| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 12 月 21 日 星期日  |
X'mas Disneyland  |
分類: 未分類 |
我又去迪士尼啦! 今次同阿妹跟姚姚一家人去玩, 我們由早上10:30玩到晚上10:00, 好累但好開心 ! 我們選對日子呀, 天氣好, 人不太多, 每款表演, 機動遊戲都只是等半小時就可以玩, $350門票真值得去. 之前未玩過, 未睇過的東西都完成左了, 仲有時間玩多一次SPACE MOUNTAIN TIM. 原來這過山車是有2條唔同路線的, 我們第一次玩時, 感覺一般, 不是好快, 時間也短D, 但第二次玩時, 勁過第一次, 但好玩好多! (連我阿妹都話正, 她是第一次玩過山車) ( 今次終於拍到我啦, 前2次都俾人阻住左, 睇唔到個樣 =.=)
我覺得迪士尼好識搞氣氛, 每個人入到去都會好開心, 當然小朋友是最開心, 最滿足的一班, 無論公仔, 精品, 建築物等都好喜歡, 樂怡玩機動遊戲玩到什麼也再想玩多一次, 因為入面D設計, 裝飾色彩好繽紛, 好可愛, 加上音樂, 好似入了一個奇妙世界, 令小朋友好興奮. 而大人也被感染, 變成小朋友咁! 花車比哈囉喂更多, 好多色彩, 造型好靚, 除了迪士尼個幾個主角外, 還有愛麗斯, 公主門, 小魚仙, 聖誕老人等.
到晚上, 所有燈飾開晒燈, 又有另一番味道, 加上大街飄雪, 好似去了歐洲, 幾浪漫 ! 到9:00, 我們係城堡前等睇煙花, 個城堡被小燈泡圍繞, 全個發光好靚, 想將她影低, 但出來效果不好, 發光的地方散開, 只見一團光體. (其實世界真是用眼睛去睇是最美的, 無論你如何拍攝也不及自己的眼睛, 眼睛真是一個複雜, 神奇的東西. ) 睇煙花時, 我同阿妹都忍唔住叫, 雖然不及國慶, 但都很好, 難怪咁多人一早坐低等睇煙花, 另一個吸引我是唔駛同人迫, 哈哈….. 到離開搭車時, 個心仍未回到現實世界, 要慢慢適應反.
有D朋友覺得迪士尼好細, 但我覺得足夠, 因為一日時間可以玩晒全部遊戲, 唔駛趕頭趕命, 唔駛排長隊, 唔駛再找另一日玩其他, 所以很好! 覺得好滿足 ! 我見阿妹也玩得好開心, 比海洋公園更甚, 覺得咁快再去一次, 價錢又貴也值得! 當然今次黃生PLAN得好好, 我們玩得輕鬆, 行得輕鬆, 所以當他同我講行程時, 我無講錯: 他辦事我放心! 真是很好! 姚姚請幫我讚他一句啦!
|
| 2008 年 12 月 12 日 星期五 |
| 死亡 |
分類: 未分類 |
發覺年齡大了, 見到死亡多左, 細時一點都唔明, 沒什麼感覺, 因為親人不會告訴你知, 而你也因為細唔明白死亡的意思. 大了第一次面對死亡的是自己親人, 當時她暈倒, 我一點反應都沒有, 其實我知道要扶她起身或叫醒大家的, 但我沒有這麼做, 我只是好傻咁望住, , 唔知做什麼好, 只是聽到自己細細聲叫. 現在想返起, 覺得自己好無用, 不能果斷理性的去做應該做的事. 所以我討厭死亡, 近月有又親戚去了(一個個咁去了, 時間流得好快, 大一日就會面對死亡快一日) 我唔知應唔應該打電話問候下, 因為我怕面對, 而且我是個不懂表達, 經常說錯話的人, 打電話去, 也沒有什麼作用, 只是問候大家, 叫大家不要傷心, 節哀順變! 覺得好無謂, 所以一直無打電話去. 寧願給安靜時間給他們. 但隔了一個月, 現在我又否應該打電話問候下嗎 ?
其實我覺得自己怪怪的 (可能心理有問題), 我是個好易哭的人, 睇電視或戲, 我經常因一些感人情節流淚, 或一時想起什麼, 心就難過會流淚, 但一當面對現實身邊死亡時, 我是不會流淚的. 以前經常覺得自己是個冷血的人, (也有人這麼話我)點解親人去了, 個個親人都眼紅紅流淚, 我就沒有, 只是好木, 唔知做什麼好! 講什麼好! 大了也好似沒什麼改變, 所以有朋友問我如果他去了, 我會否好傷心, 大哭一場呢 ? 我真唔知點答 ! |
| 2008 年 12 月 1 日 星期一 |
| 婆媳關係 |
分類: 未分類 |
唔明點解家庭有婆媳關係惡劣, 好少是公婿關係惡劣呢? 是女人性格少器, 斤斤計較, 愛比較 ? 原本2人結婚是好的, 但一旦同家人一齊住, 一定會有爭執, 搞到大家唔開心, 最後可能變成討厭, 敵人, 甚至同另一伴關係也變差. 點解奶奶對媳婦和自己兒女唔同呢? 點解一定要加這麼多準則在媳婦身上, 一旦媳婦達唔到自己要求或比朋友的媳婦差時就對她不滿 ? 雖然不滿, 但又不直接講出來, 已是大大聲在媳婦的面前同朋友講媳婦的不是, 或行動眼神表達她的不滿. 媳婦睇到, 心也不舒服, 莫非要做個古時女人, 三從四德? 點解奶奶唔UPGRACE下, 不要用傳統準則來用於現代. 不過有時也可能是媳婦錯, 仲之大家體諒大家, 不好嗎? 為何搞到一個家不成家, 媳婦似租客呢? 所以明白d人要有屋才結婚了, 是為大家好 !
|
| 2008 年 11 月 30 日 星期日 |
龍虎山郊遊教育中心  |
分類: 未分類 |
好久無行山啦, 今次我們一大班人去香港大學個邊行山. 我們一早就要起身(比平時返工仲早, 其實唔明點解咁早? 難得放假呀嘛) 我們個個見面時, 都好似未訓醒, 天氣又凍WOR, 但我們一路仍是好燥, 嘻嘻哈哈上路去~
去到時見一間小白屋, 好靚, 如果可以住返一星期就好啦! 我們入房聽導遊小姐講解行程, 然後帶埋望遠鏡浩浩蕩蕩跟2個導遊出發, 一路上我們不斷大笑, 因為大家追住男導遊玩, 上到山時竟見到一間廢屋殘牆有” PHILIP & KENNIS”, 是我們朋友及男導遊的名字, 當然我們唔放他們, LAW他們來玩啦! 撹到最後男導遊同我們一齊癲. 女導遊則好無奈, 她是個好斯文, 好純的女仔, 睇來她下次唔夠膽接我們了.
最後我們回到小白屋影相, 參觀入面的動植物介紹, 原來小白屋附近有個松鼠巢, 入面有7-8隻小松鼠, 可惜牠們仍訓緊覺, 要5:00左右就會出來玩, 睇唔到. 今次也不算行山, 因為都比較輕鬆, 只需2小時就行完, 可以當行下, 睇下風景. 大家可以去相簿睇相 ~
|
| 2008 年 11 月 29 日 星期六 |
| 星矢模型展 |
分類: 未分類 |
 
11月底至12月頭在海運中心舉行星矢模型展, 我同小豐星期六去睇, 但找了一些時間, 因為商場沒有宣傳, 我們只可問詢問處. 去到時, 已經好多人睇同影相, 有些人就排隊買模型. 當然我們立即入場(是FREE的), d模型是幾靚, 但因為有玻璃隔住, 影相唔多清楚, 會反光, 要調整相機, 但調整好了, 又有人阻住 =.=, 影張靚相比較難. 睇完全場有d失望, 因為我初以為個場好大, 會有好多野睇, 漫畫入面的埸景如<雅典娜之嘆息>會好大, 有齊全部主角的1:1 黃金聖衣, 但只得星矢一個, 場景是小型模型, 會場有d位俾了蒙面超人tim (蒙面超人個模型都好靚, 好真, 但比較黑暗d), 雖然是這樣, 但仍好多人, 日本人也不少. |
« | 21 | 22 | 23 | 24 | 25 | 26 | 27 | 28 | 29 | 30 | ... | 48 | »
|
