因昨日在貝澳見到蠔, 所以決定今日下午專程去流浮山食蠔. 一去到, 覺得今日是什麼日子, 點解咁多人, 尤其是本地一日遊TIM. 我們唔理咁多, 第一站是去第一檔食一串串炸生蠔, 只需$10, 當然我們只叫了一串, 因為入面仲有2-3檔, 我們想每檔食一串, 睇下邊檔最好. 食完晒幾檔後, 覺得第2檔是最好食的, 尤其是大隻生蠔. 原本我們唔知有大隻炸生蠔食的, 我們食時全部都是細蠔, 回頭返第2檔時, 才見到大生蠔, 也是$10, 姚姚忍唔住叫了一串自己食, 阿秋同我見狀又要一串, 叫老板娘俾大隻過D, 老板娘好好人說好, 她叫我們等一陣因為要炸, 哈哈…仲好啦, 新鮮熱騰騰, 仲好味. 加加埋埋, 我們每人食了7-8隻炸蠔, 一碗豆腐花, 一隻茶果(新鮮熱騰騰, 好軟棉棉, 好味, 下次帶阿妹來食) 食得好飽, 好滿足, 因為我們都是想食蠔才來的, 一點失望都無. 當然沒有稻香的美國生蠔咁好食, 不過價錢平, 味道也好, 所以有時間可以再入來食, 再唔係, 可以買D大生蠔(同稻香的美國生蠔SIZE一樣肥大) 回家自己煮, 價錢都係約$70, 抵呀!

今日我同朋友去了貝澳, 這是第2次去, 今次好滿足, 好relax. 天氣初是比較差d, 後來也好起來了. 我們先去了沙灘, 只得幾個人係度玩下, 好寧靜, 如果天氣晴朗, 這裡會更靚, 是個好地方給人relax下. D風吹來涼涼的好舒服, 我們慢慢的, 雨中散步行去露營地. Wow, 好多人係度扎營, 也對現在是個好露營時間, 不熱不凍. 這裡是個好露營地方, 地方清潔, 環境寧靜, 水清沙幼, 近沙灘, 望天又可以睇星星, 洗手間也清潔, 沒有異味. 又近士多, 每隔一段就有街燈, 所以都很安全! 有d人準備得好齊全, 當這樣是自己的廚房, 有D比較簡單. 見到他們咁開心, 我們決定下月要來這裡露營. 好開心, 講了幾年, 今年終於可以實現了.

之後我們竟撞到一個在M記食野時的一個有緣人, 他同女友在扎營, 我們幾個就睇住他如何扎根, 問東又問西, 其實不是好難, 如果男仔唔去, 我們幾個女仔也可以搞掂它. 最開心是我們LAW了他的電話, 他肯借營幕我們, 可以放6-8個人, 好大的. 他真是一個大好人, 初相識也肯借我們用, 我們人緣好好呢!

2月14日是情人節, 也是我好朋友的生日, 我們一班朋友同她提前慶祝. 我們去了稻香, 原本想食小菜, 但一入到去就聞到好香的打邊爐味, 最後決定食打邊爐. 其實今次真是一大班人, 有9個, 有d好久無見lu, 阿kin, 雪人啦, 阿秋等, 他們都瘦左, 可能工作辛苦. 原本傑傑都來, 但遲遲未放工, 他來到時, 我們也食飽, 所以叫他不要來了.

今日我, 阿秋同阿妹參加左屋苑舉辦的 <新春一日遊>, 早上9:00出發, 首先我們去南生圍的敬輝農場睇野 (其實沒有什麼東東睇, 睇得最多的是疏菜) 同食豆腐花, 仲可以買煨番薯同粟米食 (豆腐花好滑, d番薯比平時大條, 農場說所有全是有來機種植, 所以肥大d, 唔知係唔係真) , 但我們食了早餐, 沒有空位食煨番薯lu, 而且約11:00就食午餐. (如果一早知道, 就唔食早餐啦, 不過好彩只食麥片, 好快消化完ger)

今日同may姐他們去睇 <奇幻逆緣>, 估唔到屯門無加價, 通常片長會加少少, 用$35睇真抵~ 雖然這輯戲是講主角的一生, 沒有特技, 刺激場面, 但仍不知不覺睇到完場, 唔覺眼訓. 我對這輯戲感覺一般, 是好睇, 不覺悶, 但不致於說超好睇. 睇完我們去仙跡岩飲野傾計, 本想食個下午荼, 但阿妹唔想食粉麵包 (我們幾日都是食這些), 其他小食又沒什麼特別,  就是但叫了炸甜薯食, 味道一般, 好過無得食啦. 約5:30大家回家, 我同阿妹就去市場買材料下廚煮飯食, 這麼多日終於煮下飯食lu.