今日約了姚姚, mini 去ocean park 玩, 因為mini公司包場, 只需$60就可以玩了, 加上包一餐, 好抵! 不過今日我都有d後悔, 因為個個都是一對對, 而且7月時我也去過, 今年去得密左. 不過都認承左去, 無理由放飛機架嘛 !

去到join埋mini, 第一次見她男友, 唔錯幾好呀, 只是靜左少少, 可能唔熟, 所以唔多出聲. 其實他們都好好, 沒有只顧自己, 時時都睇下我, 同我傾計, 但我心始終覺得不太好, 覺得自己是電燈膽, 阻住他們拍拖, 所以有d尷尬. 如果有多一張飛就好啦, 咁就可以全部一對對, 玩得放便d. 下次如果是這樣我唔去lu. 始終電燈膽是個不好的東西 !

當然我玩過機動遊戲, 因為年紀大, 受唔到這刺激. 細過時我也唔多受到機動遊戲的急速, 尤其是離心力, 所以玩時, 我不是太享受. 到現在更有d驚, 擔心無端端玩玩就byebye. 所以睇他們玩, 有d羨慕, 其實我也想加入去玩的~ 

今晚同姚姚, 小豐, 雪人去黃金海岸食魔鬼魚, 我是第一次食的, 估唔到魔鬼魚幾好味, 而且牠d骨也可以食埋, 真唔錯, 岩我d懶人, he...he...其實我也想食長腳蟹, 但要 $280, 好貴呀~ 如果我手鬆動, 我一定會食的.

當晚, 雪人, 小豐都叫我主動d識返個男仔, 我真估唔到雪人會擔心我會做老姑婆的, 連小豐也是, (無見小豐一排, 他變左啦, 變得主動大膽左, 會努力為自己幸福著想) 而且雪人原來一直都叫我出去同他去玩, 是想介紹他朋友我識, 睇我會否遇到人生另一伴, 他真是用心良苦, 我完全唔知他的用意, sorry ! 不過飲酒地方我有d不喜歡, (我唔開心也不會借酒燒愁的) 去這些地方是件幾辛苦的事, 首先要吸混濁的空氣, 令我有鼻敏感的人更不舒適, 另外聲音好大, 令我覺得有d暈, 加上d酒更暈, 更想嘔. 去一日要休息幾日先復原, 間唔中去一次還可以的.

好笑是雪人, 小豐認為我身邊有咁多男性朋友, 無理由無一個岩自己. 無錯, 我身邊是有男性, 但好多都是細過我幾年, 有d性格思想唔岩, 有d是由細玩到大, 已經當了他們是姊妹, 好難有feeling. 所以無一個岩. 其實我都感謝他們為我擔心過, 但姻緣好難求, 無得免強, 莫非為了有另一伴就要求其找一個 ? sorry, 我唔得law. 所以我有時都放棄唔求lu, 無另一伴也可以活得開心, 完全是睇自己如何想, 如何過ger. 最重要是開心! 而且我也覺得自己可能不適合做人女朋友.

另外, 為了班兄弟, 我也要盡力約我所識的女性朋友俾他們識, 希望可以做成媒人啦~

之前答應左雪人東教他整蛋糕, 所以今日下午call了他上來教他. 基本上睇食譜就可以整到, 只是需要工具. 我們整了個半鐘就完成了, 放入雪櫃再等2-3小時就大巧告成. 不過這個只是試驗品, 如果ok的就跟住整多個送給他想送的女仔...嘻嘻....睇來雪人東是有心追人家才下心思落去. 為了幫他, 我也盡力幫助, 希望個女仔喜歡啦.

之前emily送了一隻海鷗紙鳶俾我, 一直未有時間放, 今日就同may姐, Emily, 阿妹 四人去了黃金海岸的停機坪放紙鳶. 我們用了半小時研究如何砌紙鳶, 其實只是砌3條膠長條, 不過因無說明書, 我們左度右度, 終於搞拈了. 今日超大風, 吹到我們好似瘋婆咁, 但我們仍樂在其中, 大家合力一齊放, 只是風就太, 唔敢放高, 所以只是低處放. 我們放紙鳶時, 一個男用他的專業相機不斷影隻紙鳶, 睇來這紙鳶真是幾有吸引力. 全個場都是我們幾個的大笑聲, 大叫聲. 玩完就去上海婆婆食飯, 當然仲有阿靚, 少靜一齊食飯啦. (其實我今年生日週食左3次上海食物, 公司同事星期五下午請我去小城知味食午飯, 好好味~, 晚上阿秋同我去了上海婆婆食飯, 今晚又是上海婆婆, 但我未厭, 因為全部都是不一樣的東西) 食完我們仍不想走人, 因為有好多話題傾, 我們轉去仙跡岩再傾過, 直到11:30.

一班好朋友幫我提前慶祝生日, 好開心, 尤其是可以同靜雅一齊慶祝 ! 我們是同年同月同日出生的, 但樣子性格完全不同, 雖然是這樣, 我們仍维持友誼十幾年了!真是值得慶祝 ! 呢幾年, 我們生日都沒有一齊慶祝過, 只是各自send msg 俾對方, 因為各有各忙. 今年真好, 可以一齊, 我希望年年生日都可以一齊啦! 想想下…我們四朵金花由學校中一識到現在, 仍舊感情好好, 真是要搞返個party慶祝下, 加上阿映, 更要慶祝 !