自從返現在這間公司開始, 每日返工都見到鄰居的返工人, 他們都是我由小睇到大的年輕人. 我記得我讀中一時, 他們仍是小朋友, 細細粒, 讀緊小學. 現在全部已經工作了, 變得大個左, 時間過得真快, 睇到他們d變化, 發覺自己無變過, 仍是這樣, 都唔知是好定唔好呢 ?

其中一個小學是肥仔一名, 到中五開始變得瘦了, 到現在更瘦, 又高, 似一支竹, 如果不是見過他小時的樣子真估唔到現在瘦了這麼多 ! 而且見他著西裝, 斯斯文文, 幾靚仔.

另一個小學時, 細細粒, 好瘦, 似一隻猴子. 現在也是瘦, 但不是很高, 同我差不多高度, 但比之前大隻左, man左, 型左, 而且見他留了一些鬍鬚, 俾人幾有性格感覺. 他家姐也變得比小時更靚, 她小時是個可愛美麗的女孩, 眼大大, 皮膚白白, 長直髮, 現在電了一個長曲髮, 化一個淡裝, 有d女人味.

另一個是大過我的姊姊, 我讀中五時, 她已經讀緊大學, 她無什麼變到, 一直也是咁瘦, 咁白, 好斯文, 頭髮也是一直是直, 長, 我覺得她是一個外表柔弱, 但內在是堅強的人. 幾靚女的!

另外一些是由出世見到他們上中學, 小學了, 他們3兄弟好似樣.  

因為3號風球, 大風大雨, 我搭緊車回家時, 阿妹打電話被我, 緊張地說: "家姐, 屋企玻璃窗因為大風吹破了, 穿了一個大洞, D玻璃有D趺左落街, 有D在家中, 你快返來呀!" 我個心DOWN左, 攪錯! 屋企也是個不太安全的地方, 只不過是3號風球, 家中竟爆玻璃, 仲要阿爸不在香港的時候. 我即問阿妹, 你有好事 ? 趺左落街的玻璃有無傷到人 ? 可以的話, 你暫時用大毛巾遮住個窗, 不要俾雨水入屋!

好彩阿妹同其他人都無事, 有驚無險! 管理叔叔見到一堆玻璃趺左係近大堂, 立即出去睇, 望上去! 當時阿妹在另一個房窗口見到, 即揮手試意他是我們家的窗門破了. 管理叔叔立即打電話詢問情況, 知道無事就放心了. 我半小時後到了家即去街市找人去整窗門, 好彩是下午, 不是晚上, 是3號, 不是8號, 否則都唔知如何處理!

叫了維修人, 老闆娘說過半小時後會到, 但等了一個鐘仍不見人, 又擔心其餘玻璃會趺落來, D雨水入屋, 忍不住CALL老闆娘, 再等了半小時人才到, 維修了一半時, 發覺玻璃窗SIZE不對, 又再等他返去店舖取, 要7:30PM才整好! 足足用了4個鐘才搞掂! 再用半小時清潔. 時間真是久, 是等人等得久! 原本想自己煮飯食, 但已無餸買了, 唯有落街食飯.

之前識了一個做義工的朋友, 為了擴闊圈子, 幫助人和變得更獨立, 所以主動開口同他說我想做義工. 今日食飯時, 他俾了一張做義工的大綱我, 順手叫我找多d朋友一齊參加.

                   <CARE VENTURE 同行計劃2008>

日期: 12 JUL 08 - 03 AUG 08                             對象: 中七 至在職青年                   名額: 10人

以負組形式服務, 逢星期六, 日

目的: 喚醒青年人對社會上另類群體的關心, 運用暑假期間把愛及正面能量帶進有需要的一群

內容: 同行小組 - - 認識自己, 認識社會上弱勢社群的需要, 彼此關心及分享

        服務內容 - - 探訪正生書院 (青年福音戒毒學校), 兒童之家, 青山書院或精神病康復中心, 探訪舊區屋村老人及清潔服務, 探訪弱智人士宿舍等

被選為CARE VENTURE 成員者必須參加服務計劃前聚會及日營

聚會日期: 04 JUL 08 (星期五), 時間: 7:00PM, 地點: 盛逸酒店

日營日期: 05 JUL 08 (星期六), 時間: 2:00 - 5:30PM

大家有興趣, 可以找我. 詳情要等等, 因為我未問.

近日心情都是一般般, 總提不起勁 , 除了自身問題外, 再加朋友問題, 搞到心情都是灰灰的, 即使出了太陽, 也不見好! 身為朋友的我, 幫不到他們什麼, 只希望這2位朋友無事啦, 想他們開心返, 不要再為感情煩惱!

十句有意思的句子:

01. 沒有一百分的另一半，只有五十分的兩個人。
02. 付出真心，才會得到真心，卻也可能傷得徹底；保持距離，就能保護自己，卻也註定永遠寂寞。
03. 通常願意留下來跟你爭吵的人，才是真正愛你的人。
04. 有時候，不是對方不在乎你，而是你把對方看得太重。
05. 冷漠，有時候並不是無情，只是一種避免被傷害的工具。
06. 如果我們之間有1000步的距離，你只要跨出第1步，我就會朝你的方向走其餘的999步。
07.為你的難過而快樂的，是敵人；為你的快樂而快樂的，是朋友；為你的難過而難過的，就是那些，該放進心裡的人。
08. 就算是believe，中間也藏了一個lie 。
09.真正的好朋友，並不是在一起就有聊不完的話題；而是在一起，就算不說話，也不會感到尷尬。
10. 朋友就是把你看透了，還能喜歡你的人。

今日是我們公司大日子, (我都唔明點解4月係ANNUEL DINNER) 今次主題是<制服夜>, 歡迎各位同事打扮成不同行業的人, 參加比賽! 仲有啤酒大賽TIM. 時間是由2:00PM 至11:00PM. 正式開場是6:30PM. 2:00至5:30是打麻雀時間. 地點是尖沙咀龍堡國際.

我同雞仔於3:00PM到 (孖寶有事無來到) , 我一心想學打麻雀的, 點知FULL晒, 無台, 唯有睇JOANNE 她們打啦. 她們好熟手, 平時玩開. 直到5:00PM時, 阿MING出去幫手, 到雞仔上場(他等了很久了). 我就睇下雜誌. 原來我們有34張台, 約3百幾人, 中間有個正方形場地, (是用來俾人去跳舞的). 我們是坐19號台.

到開席時, 我們這台只坐了一半人, 其他人不見所蹤, 後來知道TOBI, 孖寶不來, 其他人趕緊來. 但大家唔理, 一邊食, 一邊睇SHOW同抽獎. 第一ROUND抽獎是抽中台號NO, 全台人都有不同的獎 (根據你的座位NO.) 有不同COUPON, 如豐澤, 百老匯, HAAGEN-DAZS, HOTEL BUFFET, 百佳...; 現金由來$300-3000不等; 電器如數碼相機, 空氣清新機, 吸塵器, IPOD等...; 最勁就是商務來回飛機票了, 如去任何東南亞, 歐洲地方, 去巴黎, 阿姆斯特丹, 加拿大等, 第一ROUND抽了23次, 但一次都無我們台號NO, 最激人就是我們台號的前前後後都中晒. 可能我們個TEAM大地震剛完, 未走出黑氣!

抽獎中途, 舉行了啤酒大賽, 支持者會在台下手揮氣條大叫; 又安排了時間俾大家跳舞, 首先是老佛爺開始先, 他會邀請不同的女士一齊跳舞, 跟住喜歡跳舞或熱鬧的人也會入舞池跳一番, 當中有跳得之人, 相當熱鬧. 這時大家都很忙, 跳舞的跳舞, 影相的影相, 飲酒的飲酒, 朋友聚埋一齊傾計, 完全忘記食野!

到頒制服獎了, 司儀扮警隊人員, 有同事扮護士, 工人, 解放軍, 學生, 足球員, 甚至全TEAM人扮舞獅人員. 最後邊個勝出 ? 我忘記了! 最後到第二ROUND抽獎了, 形式是要先抽台號, 後抽座位號碼. 今次全是現金, 全部是大阿HEAD捐出來當禮物俾得獎者. 金額是$25000, 分5次抽, 第一的有$500, 二, 三有$5000, 四是$8000, 5是$10000 (原本是$9000, 但為了好意頭, 叫老佛爺俾埋零頭). 今次有難度, 中了一定好開心, 尤其是第二打後, 可惜我們全台人什麼都無, 非常失望. 其實我覺得第二ROUND應該當安慰獎俾之前未抽中禮物的人分的, 而且不要抽的次數這麼少金額這多大.

請去相薄睇相 !