今日心情不是很好, 因為四川仍是不斷忍受餘震, 仍是有很久傷亡, 令人心傷. 一開電台, 就有很多報導四川的情況, 英雄故事, 大家對災民的心意. 更邀請當時在四川幫手做義工的香港人做訪問, 問下現在情況如何 ? 人們如何齊心救人 ? 心理如何 ? 原來他們心靈創傷好嚴重, 訓唔到, 擔心會再地震, 即使訓了也不斷發夢, 夢都全部是血, 夢到親人, 夢到傷亡者, 而且聽到大叫, 哭叫, 好似人間地獄咁 ! 回到安全地方 (香港) 也不能平靜, 一有少少動靜就好驚, 好用力握住自己的手, 所以仍不能搭車 ! 聽完就想起仍在四川的人, 他們心靈創傷更甚, 一想起, 眼不自然的紅起, 真希望不要再有餘震!

除了這些, 電台也邀請心理醫生講解如何平靜心情, 令自己復原. 聽完, 我也想起親人離去, 其實一到母親節, 我的心仍是不舒服, 見到電視不斷有母親節的片斷, 唔多想聽想睇, 當日也唔多想出街. 明知是無用, 也隔了這麼久, 應該不會再有這感覺 ! 但心點都是不想面對. 其實事隔了這麼久, 我也有d想不起母親的事情了, 一想起想唔起母親, 覺得自己不孝, 好無用, 點解咁重要的人也可以唔記得. 莫非自己是冷血 ! 真是愈來愈不明自己了 !

今日終於可以訓一大餐了, 去旅行個幾日, 每日訓得4小時, 身心好累. 回到港仍要不斷工作, 仲要ot tim, 搞到人到殘 ! 現在可以休息了, 但訓極仍是不夠, 仍是眼訓. 果然補唔返之前的能量 !

下午約了二妹一齊去選手飾, 當是我同三妹一齊送給她的結婚禮物. 我們三姊妹很久沒有一齊去shopping了,  也沒有一齊傾計. 襯今日人齊, 我們談了很多, 問下她過得如何, 有無食得好, 結婚籌備如何 ? 她說可以, 但仍是食唔慣奶奶煮的食物 (丈夫一家是客家人), 而且平時經常自己一個人, 又懶煮東西食, 唯有叫外買啦! 聽完, 當然叫她回家食飯, 大家住得近, 她回家我們一家歡迎 ! 或者可以搬回家住一段時間, 但她說丈夫唔肯她住這麼長時間, 話擔心她走人唔要他, 真好笑 ! 我未聽過男怕女走人的!  結婚籌備差不多了, 只是碓定人數.

然後她又問返我, 你呢 ? 快找個男朋友啦! 我奶奶一家上次去拜訪阿爸, 問起你為什麼不在家, 結了婚未?  阿爸就一肚火說她去了旅行, 未呀 ! 都唔知人家擔心, 阿妹爬了她頭啦, 仲唔快快追上! 都唔知好要什麼 ? 好心她不要這麼高要求啦 ! 我聽完, 得談笑, 原來阿爸會擔心我嫁唔出wor ! 而且話我心頭高?!  我不是啦, 只是未遇到咋 ! 晚上就叫阿妹回家食飯. 得閒也要煮d好野給二妹食, 順手練習廚術 !

我們終於請到新人了, 她叫Ada, 睇樣是個明快的人, 大家都幾好傾. 可惜星期一直今仍是沒有座位, 只可以同我們其中一個一齊坐! 聽講裝修緊, 要星期一才可以有位, 而且是我們一team人搬去另一邊tim.

今日一早就收到阿秋 sms, 是叫大家send個空白sms給紅字會就會有$5 捐助四川災民. 我一見到即打電話給她問她是否真的, 我擔心是騙子騙財, 所以碓實一下. 知道是正確, 我就send給我朋友叫他們出一分力. 之後我就send空白sms給紅字會了. 感覺好d, 可以微小的幫到四川災民.

到下午, rita 帶著鐵合走過來問我們是否願意捐錢 (原來我們公司也集體捐錢幫四川的災民), 我們各人也將小小心意拿出捐錢. 希望可以幫到他們! 電台也呼籲香港人有力出力, 有錢出錢, 有血出血, 大家齊心幫四川災民 ! 我聽到也想捐血, 但我未到期去捐, 最快也要等到7月. 不過, 我下定決心, 要定期捐血幫助有需要的人 !

今日帶著眼訓的身軀返工, 開始忙碌的工作. 因為我們一team人全部放假去旅行, 公司的工作無人接手, 所以當我們返到公司打開電腦系統查有多少files要做. 真是好多, 開ot也做唔晒, 只是歐洲也有200個, 未計其他地方. 全部加埋應該有400個, 做死人! check email時, 即見到 tobi 的email, 他說好開心大家返到了, 希望我們玩得開心, 現在應該充滿力量去工作了 ! 哈哈...., 不是, 正相反, 真不想返來香港, 想一直在台灣直到我想回來才回來.

到10:00, 聽瘋騷快活人先, 好久無見了. 原來12日下午2:28分, 中國四川發生7.8級地震, 香港, 台灣也感覺到! (我一點也感覺不到) 真估唔到我開心返來竟聽到這個壞消息. 心有點不舒服! 聽講好嚴重, 好多地方房屋學校倒塌, 不知多少人傷亡! 希望不是太嚴重啦!

原本今日想開ot清左的files, 點知收到急call. 唯有下午請假去辦一些私人事, 後回家訓覺, 休息 !

好, 講返台灣全個行程 ! 我覺得天公做美了, 只是有一日不斷下雨, 其他日子也不錯, 是好天, 沒有破壞原定去玩的計劃 ! 去了這幾日, 發現台灣人生活節奏不及香港, 人會悠閒d, 很多時搭捷運是有位坐, 不會迫, 不像香港, 夾到似三文治. 捷運也很照顧有需要的人士, 設留一些坐位給孕婦, 傷殘人士, 老人; 另外會有一架是給晚上夜歸的女士專坐 !

她們那邊的女孩好sexy, 個個穿迷你裙, 熱褲, show自己的靚腿, 真是多東西睇 ! 男就沒有什麼特別, 同香港一樣. 我發現她們很多東西是炸物, 飲品是奶, 所以我經常飲屋仔木瓜奶, 鮮奶, 嘻嘻....以形補形呀嘛 ! 我也不錯, 食了這麼多炸物也沒有生大瘡 . 真是好運, 否則影相唔靚.

其實台灣人是環保定不環保呢 ?! 她們每個垃圾桶都有設分類, 人們自動自覺放垃圾在不同垃圾桶, 她們做得很好, 但她們好多裝食物的碗碟, 筷子都是用即棄的, 不需清洗, 雖然衛生d, 有覺得不夠環保.

另外, 她們不同地方有不同感覺, 如城市似香港同大陸感覺, 郊區就似日本. 而且她們有電單車党, 一停車場面似足大陸, 她們的交通都有d怪, 明明是綠燈, 但仍有一條路的車會駛過來, 所以過馬路要小心, 我們第一次差d俾撞倒. 最好笑是我們返到香港, 發現個個都受了傷, 不是瘀左, 就是界傷, 或是有蚊釘. 真不知是哪裡整到 ! 而且雞仔經常不在狀態, 不是落趺東西(如車票, 行程表, passport), 就是經常差d仆親. 我們班女係後面見到就笑一餐. 哈哈.......

唔知是否不懂找食, 好似很多食物都是一樣, 全條街賣的東西差不多 ! 至於味道 ? 不是全部都好味, 有d真的很好食, 如炸薯塔, 薯條, 雞扒, 雞粒; 燒茹. 當然包括小籠包, 冰淇淋, 滷蛋等.

好可惜, 我今次不能去浸溫泉. 今日行程好趕, 因為要去很多地方及買手信. 5點一定要回飯店, 搭公車去機場.

我們一早就去搭捷運去新北投春天浸溫泉, 他們換好衫去玩, 而我就幫他們拍內照, 哈哈.......浸了一小時後又急急腳去淡水行一圈, 而且食早餐, 今日早餐是雪糕 (應該是冰沙). 我們一邊行一邊睇下有什麼小食食.  然後去食雲吞麵, 很久無飯麵落肚了. 唔記得店名, 但食物不錯. 食飽再行一陣, 竟見到享利屋貓貓精品, 我們買了一些東西 (最多收穫是孖寶, 我就買了貓貓手袋) 就趕去搭車去台北101, new york, 威秀影城和國父紀念館, 影完相就搭車去港記買鳳梨穌, 後回飯店!

整理好晒就下去等公車, 哇, 行李好重, 要行落2層樓梯才到地面. 最重是孖寶, 她買了很多東西! 我們等了15分鐘架公車才來到, 又係要自己拿上車, 真好d狼狽. 台北真是幾塞車, 行一陣, 塞一陣, 好彩預多時間俾它. 點知去到一半, 竟要轉上另一架公車去機場. 我們又再law行李落車, 好彩另一架有人幫手整理行李去行李廂. 我們坐定, 繼續去機場. 去到即辦理登機手續, law位及寄行李. 搞完仲有時間, 就行下其他地方. 約8:00pm就入去check in, 登上飛機. 我們又係分開坐, 今次仲勁過之前, 最頭是坐30幾, 然後是40幾, 50幾, 60, 最後是69, 就是我了=.=. 我是坐在2公婆中間, 好奇怪, 他們不一齊坐, 我去到時他們是左一個, 右一個, 我初時以為他們是不認識的, 起飛時才知道他們是2夫妻, 但他們一直沒有要求我調位, 真奇怪 !

到落機時, 耳仔超痛, 好唔舒服, 好彩一落地面, 不再痛了. 回到香港約10:00到, 離開機場時, 孖寶男友接機, 順手幫我們5個影了一張相後, 他們就離開了. 而阿秋2姊妹, 雞仔, 我一齊就去搭巴士. 原本全個行程都好美滿的, 點知最後散band時, 阿秋同雞仔發生了一些意外, 大家不歡而散了. 這是一個敗筆! 我回到家也零晨12:30了, 再洗澡整理下行李, 到零晨2:00才睡覺. 要7:30起身返工 !