係! 我又唱K同朋友慶祝生日, 但今次是去旺角創興NEWAY, 我們人齊先去食KFC, 叫了一個幾人餐, 個燒雞都無張相咁大, 騙人!!! 我們5人根本唔夠食, 都係少靜最叻, 自己叫個餐, 剛好飽. 食完就即去唱K, 我們有間PARTY房, 好大架, 跳埋舞都卓卓有餘. 他們是班癲人, 玩到好HIGH, 大吵大叫, 又跳舞. 我, EMILY 同CLOWN就最靜, 睇他們表演, 拍低他們的HIGH 樣.

今日好忙, 我同阿妹一早起身出發去工展會, 11:00AM去到人流量不算多, 我們用了2個半小時就花了約$700, 只是買了一些有機麵, 湯包, 海味, 蛋糕等, 駛錢真快! 午餐在工展會食小食, 不過沒有什麼新奇小食, 最好味都係榴槤旦達了. 之後順便去宜家家俬睇梳發和厨具, 暫時未睇中, 但有一樣估唔到就是不锈鋼厨具好重, 單手拿不起. 之後我們轉戰去灣仔冬日美食節及電子用品, 去到仲多人過工展會, 我們2個都累了, 拿住2大包環保袋, 揹一個大背包, 肩膀好重. 在入面反而沒有買什麼, 只是食了一些小食, 同買了USB手指及MEMORY STRICK. 約5:30PM離開, 送阿妹搭車後, 我再轉戰去荃灣JOIN姚姚她們唱K, 慶祝姚姚生日. 去到NEWAY, 我散了, 因為7小時沒有坐過, 背包又重, 而且好似沒有食過東西咁. 想想下, 出年可能唔去LU, 要去也要帶車仔, 唔駛咁辛苦! 

當初以為無蛋糕送, 所以我想在美心買一個, 點知阿明說不用, 他親自整個俾姚姚, 當姚姚知道後, 好開心, 即說阿映快嫁給阿明, 真好笑! 朋友收到親自整的蛋糕是件幸福快樂的事情. 因為是用心去做的, 所以我要學下整幾款蛋糕, 有機會就自己整個送朋友. 朋友仔, 等我啊!!!!

有朋友搬了新家, 我同幾位朋友一齊去探他. 我比他們遲去, 因為好少在家食飯, 宦所以下午同家人食完才出發去他家. 記得之前他的舊家沒有盆栽, 所以係街市買了一盆<報春花> 增添家的色彩! 朋友現在的新家舒服好多, 比之前大一倍, 空氣也好些, 仲有陽光TIM, 見到他的家, 我也想自己有一間, 幾自由! 之後我們去李鄭屋古墓(我未去過) 點知去到竟然不開, 我們唯有在門口影幾張相當到此一遊過啦!

芊芊出世2個月啦 !! 我同阿妹去探望她, 又大左小小啦, 現在我夠膽抱她LU, 好彩仲是好輕, 不過抱得久, 手臂有D薑硬. 她現在好好動, 經常手腳郁郁, 抱她時, 食奶時也是, 都唔知她想如何, 是抱得唔舒服定是想要其他東西 ? 她平安夜個日也同我們一樣, 玩到零晨3點, 但又比我們早起身. 想睇她的相, 入相簿睇啦!

今晚平安夜舊同事約我去龍鼓灘 < 劉星花園> BBQ, 我好久無去過LU, 記得姚姚她們之前幾喜歡去< 劉星花園> BBQ, 因為食物種類比其他BBQ埸多, 有豬頸肉, 煙肉, 火腿丸, 台灣腸等, 所以約埋我自己一班好朋友同舊同事一齊去也, 總數是18個, 好大班人一齊玩. 但收費比平時貴左好多, 飲品只FREE一支, 仲要是$6之下, 否則要加錢, 我覺得大事大節果然要賺錢, 不過一年一次, 又大班人算啦啦, 最重要是開心, 大家聚一聚! 好笑的是, 個個舊同事都問我同姚姚是否2姊妹, 因為我們說話行為都幾似. 大家又穿白色褸WOR, 所以以為我們是姊妹LOR, 我同幾個朋友玩到零晨2:00, 回到家整理下, 約4:00AM 才訓覺. 好久未試過咁夜訓LU.