前日ada問我現在找到工未, 如果未可否留下半個月至一個月呢 ? 因為仍未請到人. 我聽到時間咁長, 面有d難色, 她見到就即說, 不一定要的, 你可以想想. 然後她又過去問下孖寶. 我心覺得煩, 雖然未找到工, 又可以多d錢, 但唔想留到咁長, 又覺得阻住我找其他工. 想下想下都係唔留好過. 孖寶同我講, 她聽到ada問她可否留下半個月至一個月, 她立即擰頭say no, 孖寶好決心唔做, 留多一天也不願意. 唔似我, 唔夠定.

今日rita問我下午幾時有空, 想同我傾傾. 唔知傾什麼 ? 點知又係問我點解要走, 又同我講, 雖然這裡福利不是好, 但也不是差, 環境也舒適, 同事少爭奪, 有事時, 阿head又會幫你, 而且也不是煩你先, ot 又唔駛經常開, 點解仲要走 ? 如果是人工問題, 你可以同victor 講, 出年要求加多d law. 我記得當初也是人工不高時加入的, 慢慢加到現在ok 啦, 今年加人工真不是太好, 出年應該會好d的. 你想清楚d啦, 你也不是追求要做管理層, 只是想求穩定, 放工準時, 無什麼壓力.

無錯, 我是個小女人, 不求高職厚薪, 但當初我遞信時, 點解你們個個唔留我, 唔叫我入房大家傾下, 睇下有無得改變呢 ? 只是好簡單send email 問我, 而且留我也不是阿head tobi, victor出聲, 而是你們呢 ? 到現在仍未請到人時, 個個想我留低幫你們, 咁我幫你們時邊個幫我呢 ? 人工仍是不變, 福利也是不變. 而且現在全世界d人也知道我要走, 突然話唔走, d人點睇我呢? 你們又點睇我呢 ? 難道我真找不到另一份工嗎 !? 

今日是第一次做義工的日子, 我同朋友係黃大仙地鐵站等, 等齊一班人後, 我們搭小巴去聖母醫院了解聖母醫院 - 兒童之家提供的服務, 設施, 服務對象. 他們的對象是6-18歲之小朋友, 提供住宿他們可以有個安生的地方, 這些小朋友不是什麼問題少年人, 他們只是家庭不適宜他們在家居住, 所以透過社工轉介過來住的. 我們可以參加個人或團體義工, 幫助他們健康成長至18歲, 之後他們要獨立在社會生活了. 我們聽完介紹後, 覺得自己沒有什麼特別之處可以幫助教導他們, 覺得自己真無用! 功課補習班唔得, 唱歌音樂唔得, 電腦唔得, 烹飪唔得, 最多是教他們興趣手工. 原本做義工好需要多才多藝的, 只少也要有一個專項. 因為我們是以明愛團體參加的, 所以等領隊安排, 沒有參加個人. 之後我們參觀住院, 環境好舒服整潔, 好過我們家 tim.

參觀完後, 我們離開各散了. 有d朋友就回家, 有d朋友有事要做, 有d就回青衣辦事處教小朋友包壽司. 我同姚姚就跟領隊他們回青衣辦事處教小朋友包壽司. 這些小朋友年齡是小二至小六, 他們好精靈, 好多野講, 吱吱喳喳, 但好乖, 肯聽我們一班姐姐哥哥的話. 我們有月姐姐, 德德姐姐, 珍姐姐, 婷婷姐姐, so哥哥, 馬騮哥哥, 點哥哥, 仲有ivan領隊. 當d小朋友叫我德德姐姐, 好開心, 好久無人叫我姐姐啦 ! 開始包壽司之前, 我們玩一些遊戲熱身先, 玩了動物大遷徙, 大風吹, 上中環落灣仔. 我們大家好投入的去玩, 好開心, 我覺得今日是好充實的一天, 同一班年輕人小朋友一齊玩, 而且學到照顧他人, 好過在家睇電視.

到包壽司時, 我帶6個小朋友, 隊名是 <德德飯團隊>, 好好笑, 是班小朋友一齊改的. 我們分配好晒d材料後, 大家都好忙咁帶住小朋友包壽司. wow我真好忙, 一個說要紫菜, 一個要飯, 一個問點包, 雙手把口一直無停過, 好彩他們都肯等我, 沒有扭計, 真好乖 ! 完成好了, 當然即場食一些, 一些就放入自備飯盒帶回家俾家人食, 他們好顧家. 送他們離開後, 我們一班哥哥姐姐就用餘下材料自制一, 二個食. 月姐姐, 馬騮哥哥就好啦, 幫小朋友切壽司時, 順手食埋頭尾, 食得好飽. 我同點哥哥就忙到無得食, 好彩走時也食左半件. 雖然不是什麼貴價材料, 我們都食得好開心.

我們整理完課室後也離開辨公室去搭車回家去. 去搭車途中, 打電話傑傑是否在青衣, 如果係就叫他下來, 大家見見面, 因為很久無見lu. 點知他去長洲做義工, 他也是同我們同一個辦公機構呢 ! 下次找他一齊先!

早上下超級大雨, 唔見電視出現黑色警告, 好失望 ! 返到公司已經9:30了, 去pantry 洗杯時, 撞到cyrus, 他走過來問我, 你係唔係離左職呀 ? 我有d驚訝, 我問點解你知我要走ger ? 我都無講知其他人, 你們個邊收料咁快 ! 他說, 是vicky 同他說的, 而且又見公司請你們個職位, 所以來問下law. 咁你幾時是最後工作日子? 我說是月尾. 他又問點解要走ger, 又問我找到工未 ? 我說一言難盡, 我們交換msn, 大家傾下計 ? 這樣我又認識多了一個朋友了.

過了不久, 我去倒水時, 撞到另一個部門同事carmen, 她又問我幾時走, 找到工未, 點解要走, 一走就走3個, 好勁 ! 我都覺得消息轉得也勁 ! 其他部門d人都知, 睇來守唔到秘密呀 ! 到食飯時, 同cyrus 部門的elise也過來問我們情況, 關心我們一下. 我們3個人都覺得我們離開消息轉得真快, 現在仍是月頭咋, 也咁快有人知道了. 仲想走時也無人知tim, 因為我們是small potmato, 應該無人識 !  

今日是一年一度的學校聚會日, 時間是6:00-9:30pm. 我是最早的一個回校, 到門口見到人頭頭湧湧, 不斷又有人來, 我見個個都是不認識的人, 有d擔心這個聚會只是給我們後輩的校友, 所以在門口出面等靜雅和姚姚到. 等待中, 開始見到d中七舊同學啦, 好開心, 個個都變得更靚女, 男變得專業左, 哈哈.........

約7:00, 大家到齊, 真估唔到今次這麼多人, 原本估有200人到, 點知今次反應太熱烈啦, 有400幾人, 超出預算! (成功過上一次, 上次只得40人咋, 少到鼻! 我們去之前其實都擔心會否只得我們幾個, 現在不用擔心啦! 好彩今次有來到 !) 我們不在乎食物夠唔夠, 因為大家只是想聚聚, 見舊朋友, 傾下現在近況, 又講下學生時代的笑話. 真好開心呀 !

我們不斷同同學仔傾計, 原本想一齊影相, 但因為個個都忙於傾計, 又忙出忙入, 難捉住一個人拍照, 阿sir, miss 天甚, 個個都爭住一齊影. 校長仍無什麼變到, 瘦了一些啦. 校長好搞笑架, 好親民, 我好喜歡他! 他好關心我們一班學生, 真的是當我們是他的子女咁! 他的口頭禈是烏龜和兔賽跑 ! 今次上台演講也是這個, 只是變左一些, 加了一些意思, 要我們思考下的. 不過2年後, 他可能退休啦, 希望我們次次回校也見到他啦 !

law野食的時候, 姚姚掛住同人傾計, 唯有我同靜雅去law, 途中有個男校友問我記唔記他 ? 我覺得有d面善, 但唔知是邊個, 但一定不是文商班的同學仔. 他說我們讀同一間小學的 (何壽基小學), 又住同一大廈. 只是我form 3 時才轉過來崇真. o...是嗎, 真一點印象都無 ! 我問他點解撞唔到你ger, 他說可能大家上班時間唔同啦, 我6:30出門的.  哇...我睡覺中, 難怪見唔到啦 !

大家食飽後 (其實無點食過, 每人只是一, 二口) 又一齊拉住拍照留念. 學校變左好多, 愈來愈多活動, 又有gym 房, 好想返去再讀過tim. 自從學校給同學搞婚禮後, 有人開始在學校搞, 同同學仔, 同老師一齊. 我有一對同班同學仔也在學校搞, 好開心! 如果我結婚, 也想在學校搞呢 ! 約10點, 我們離開學校去了靜雅家傾計, 同她媽媽一傾就傾到11:30lu, 原本大家說去唱k, 但靜雅要放狗, 等到她放完, 我同姚姚好眼訓, 唔等她回來就離開搭車回家去.

去搭車途中, 竟撞到阿金同他女友手牽手一齊行, 我同姚姚說睇唔到睇唔到, 擰轉頭望其他地方. (因為有次姚姚見到阿金, 太開心啦, 竟睇唔到他女友即上前拍了他一下, 點知俾他女友見到, 惱了他, 所以今次扮睇唔到 law ) 最後我們仍是一齊行去車站 !

今日好開心, 因為約了一大班好久不見的朋友去睇 <殺神特工>, 我4:00到戲院竟見到靚靚, 真好意外, 他是個好難約到的, 次次約他, 他一定不是病了就是家中有要事. 見到他, 當然來一個擁抱先, 但他避開了 =.= , 仲話我tim, 好傷心, 這麼久不見, 好掛住他架嘛 ! 他都無什麼大變化, 只是瘦了一些 (他努力做運動, keep fit) 仲有就是不再周身都是水晶或銀器了.

 <殺神特工>都不錯, 有我喜歡的女主角, 場景幾好, 尤其是他們的能力, 唔知是否真有人可以玩槍玩得咁勁, 可以轉灣, 好似可以隨心所欲咁. 不過有d場面幾血腥. 入面有靚車, 但只是俾人用到殘, 可惜. 睇完出來已經6:00了, 少靜與家人食飯, clown有朋友生日, 所以他們不能join我們一齊去黃金食飯. 不過仍是一大班人, 好開心, emily好喜歡我隻手tim (因為我體溫比他們低d, 尤其是去了冷氣地方, 手臂是涼涼的, 這日又鬼死咁熱, 所以喜歡我隻手law , 但一到冬天, 就無人喜歡了)

去黃金途中, 無端端講起睇掌相, 我們發現靚靚在這方面幾有心得, 個個都問他愛情, 事業, 健康等, 忙到不亦樂乎. 去到蟠龍堡店, 仍是講緊. 他說我事業一般, 不會做管理層, 但都可以養到自己. 愛情25歲時有出現過, 但不深, 要到28歲後才有. 生活都是簡單, 2公婆要出來工作, 但不愁3餐, 仲有仔女tim. 個人是大洗一族, 但都有一d 儲蓄. 健康唔錯, 只是小毛病. 唔知準唔準呢 ?