今日同朋友同事去睇 <色慾都市>, 我們係荃灣睇7:20pm, 首先我們約好係葵芳地鐵等, 我建意去凱施麵包睇下有無 <雪之卷 >, <海之味 > , 入面是有的, 好開心 (原來旺角店員騙人的), 即大家買一件<海之味 > 試下, 入戲院時食. 去到荃灣即買飛, 以為用信用卡俾錢會有9折, 點知原來要等一星期後才會有折, 算啦, 都去到唔通唔睇咩 !

這輯戲幾好睇, 是講現代都市女性的生活的, 所以入面有好多靚衫, 靚鞋, 當然少不了有性愛場面. 不過睇完, 覺得最感人是大家找回自己, 找到生命中所愛. 而朋友也佔一個大感情角式, 最開心莫過於同愛人同一班好朋友一齊食飯談天, 將自己的快樂事情同大家分享, 他們好盡情享受這個時間, 每個都充滿幸福快樂 ! 另外, 有幕是講個朋友同丈夫分居, 到新年時, 只得自己一個寂寞食飯盒, 好sad, 即打電話同女主角傾訴, (當時女主角亦是孤單一人, 睡覺中) 女主角聽完朋友一番說話後, 立即睡衣也不換飛去朋友家, 給個驚喜, 朋友真好驚喜, 不知說什麼是好, 只是大家緊緊擁抱對方, 同朋友渡過愉快的新年.

今日小豐買了一個 <雪之卷> 俾我食, 哇...好好味, 有很多料 : 火腿, 白汁碎旦, 肉鬆, 生菜, 差不多等於一個漢堡包. 他說是凱施麵包買, 他問過店員其他分店有嗎 ? 店員說無, 只得旺角有, 我聽完覺得奇怪, 麵包店應該是統一的, 尤其是好食野. 但店員都這樣說就算啦. 小豐原本是買 <海之味>俾我, 入面有蝦, 火腿, 生菜, 吞拿魚. 但他放工去到已經買晒, 所以買 <雪之卷>俾我. 我覺得應該要$10-13到, 但只需$7就ok了, 真抵食. 真多謝小豐的好介紹 !

今日睇完 <百變狸貓>, < 歲月的童話>, 好想好想出去大自然地方玩返一段時間, 住一段時間, 種下菜, 採下花, 閒時躺在草原上望天上白雲, 悠閒地享受生活, 不用急急工作, 不用只是玩室內遊戲. 唔知香港有無這些地方呢 ? 鄉村生活 ? 

今日落雨超勁, 訓覺時仍聽到雷聲, 瀑布聲, 加埋閃電. 一起身仍是勁, 睇電視睇下情況, 搞錯呀! 咁大雨仍是黃雨, 好心天文台啦, 快快發出黑雨警告. 點知原來是我搞錯, 聽朋友講, 今早已發出黑雨啦, 只是現在落了. 哈哈.......我訓得大久了.

好 ! 啦啦打掃屋企, 2:00約了朋友出街, 我們去element即圓方, 睇下有什麼商店. 全部是貴東西, 化妝品, 得個行同睇下啦, 但有溜冰場, 戲院. 下次可以來這裡溜冰. 我們行了一陣就去 petit 食cheese cake, 我們叫了芒果, 士多啤梨, 紐約cheese cake, 最好味, 最抵食是紐約cheese cake, 因為個cake是芝士餅, 個2個是蛋糕. 但3個仍都好味. 下次一定要再食new york cheese cake.

食完就走人, 出發去元朗, 朋友家玩. 我們睇了<出埃及記>, 是講一班女人如何計劃殺男人, 她們用d不留痕跡的殺人方便, 不會有人懷疑. 故事內容不錯, 但節奏好慢, 有d悶, 睇到我們想訓覺. 其實都幾可悲的, 要想辦法殺自己愛過的人, 如果不是男人傷了自己, 騙自己, 令到自己對他死心, 將愛變恨, 實行殺人計劃. 當然這有d偏激, 不是全男人都是衰人, 負心人, 女人也是! 只是感情這東西好易變. 不是容易控制的東西. 而且睇這輯戲也發現, 好多人不會將自己所感所想告之另一伴, 返而會同其他人告之, 如朋友, 秘密情人.

睇完, 我們傻傻地去bbq, 落大雨仍bbq, 一定被人話我們癲. 去到, 都不多人, 只有幾班人燒緊, 我們左睇右睇, 選擇一個唔流水, 唔撒雨的地方, 開爐bbq了. 天公算好啦, 燒燒下, 只落細雨. 我們燒了好多雞全翼, 好好味.不知不覺燒了4個鐘, 11:30搭車回家.

呢幾日好忙, 差不多日日遅走人, 仲要有2日開OT TIM, 現在真是辛苦了. 無計, 現在D火燒到我們DEPT啦, 要查出點解會唔岩數 (好似尋寶), 是邊個問題. 大家都好緊張, 個個好小心去做野. 有一日差不多放工時, 大阿head victor 叫我一房, 哇...好驚, 點解叫我一個入房, 莫非要訓我一餐 ? 原來是叫我好好去做, 現在開始會緊d, 是想訓練我們思維, 不要好似機械咁, 唔用腦, 只識做. 同牛無分別! 知道這裡不是你終點站, 但希望你學到這些, 出到去也有用. 聽他一番話, 他仍未放棄我們, 都好, 要辭職也要自己提出先. 唔可以被整花.

今日下午食飯時間要開會, 我們唯有食M記啦, 夠方便 ! 原來今日是教大家(除了我們一team人, 也有operation, file closing, proceument, 同victor) 如何用airwarder system, 另外也提出問題, 睇下對方如何做的. 現在總算找出一些問題, 也得到一些答案, 是不錯了. 而且victor也知道不是全是我們個team 問題, 其他dept 都有, 大家是一同去解決的. 下星期也要開會, 所以他要我們不要請假. 希望快搞掂, 唔晒開ot啦, 否則做唔到運動啦 !