| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 5 月 11 日 星期日  |
| 大溪花海 |
分類: 未分類 |
今日一早就起身準備出發搭車去大溪花海農場, 搭了很久的車程才去到. 一去到, 當然去食野先, 我們無食早餐就出發了. 那裡只得梵谷之家, 我們去食自助餐, 選擇不多, 味道也是一般. 食飽後我們去行花海, 花種類不多, 而且種得不夠密, 但我們也影了很多相, 用了很多時間玩. 因為除了花之外, 我們也有去農場睇動物, 有迷你豬, 羊, 乳牛, 小白兔, 狗等. 玩到約6點, 我們搭車走人. 等車時, 我們買了榴槤食, 因時間關係, 我們在公車內食, 幾擔心會俾人趕落車, 好彩無事.
上次去唔到食鼎泰豐, 今次一定要去食, 我們約8:30到, 去到叫了一籠蟹粉小籠包, 小籠湯包, 炸排骨等, 好好食呀! 小籠包皮漙肉多, 又不易穿. 最重要價錢不是太貴, 服務生也好好服務, 走人時每個都說多謝, 踘躬! 嘻嘻... d服務小姐仲好sexy tim, 穿迷你裙. 食完想行去書店街行書店, 但書店10:00 close, 所以我們轉了地點, 去了鼎泰豐隔離的書局, 行了很久, 因為書店有3層, 每層都有東西睇, 如書, 精品, 我們到留了一小時才走. 我同雞仔好支持他們, 買了幾本書. 走時也同職員傾計, 他的廣東話不錯, 也好好人!
當然我們又去返冰館食冰啦, 地點是鼎泰豐後面. 食完我們去了近鼎泰豐的一間 club. 入去時, 身穿西裝的服務生要求我們law身份証查是否18歲. ok後當然俾錢入去玩. 但有d失望, 人流少, 又無人跳舞, 比較靜. d飲品是用即棄膠杯飲, 我們每人叫了一杯有少酒精成份飲品, 叫了式鐘玩, 當然我們也玩其他遊戲. 到後期, 有一人比較 high d, 開始跳舞, 見隔離台有人想學, 就出了舞池, 我們見雞仔身郁郁, 鼓勵他去, 而我們就幫他拍片. 到約1點鐘, 我們才離開, 當然離開時也同黑衣服務生拍照啦!
|
2008 年 5 月 10 日 星期六  |
| 九份 |
分類: 未分類 |
今日我們去九份, 十份, 不用太急, 所以可以訓晚D. 我們食完包後約9:30出發, 天有不測之風雲, 尋日是熱死, 今日竟涼陣陣, 仲要下雨TIM. 我們搭捷運台北車站, 後再搭台鐵去瑞芳. 一早我們巳急急腳走去, 擔心錯過班車有排等. 去到瑞芳再轉公車去九份. 坐公車時就好似坐過山車, 不是高高低低, 而是多急轉灣, 要用力握住車柱. 未到九份玩就巳用了好多力了, 手臂累.
一落車, 哇...好涼好大風. 好似去了日本. 因為九份D建築物好似日本, 掛紅燈籠. 我們去到涼亭睇風景影相. 咁岩見到有人上來, 我們就叫他們幫我們5個拍一張相. 點知他們是日本人, 他們幫完我們, 我們就幫返他們, 他們好熱情呀! 他們叫我們同他們一齊拍一張. 拍完, 我們就去行街了, 全條街好多精品店同食品店. 我們當然又係一包二包出來啦! 好豐富收穫! (有花茶, 有桂圓黑糖, 笛)我們去到一間買風笛店, 見他裝修好靚, 要求影相, 店主好熱情, 同我們談了很多, 又為我們用不同笛吹樂曲. 所以我們每人各買了一個笛, 想學吹. 希望我成功吹一首曲啦! 然後我們又到買避孕套店舖, 入面有很多東西好攪笑, 店主也不介意, 所以我們不斷拍照留念. (原本想買一SET唔同味道的避孕套, 但唔知安唔安全, 最後無買到 ) 後來又見一間用貝類做的精品, 好可愛, 好靚. 我想買貝殼做的橢圓形鏡, 同草茹精擺設. 但擔心會整爛, 唯有影相留念啦. 再行入去, 見到一班跳舞學生為跳舞部籌款, 我們捐款支持他們, 又同他們一齊影相. 下午我們食了魚丸麵, 有鯊魚丸, 貢丸, 福州丸等. 台灣D丸好大粒的. 除了丸, 我們也食了薯片塔, 和果子.
去完九份, 搭車去返瑞芳轉車去十份, 青桐和平溪, 好寧靜的一個鄉村, 我們係火車鐵路玩了很久, 又影了很多相才出發行去瀑布. 行了不到10分鐘, 我們有D肚餓, 就去了一間食店食野. 我們叫了炸雞卷, 炸蕃薯, 糭. 我們一路食, 阿秋一路說炸蕃薯好食...炸蕃薯好食, 我們覺得好笑, 好玩, 就用手機錄低左阿秋的可愛說話聲. (阿秋好搞笑的, 她會重覆又重覆一些說話), 到埋單出門時, 又同店主夫婦玩了一會, 將全程錄下. 我們身體暖了很多後再出發行, 去到大吊橋時又玩了一陣. 我們用了很多時間在玩. 真正出發去瀑布時也4:30, 我們行了一個鐘也未行到去瀑布, (我們問過店主只需行20分鐘的 =.=)人又少, 好難找個人來問, 即使問了, 他們也不知, 他們說不是當地人, 不太懂如何行. OH NO, 又凍又下雨, 放棄又唔咁心. 唯有再找, 終於找到了, 我們估唔到20分鐘的瀑布行了個半鐘, 天黑暗晒, 有D恐怖, 因為一路無人, 好驚! 我們仲要拿著手信TIM. 擔心會滑腳趺落去瀑布, (無管理人看守) 所以慢慢來, 也不斷影相. (行得咁辛苦, 當然要影夠)
走時也7:30到, 好黑, 好彩多人一齊無咁驚! 回車站搭車去美麗華摩天輪, 原來有透明車廂, 但要得很久才可搭. 我們為了慳時間同怕怕, 就選個通常來搭. 玩完出來就見好多泡泡, 好靚呀! 我們好似小朋友咁拍泡泡. 玩完再搭taxi去士林食宵夜. (taxi叔叔好好人, 俾我們5個一齊搭, 而且介紹我們去邊玩, 他叫我們去台南, 風景好, 人情風俗好 ! 我下次要去下.
我們好期待去士林食野, 因為好多人介紹一定要去, 但唔知是否太夜定未行晒, 食野一般, 而且差不多每間買的東西一樣, 我們食了蚵仔煎, 炸雞扒, 十全排骨, 炸薯條等, 蚵仔煎, 我們一致認為是不好食, 香港好食很多. 我們也玩了一些遊戲, 中了2個獎. 到了約1:30, 我們搭taxi回飯店休息.
|
去木柵動物園  |
分類: 未分類 |
雞仔說過今天會下雨, 所以行程要變, 將第4日的木柵動物園調去今天. 我們早上急急去富粧大飯店CHECK IN, 點知天氣超級曬又熱. 而且動物園地方大, 又少地方可以擋曬. 我們一路人要帶帽加上傘, 才好D ! 這個動物園比我們想像中仲大, 有很多動物睇, 如獅子, 熊, 猩猩, 河馬, 犀牛, 長頸鹿, 狼, 企鵝等, 我們不斷行, 不斷影相, 去到有冷氣地方, 即入去嘆下, 順手睇下2棲動物, 夜行動物等.
這個動物園沒有職員, 只有旅客, 如有問題都不知問誰, 找誰 ! 可能天氣熱, 很多動物都懶洋洋, 睡在陰涼地方, 我們要用力才找到牠們. 但有些動物好乖, 好識做, 走近我們坐定定俾我們任影相. 但我們要小心D, 因為有很多都沒有欄杆圍住, 只隔一個人的闊度, 如果牠們發怒時, 應該可以衝刺跳過旅客身邊 ! 另外洗手間有很多, 也算清潔, 而且提供水給旅客飲用.
我們行到約4:00就搭貓空纜車, 上去貓空睇下. 纜車上升時, 雞仔好驚, 原來他是有畏高的, 尤其是上升時. 但玩機動時就唔驚, 真奇怪 ! 上到去, D風吹來好舒服, D空氣好清新, 行到山邊望下, 好靚, 全部都是一片翠綠, 香港很少見. 這裡是品茶的地方, 所以好多茶室. 但我們不夠時間, 所以沒有去品茶賞景.
我們落到地下巳5:30, 原本想去木坑街食豆腐, 但巳沒有車去了, 因為5:00就CLOSE. 唯有走人搭捷運去鼎泰豐, 點知有個嫁了台灣40年的香港女人教我們搭其他公車去木坑. 真估唔到搭公車要這麼久, 我們足足搭了差不多1小時才去到公館, 而且公車是無顯示牌顯示這是什麼地方, 我們問人才知道. 到了公館又要轉公車去深坑, 但在路牌上找不到這個地方, 我們又累又餓, 決定不去深坑, 費時又要搭1小時車, 又唔知點行. 橫點公館也有一條食街, 我們食了炸雞扒, 冰糖葫蘆, 炸豆腐, 豆腐冰等. (炸雞扒好食, 其餘一般) 醫飽一些後, 決定搭捷運去鼎泰豐. 點知去到要CLOSE, 激死我們, 只不過是9:00, 咁早就CLOSE !? 我們一包二包, 急急腳去到, 食唔到, 好失望! 唯有去度小月食麵, 一坐低, 人散晒, 好累, 行了全日, 一包二包又重! 要在這坐返夠本才走. 度小月D食物選擇很少, 味道一般, 但好食過尋晚的鴨肉扁 (唔知是否去錯地方 ?)
食完就去冰館食冰, 唔....好食. 我們叫了一客什錦水果冰, 好大好靚, 仲好好味, 岩晒咁熱天氣食. 我們仲食了楜椒餅, (其實似包多D)也好好味, 面脆, 入面有豬肉的. 原本想行埋書店街, 但他們也CLOSE了. 所以食飽就返飯店休息 !
|
| 2008 年 5 月 8 日 星期四 |
出發去台灣  |
分類: 未分類 |
尋晚整好行李, 約12:30訓. 第二日7:30起身, 同平時上班差不多時間, 因為要10點在機場集合, 12:30起飛! 準備好了就8:30落樓搭車, 心情好興奮, 好開心, 隔了幾年無去旅行了. 剛好10點到機場, 同同伴一齊攞台証同辦登機手續.
上機後發現大家坐位不是一齊, 全部分開坐, 笑死人 ! 原來雞仔今早才上網搞座位, 他誤會左d座位坐法, 所以大家都是前後坐E位. 但我同雞仔就因為他人唔想分開坐, 所以同他們調位, 我們2 個可以一齊坐. 孖寶坐在前面打機 ! 今日天氣很好, 天空好藍, 白雲好白, 由高處望下, 好靚! 我好喜歡, 影了幾張相, 遲D俾大家睇下! (因為是用雞仔相機影的 ) 今日雞仔唔知有什麼問題? 食飛機餐時, 不是趺餐用具, 就是落錯調味東西落在飯, 搞到好鹹. 又唔小心LAW 熱水時, 倒到自己身, 辣親自己 ! 我心想我是個粗心的人, 估唔到他更是 !
約2:45下了機, 辨好手續, 都差不多3:30, 台灣入境處D職員好慢, 懶洋洋的, 幫我蓋印時都無力, 蓋得唔靚! LAW晒行李, 換了台幣後, 買車票乘國光號去台北車站. 國光號車都無冷氣, 又熱又焗, 唔多舒服, 搞到我們每個都無什麼精神, 釣緊魚 ! 搭了約1小時才到台北車站, 旋即轉捷運去西門站. 我們在台北車站買<悠遊卡> , 似我們香港的八達通, 我的同伴見我張卡套好靚, (我張卡是雪人東俾我的)以為買卡時是會送張黑色卡套, 點知是紙套, 一點也不靚 ! 大家好奇怪, 當我再睇清楚黑色卡套, 原是香港旺角某一集團的, 哈哈......... 當然我俾人話啦, 唔睇清楚 !
去到西門站已經是5:30啦, 去HOTEL時, 在車站出面影了幾張相, 問了人 (當地人好NICE, 知道我們是旅客, 主動走過來問我們去邊, 教我們去. 當然同他影了一張相啦 !) 一路左右望望, 一路行去BURGER HOTEL. 去CHECK IN 時, 又發現有2間是同一層(9樓), 另一間就是8樓. 當然男就住8樓啦 ! 全部整理好晒, 就下去找東西食了. 不過我們不太懂睇地圖, 所以去唔到想食的店舖, 唯有行到邊食到邊啦 ! 我們食了鴨肉扁, 麵, 炸雞粒. 食飽仲在街上玩跳高影相. 一路行到晚上差不多1:00才回HOTEL.
上機時影
哈哈....我係台灣開了一間精品店. 香港開唔到, 唯有台灣開啦 >.< |
| 2008 年 5 月 5 日 星期一 |
| <點到即止> |
分類: 未分類 |
星期一晚睇明珠 <點到即止>, 覺得這輯連續劇幾特別, 所以睇了! 睇完, 我會追下去, 因為好笑之外, 也有感人篇 !
內容是講一個叫立小朋友某日同心愛狗狗玩, 點知追逐時, 狗狗被車撞死了, 他傷心的用手摸了牠一下, 牠像觸電一樣的復活, 再次生生猛猛. 之從這件事後, 小立知道自己有使生物復活特能, 他為證實自己能力, 實驗了幾次, 覺得奇怪, 點解自己會有這能力呢 ? 但始終是小孩, 所以沒有理會. 有一天, 他心儀的女孩查查在花園玩, 查查爸爸陪伴著, 自己只是傻傻的望著她, 同時間立的媽媽正在焗批, 這時立媽媽爆血管死了, 小立立即走去媽媽身邊摸了她一下, 媽媽再次復活, 同小立一齊食批 ! 雖然立媽媽復活了, 但一分鐘後, 自己親眼睇到查查爸爸突然身亡, 小立想莫非是自己害死了查查爸爸 ? 是查查爸爸代替了自自媽媽去了 ? 他不知如何是好, 到了晚上睡覺時間, 媽媽吻了他一下, 一接觸他就立即再次死去了! 他無論如何摸媽媽, 媽媽也不再復活, 他明白到雖然自己有能力使生物復活, 一接觸他們使其復活後就不可再接觸他們, 否則他們會是永久死亡, 而且一分鐘後不再使原本死去的人死去, 就會附近一個人代替死去! 人仍是不能改變死亡!
立媽媽和查查爸爸同一日同時間舉行葬禮, 走時他們在墓地黃昏時互相吻了一下, 查查被姨姨收養, 小立就被爸爸送去寄宿學校生活, 從此他們分開10年. 小立在吻查查時向自己立約, 自己不再同他人有肌膚之親, 不再與人有深感情, 因為他不想再發生這些悲傷事情了! 自己心愛的狗也不再接觸, 只是用一些東西避開自己同牠的肌膚之觸. 一霎眼, 小立大了, 開了一間批店, 普普通通當一個整批師傅! 某日他在後巷拋垃圾時, 有個私家偵探在屋頂追個犯人時, 犯人失足趺落後巷, 犯人趺落來中途時死了的, 但犯人不慎碰到立, 立即復活逃走, 而立也立即追上拍了他一下, 犯人再次死去. 私家偵探在屋頂睇到全部, 知道立有這個能力, 想邀請他加入幫手查案 ! 經過一番唇舌, 立答應了他的要求 ! 他們2個開始展開從原本死去的人口中破案, 將犯人捕捉!
有一天, 他從電視中知道有個女子在旅遊時死於大海, 他個心忐忑不安, 但不明所以, 後來私家偵探找他查這件案才知道這女子是自己的初戀情人, 他好傷心, 決定要幫她找出兇手! 到查查葬禮當日, 立要令她復活, 告訴他案發經過同有否見到兇手, 但查查自己也不明, 難以告之 ! 不過當她知道他是小時的玩伴立時, 變得好興奮, 好想抱他, 好想同他傾談, 而立就避開與她接觸, 不想她再次死去, 尤其是見到她後. 雖然他明知是不當的, 再不令她死去, 會有無辜的人代替, 但他不忍, 於是他隱瞞私家偵探使查查永久在世上. 不過查查知道所有事情後, 也知道立的特能, 覺得不可以騙私家偵探, 要現身而且大家一齊查殺她的兇手.
最後當然查到了, 而且他們3人一齊展開查案幫死去的人. 不過, 立和查查感情也愈來愈深, 他們想手牽手, 想擁抱對方, 但不可, 只可以深情望對方, 和用一些方法當做是, 如叫私家偵探代替自己擁抱查查, 表達心意; 又如會同自己互相握手幻想同查查握手. 好笑而又悲哀 !
|
« | 37 | 38 | 39 | 40 | 41 | 42 | 43 | 44 | 45 | 46 | ... | 48 | »
|
