我們真好好彩, 初時因為有台風, 以為去唔成迪士尼HALLOWEEN.  點知天公造美, 呵呵……..不過原來買半日的票, 要遇到8號風才可以退, 我們幾擔心去到也不會好玩, 下雨就無煙花巡遊睇, 玩又麻煩 , 好掃興的.

因為雞仔孖寶遲到, 我們遲了入去, 不過好玩的也全部玩完LU, 好開心! 我第一次去迪士尼咋, 仲係我喜愛的JACK世界, 真令人興奮 ! 我們一入去就發現有阿JACK 同他女友大公仔躺在入場門口建築物上面, 睇到超開心呀 ! 好靚好大, 迪士尼果然好花錢係裝飾上. 我們入到去大街上, WOW五光十色, 又有阿JACK公仔射燈在上空行來行去, 好有開心的氣氛, 我們好似小朋友咁興奮. 等了一陣花車巡遊了, 好彩今日人數不太多, 我們可以LAW到靚位睇, 隨住音樂花車慢慢行過, 當然第一架是阿JACK啦, 好靚呀! 加上身體郁動說話, 吸引大班人去影相 ! 雖然只有5-6架, 但每架都好靚.

睇完後, 我們立即出發去玩鬼屋, 第一間玩新的是 --- 森魔地域 (電視上個間, 但出面外形不同, 好簡單的一間暗屋.) 雖然是不起眼, 但越接近就越緊張. 不用等一小時到我們了(快過海洋公園), 排第一的是孖寶男友, 第二當然是孖寶, 之後是我, 雞仔, 阿雲同阿軒, 入到去好黑, 我緊緊捉住孖寶, 一邊尖叫一邊叫不要行咁快, 因為真是好驚…點知行左一小段就唔見左孖寶, 原本在後面的人上了前, 我仲聽到後面2個女仔同我們說: “好恐怖呀~一齊行好唔好……” 我只聽到這些就自身難保了, 好彩雞仔係我前面, 我捉住他一邊行, 當然是匿埋他後面啦! d鬼好識嚇人, 他們會從你後面嚇你或襯黑黑的環境下走到你面前全塊面對住你嚇你, 真唔大叫匿埋都唔得. 仲慘是他們見你咁驚仲唔放過你…..玩完出來全身都熱騰騰, 心跳訃通訃通, 要law紙巾出來抺下汗. 我們班男仔一d都唔驚, 我係入面見他們直行直過, 一d感覺都沒有, 都唔知他們入來玩鬼屋做什麼, 唔驚好無忍架嘛!

之後我們去玩space mountain, wow轉得好快, 我只知道不斷尖叫, 轉到有d暈, 刺激情度岩晒我了. 落車時手腳有d累, 可能我太用力握扶手的關係. 之後去3D 米奇狂想曲, 音樂好好聽, 劇情也好好笑, 在迪士尼感覺自己變左細路女. 最後是去坐船遊亞馬遜河, 途中經過一條小路, 煙霧中睇唔清楚d人, 突然有個骷髏人出來嚇人, 嚇到我左擋右擋, 因為有3個骷髏人在身邊. 死人雞仔仲驚我嚇唔死推我去牠們身邊, 嚇到四周圍跑. 我走到去一坐墓碑以為安全, 點知後面有隻樹怪從後嚇我, 搞到我再跑過.

坐船去到火山時, d 火突然出現, 我feel到d熱氣吹身, 做得好真呀 ! 玩完最後我們掙取時間影相, 約12:00am先離開去荃灣食晚飯, 2:30am才回到家, 4:00am訓覺. 真是好累呀 ! 但好滿足!  想睇多d相, 入去相簿啦 !

因為有一個舊同學今月月底走向另一人生階段 -- 結婚, 所以他約了一些舊同學出來食飯及派請帖. 我真好久無見他們啦, 我們傾計時才知道相隔了6年了. 時間過得好快呀! 當時大家剛出來社會工作, 仍未找到目標, 現在個個都有目標計劃了. 有d是準備結婚生仔, 做個賢妻良母; 有個下星期出國去遊學半年, 體驗異國風情; 有個努力搞自己生意; 我呢 ?! 未知 ! 我也想出國去遊學, 但無錢. 如果知道個位朋友同我一樣想去澳洲, 仲之早d計劃下, 一齊去啦! 現在無lu, 點努力儲錢也要一年半載, 趕唔到.

家好月圓大結局啦 ! 都是大團圓, 幾好呀! 當然報紙也大張報到. 我睇到一篇文章是關於管家仔的, 講得幾好.

除了時機問題外, 男生也許不明白, 很多女生就是不會選擇自己身邊的(管家仔). 他勤奮認真, 勇於承擔, 照顧家庭, 而且用情專一, 溫柔體貼, 是個{超級好仔}的沒錯, 可是這近乎完美的男生, 大多比較適合當{守護者}的角色.

跟 {守護者} 一起, 對方的付出遠高於自己, 感覺很安全, 很穩陣, 但你偏偏很難毫無保留愛上他, 也許, {守護者}就是太完美了, 對你好得不會令你沮喪, 捨不得讓你傷心. 無奈的是, 我們所認識的愛情, 都是從極端的感覺組成的------狂喜, 悲傷; 期待, 失望; 安樂, 擔心; 高興, 失落.......

因此很多人的戀愛生涯之初, 都不會以{守護者}為對象, 那麼太沒趣了. 我們以為不惜一切地付出, 愛得傷痕累累, 才是真心愛過的憑證. 然而有一天, 帶著滿身傷痕回首的一刻, 我們便會發現, 站在一旁當守護天使的管家仔, 才是生命的最終依歸, 才是我們不願錯過----卻也是最易錯過----的那個他. 若然你的身邊, 也有一個這樣管家仔, 但願你不會錯過他, 珍惜他. 畢竟人生苦短, 禍福無常, 只怕你回頭的時侯, 他已然消失於茫茫人海 !

又發惡夢啦 ! 今次不是夢見姚姚, 竟是少靜, 靜雅, 仲有張學友 (我都唔知點解會夢見他, 一點關係都沒有, 真怪!) 不過這就是夢啦, 夢境入面什麼都會發生, 令人想也想不到. 我夢見我們一齊去旅行, 有d似去探險, 詳情不是太清楚lu, 只記得我訓覺時, 見到好多虫虫在我張床, 嚇到我立即起身走人, 同時嚇到彈起身醒了, 望著張床, 呆左一陣才知道自己發夢. 真是好險, 好彩是夢, 不過幾真實, 所以好記得這畫面. (其他當時有d似恐怖片! 似禍虫口入這西片!)

在家休息時, 睇電視播"老友狗狗",  故仔講述廣告人山田賢太郎，因為創作狗糧廣告飽受客戶挫折，失落時想起童年時最要好的朋友……當年剛轉校的山田沒有朋友，只好獨自留連空地，並偶然遇上忠厚憨直的柴犬波子常伴左右，一起玩樂，於是人狗之間建立了最純真的友誼，不過一日他們在空地玩拋球時, 波子努力的在草叢中找球, 山田的哮喘突然發作, 波子聞聲即趕回山田身邊, 但只見到山田倒臥在地上, 麵包小女孩叫了救護車將山田送去東京就醫, ……忠心的波子決定四出尋找山田，途中遇上各種不同的狗……有情竇初開的八哥大佬、善解人意的牧羊狗毛毛、開朗愛笑的貴婦狗熊Bear Bear等等……, 最後波子靠對山田的氣味在某一間醫院找到山田, 可惜他走了, 波子唯有不走在醫院門口等山田回來, 時間不停的流過, 其間波子帶來快樂給這醫院的病人, 不過牠死時仍等不到山田, 只是在夢中見到他.......睇完後, 我不知覺的流淚, 也想養返一隻狗狗………. 不過當我睇完另一個故事, 我猶豫了……

 整套戲在主線以外，穿插多個互不關連的小故事，其中一個故事對白不多，在幽怨的小提琴聲下，是一幕幕小女孩美香與一隻初生小狗毛毛十多年來的相處。熒幕上印著女孩心中的回憶，充滿各種各樣的問號：

 為什麼你比我更遲出生？

 為什麼你比我長大得更快？ 

你要信賴我，這對我的幸福是很重要, 無論你將帶給我的是天堂還是地獄，我將永遠信賴你。

你有工作、娛樂及朋友，而我卻只有你，你用多餘的時間、精力、金錢來愛我，而我奉獻給你的就是我的全部。

在你打我之前要緊記，我的牙齒可以咬傷你手，但是我沒有這樣做。我對你的愛使我情願受傷的是我自己。

你要時常對我說話。即使我不懂你的語言，我也可以明白你的語氣。因為我每天都花很長時間觀察你。

當我要捱過最辛苦的歷程，千萬不可以說："我不忍心看他。"或者"讓我不在場時再發生。"如果你在我身邊，我對每一件事情都會更加容易接受。你永遠不要忘記，我愛你。請陪伴我走完生命的最後一段路。

在生命終結的片刻，心中浮起了一句說話：「我雖然不能和美香說話，但若果我能夠說一句話，我想說；謝謝你愛我。」

經過時間復原後, 美香對毛毛講：”我要再養狗 !”