| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 6 月 21 日 星期六  |
結婚日  |
分類: 未分類 |
到了阿妹結婚及生日的日子啦! 真有d緊張, 唔知會搞得ok嗎 ? 我未試過做姊妹, 不知道有什麼程序要做. 尋晚, 大陸親戚來我家, 參加阿妹結婚典禮, 所以當晚我家好迫, 人數10個, 我都未試過咁多人來我家住, 也不太習慣家晚了也這麼嘈. 這晚, 阿嬸幫阿妹梳頭, 煮湯圓食, 搞到1點, 大家先可以訓覺, 第二早要6點起身梳洗換衫化妝. 所以大家都唔夠訓, 除了2位侄仔, 小朋友果然精力充沛, 說話大大聲.
6點鐘, 2 個阿妹先起身梳洗等化妝師來 (6:30到), 化妝師來到, 即幫名妹化妝先, 因為我們10:15要去婚姻註冊處註冊, 時間比較趕. 7:00伴娘來到, 等化妝. 其餘d姊妹也7:30到齊, 大家準備整理自己化妝, 衫同遊戲. 約8點半, 攝影師到先同我們一班姊妹拍照, 傾下如何玩, 說什麼. 後新郎兄弟一齊來, 我們班姊姐唔夠兄弟勁, 口才輸了, 力氣也唔夠! (我也是第2次見班兄弟姊妹, 個次開會, 大家傾到零晨2點才散, 結論也是不太詳細, 大家當日一定要隨機應變! 只知道大家好玩得, 講得笑. )他們好易就入了門口, 開門利是也要了3次才拿到手, 後玩一些簡單遊戲, 如新朗朦住眼, 幫兄弟搽唇膏, 後咀返新郎; 灣腰過繡球; 選絲巾娶老婆. 後要新人敬茶俾阿爸, 長輩, 攝影師不停影相拍攝, 搞到10點才可上花車去大會堂. (其實我覺得唔需要4部私家車, 一部小巴車咁多, 都坐唔晒, 男家同朋友他們自己搭車去的, 租車晒左!)
到大會堂, 立即又要換婚紗頭飾, 遲了些少時間註冊, 大家講誓言簽名, 急急影相 (因為俾職員趕), (阿妹老公似足阿爸, 家姐都似, 但家姐皮膚好,又瘦). 之後我們去大會堂出面拍照, 一小時後, 新人, 攝影師, 姊妹及伴朗跟去男家, 敬酒給長輩外, 其餘就回家或逛街, 有D兄弟比我們早上男家整理屋企, 然後去做其他事情. 完後大家一班兄弟姊妹去帝庭酒樓食飯. 可以食飯時, 已經是1:30了, 大家都好餓, 因為太早食唔落早餐. 食飽後都3點了, 大家一齊傾計, 睇下場地有什麼需要, MC對稿, 其他人就下程序等. 我就借了阿妹的NDS打機, 打打下覺得怪怪, 無傾計聲, 抬頭睇發現他們都望住我, 我問做什麼, 他們說你玩緊賽車呀 ? 我說不是, 玩緊MARIO. 他們聽到就大笑, 到我唔知他們做什麼了. 原來他們覺得我好好笑, 打機時身體會左右搖, 有時會向前, 有時會向後, 所以靜靜的睇我, 順手影一些怪相. 我們一直坐到4:30點, 女的入房換衫set頭化妝, 準備接客人. 男就同部張傾程序, law蛋糕, 各有各忙.
我是做接待的, 所以打扮後即埋位等客到. 我們9:00開席, 女有4 圍, 男有16圍. 7:00-9:00是最多人到, 我只負責女家客人, 女家全部是約20歲的朋友, 男的家姐就是負責男家, 大部份是親屬, 同事, 朋友. 差不多開席時發現兄弟姊妹要自己找位坐, 因為唔夠位, 我同阿妹坐最尾個圍=.=. 而且有好多朋友排隊上台同新人影相. 新人入場, 各位兄弟在不同位開花爆, 又一面播新人小時的相片. 上3道菜時又播新人接新娘和註冊時的影片, 跟住新人向各圍敬酒, 遊戲因時間有限, 所以無玩, 以同阿妹慶祝生日取代. 我們訂了一個生日大蛋糕, 唱生日歌慶祝阿妹20歲生日.
尾聲時, 兄弟個個有d醉, 新人及父母都在門口送客影相. 而我就立即換衫送阿姨一家搭的士去黃金海岸酒店, 最後因為阿姨擔心我要幫阿妹, 而且又唔順路就自己他們搭的士去, 我只送他們去的士站就回去幫手. 點知上到去, 阿爸話走, 阿妹也差不多搞掂, 所以我就跟他們一齊搭的回家. 回到家洗白白完都2點了.
|
2008 年 6 月 20 日 星期五  |
| COOL ? |
分類: 未分類 |
今日早上去pantry洗杯, 倒杯咖啡喝時, 見到個男, 好熟面, 唔知是否上次個個通知我printer Q3男呢 ? 唔理啦, 打聲招呼安全D. 大家SAY HI, 原來真是他, 我問你的名好難讀, 可否讀一次. (哈哈...讀完, 返埋位時又唔記得左) 他讀完, 我說, 點解改個咁難讀的名? 他說是, 真有D難, 下次改個單字可能好D ?! 我們一齊笑, 我說唔錯, 不如叫"C" (因為他名字是CRYUS).
跟住他說你是TOBI個TEAM是嗎 ?! 你是做JOB COSTING, 好似好難, 需要好多TECHNICAL SUPPORT 去做. 我說是呀 ! 真是好煩, 但是就要好多其他部門的文件SUPPORT才可完成我們D JOB COSTING. 現在我們好煩, 好忙, 你叫VICKEY不要再催我們交單, (他是BILLING 部門, 我們開了單, 他們先可以做單, 所以經常催我們, 尤其是月尾) 我們不是不想開單, 只是未有正確資料在手, 所以唔開住. 他說明白你們好忙啦, 近期你們經常開會討論如何做好開單. 總之大家努力啦 !
然後他說, 初時以為你好COOL TIM, 走過來都唔多出聲, 都唔夠擔同你傾計. 我真是呆左, 我好COOL ? 我未試過俾人話COOL的, 唔得, 返去問朋友仔先. 我說 不是瓜, 我COOL ? 咁我要多D笑住行同多D野講下先. 因要返位趕住做野, 所以唔同他傾咁久, 同他講BYE BYE. |
| 2008 年 6 月 14 日 星期六 |
| 小故事 |
分類: 未分類 |
在一個寧靜而美麗的小城，有一對恩愛的戀人，他們每天都去海邊看日出，每個人都很羡慕他們。可是女孩不幸患了重病，她靜靜地躺在醫院的病床上，男孩就守在床前不停地呼喚毫無知覺的戀人，又跑到教堂向上帝禱告...終於，上帝被男孩感動了，祂決定給這個男孩一個例外...
上帝問：『你願意用自己的生命交換嗎？』
男孩答：『我願意！』
上帝說：『女孩可醒過來，但你要做三年的蜻蜓，你願意嗎？』
男孩答道：『我願意！』
男孩變了一隻蜻蜓，女孩亦真的醒了...
女孩很快便康復了，但她並不快樂，因為沒有人知道男孩去了哪里。女孩不停尋找，然而化成蜻蜓的男孩卻無時無刻圍繞在她身邊，只是他只能默默地守護著她...秋天來了，涼風吹落了樹葉，蜻蜓要離開這裏，可是他無力跟女孩說再見...轉眼間，春天來了，蜻蜓飛回來尋找女孩。然而，她的身旁站著一個英俊的男人，是醫治女孩的男醫生...他們的愛情多麼的理所當然，女孩好像比從前快樂了...蜻蜓傷心極了，他常常看到男醫生帶著女孩在海邊看日出，而他除了能停落在她肩上，什麼也做不了...這一年的夏天特別長，蜻蜓已經沒有勇氣接近女孩...她和男醫生之間快樂的笑聲，令他窒息...第三年的夏天，上帝約定的三年期限很快就要到了。就在最後一天，女孩跟男醫生結婚了。蜻蜓悄悄地飛進教堂，聽著下面的戀人對上帝發誓說我願意；看著男醫生把戒指戴到女孩手上；然後看著他們甜蜜地親吻著...蜻蜓哭了...
上帝歎息著：『你後悔了嗎？』
蜻蜓擦乾了眼淚：『沒有！』
上帝又說：『明天你就可以變回你自己了。』
蜻蜓搖了搖頭：『不，就讓我做一輩子蜻蜓吧...』
有些緣分是註定要失去的，有些緣分是永遠不會有好結果的；愛一個人不一定要擁有，但擁有一個人就一定要好好去愛他...
|
2008 年 6 月 13 日 星期五  |
| 悶煩 |
分類: 未分類 |
近日心情好似天氣咁, 時好時壞, 壞時全部都好灰, 好想什麼也不理, 只想自己一個去離島渡假, 過一個悠閒, 清靜的生活, 好好再找返另一個自己 ! 但我又唔夠膽自己一個住渡假屋, 因為我怕黑, 怕鬼, 心好矛盾 ! 有朋友說陪我去, 他說自己一個去, 好易俾人以為你去自殺, 唔會租俾你! 但這樣就不是自己一個啦, 我點也要想下他, 理下他, 叫他去到又唔理人, 好衰的. 這個計劃要再想想先 !
同一位女性朋友談天, 談起她去婚宴時撞到自己前男友, 大家相隔十幾年了. 見返除了驚訝之外, 也有一種情愫. 可惜女的已婚了, 我問她他是個如何的人, 他是個好男人, 戇實男, 很會照顧人, 但是個悶旦, 而且不太懂說話! 又講返他的好朋友同事經常戲弄他, 是個好怕羞的人. 聽完她說, 這麼好男人為什麼當初不選他呢 ? 原來當時她覺得他無上進心, 沒有好好為將來打算過, 無安全感 ! 這些是她好介意的東西, 偏偏他唔明, 所以分開了. 講真, 我也不喜歡這樣的男人, 總覺得男人要有擔當, 要有計劃, 有目標, 否則好難有安全感. 我明白她的準則. 現在撞到, 男已有一番事業成就了, 可惜女的已婚了, 有時世事真好難講, 可能他們有緣無份啦 ! 又可能他們不是這麼合得來!
我們談了好久, 談得好開心, 她有好多經驗, 見解, 教了好多野俾我. 好多謝她 ! 她也有一些痛苦, 辛酸的事情, 當時她因為只是想拍散拖, 而且唔信男人 (家庭問題), 所以唔多理男友, 點知男友覺得她對自己唔著緊, 好似唔愛他, 他就一腳搭兩船了, 但紙包不住火, 俾她發現了要求分手, 點知原來發現自己好愛他, 但他們無可能再一齊了, 因為她原諒唔到他騙她, 而且她也覺得自己有責任, 是她對他唔著緊的關係, 他覺得她唔愛他. 自從這教訓後, 她開始會對自己所愛的人有所關注. 有些事自己以為沒有什麼大不了, 不會為此傷心流淚, 但到要失去時或刺到時就會發現自己是多麼的傻蠢, 原來自己放了心落去, 只是自己唔承認或沒有細心留意自己個心. 最後就是失去了機會! |
| 2008 年 6 月 12 日 星期四 |
| 新生命 |
分類: 未分類 |
阿2妹去了婦產科檢查個BB, 做了個結構性超聲波 (幾貴, 要千幾元), CHECK下BB是男定女, 個BB是否健康! 這個BB有8成機會是女, 我覺得幾好, 生女可以同她扮靚靚, 又痴阿媽, 顧家D; 阿爸又會當她是小公主愛錫. 但我阿妹想生仔多D, 我叫她再生多一個, 她說 "NO", 一個夠晒數. 不過我覺得生BB有時是避免唔到的. 生多一個, 合成"好"字幾好, 有兄弟姊妹照應, 而且無咁悶. 但現代生多個也是一個負擔, 不是生了就算, 除了金錢, 你要有責任教好他們. (現在D小朋友是超難教的)
我好期待這個新生命呀 ! 好想她快快出來! 預產期是11月生產, 哈哈.......又多一個家庭成員是11月生日, GOOD ! |
« | 33 | 34 | 35 | 36 | 37 | 38 | 39 | 40 | 41 | 42 | ... | 48 | »
|
