, 思想似小朋友, 做事慢一些, 需要更多耐性, 但他們比我們勁, 因為他們肯用心肯努力的跟導師學習做手工藝, 做美容師, 舞蹈員, 舞獅隊. 他們更考了公開試, 成為專業人士TIM.  

不要以為他們工作好簡單, 有D工作是要好仔細的, 做錯少少也不能要, 要扣錢的. 因為樂健是要自己找公司合作, 承接公司的包裝或半製成品做, 維持智障人士的收入, 使他們有事可做, 為社會出一分力. 另外, 他們學到的技能, 中心也會幫發展他們及運用, 經常帶他們出去幫街坊以低價錢按摩, 做美容, 參加社區活動, 表演給公眾人士, 老人院睇, 喜慶日子時, 又有舞獅隊表演, 他們活動好多也有義意. 他們的手工藝作品也受外國人士及本土人喜歡, 所以他們會將工藝品銷售出去, 賺取收入.

了解完之後, 我們同一些智障人士一邊傾下計一邊跟他們學入紙巾刀叉, 他們好好傾的, 好多野講, 不過有時要慢慢細心聽, 因為他們發音比我們差少少, 似小朋友說話. 走時, IVAN同義工姐姐說, 如有需要我們幫助一齊搞活動, 記得找我們, 如大家一齊去郊區, 去搞表演時的攤位遊戲等. 8月1日我們參加了{全城哄動, 傷健同心迎奧運} 奧運常識問答比賽.