我今日返到公司見到A, 同A SAY HI 後, 各有各忙, 而且我都唔知講什麼好, 我覺得扮無事這樣會好D. 後victor叫左A入房傾左一個鐘有多, 出來時睇來他們都無事GER. 後victor同我們講下星期, 大家小心d, 因為星期一有個瑞士男同事會在我們dept training, 費事他同個邊阿head打小報告wow. 另外, victor又說遲d會有人事調動, 會再教我們多d野, 除左現在的工作, 會慢慢加. 希望大家俾心機學野, 因為我們今次教你們d野, 對你們有很大幫助的. 你們會更了解整個流程, 比現在更明白自己做什麼.

我聽完, 半喜半憂, 憂是因為現在我們多左工作做, 時間唔夠用 (我們是唔開OT) , 仲要學新野, oh no, 咁唔開OT 都唔得啦! 喜是學新野, 幾好, 現在我都唔多明自己做什麼的, 而且有d悶, 只是計數, 改單. 另外學多d野, 出去找工都好d, 係唔係 ! 但victor講ger都唔知係唔係真?

今日原本好地地的, 但到下午, victor 出來問A點解有一批貨不能走, (A是負責幫公司book飛機位) A答留左俾另一個C客, 而且d貨也收齊了, 所以安排唔到. victor 再問得詳細d, 了解情況後, 他有d怒, 就話A點解明知這個D客平時是這樣, 唔到最尾都不會交貨, 唔留一個位比D客. 而且C客根本用唔到這麼多位, 你竟留這樣多位俾C客. 好啦, 要我出面同UPS傾, 叫他們留個位比我. 你點攪架!

A都有駁victor, check過無位的. victor就說咁你又立即找我處理! 2人攪到氣氛很僵, 我們全部同事都feel到2人現在很怒, 很怒, 唔多出聲! A怒到立即收拾東西拿袋走人, 我同雞仔都覺得A很勇, 很勁! 當住victor面走人, 什麼都不顧而去. 其實A是很情緒化的, 我覺得A心靈也比較弱. 我入來公司不久, 巳見A哭了幾次. 一是打電話時, 一邊傾計, 一邊哭; 二是無端端做野哭; 三是X'MAS PARTY 時飲多左幾杯, 就哭起來. 同A熟D同事都去安慰A的. A的情緒仲勁過我最好的一位朋友.

victor 見到A走人, 他很努地同A上司傾, A做什麼 ? 這裡是工作地方, 不是話想走就什麼都唔理走人, 一點責任都無. 你即打電話俾A, 問A係唔係唔返來, 想辭職, 係就交辭職信, 唔可以什麼都唔交代就走人. 點攪架?! 係我錯嗎 ?! 仲要同A講, 他真是這麼, 我會將他入行業BLACKLIST. 做人唔可以這樣的. 激死人!!!!!!!

我和雞仔都覺得咁大鑊, 不是wow. A快返來啦, 不要再任性啦! 大家成年人, 工作為重呀! 最後, A直到我們放工都係一直無返公司.

有人send 左email 俾思浩, 問現在生活咁辛苦, 咁痛苦, 點解仲要生存, 好想死! 思浩都唔知點答. 無錯, 人這麼多痛苦, 點解要生存下去呢 ? 後來思浩睇到911生還者訪問, 是講點解他們沒有放棄, 仍要生存.

人生存是為了愛人, 有事情, 心願未完成, 想為世人做多一些事情. 無論幾辛苦都要挨下去, 不可放棄, 否則你所愛的人會痛苦, 傷心, 甚至生活困難 (如自己兒女, 父母). 另外, 自己仲有很多事情未完成 (如工作, 家人). 更上一層的就是想為社會, 他人作出一分力, 狠希望幫到更多的人. 所以人生存是因為愛

好討厭呀! 上面都唔知裝修到幾時, 足足幾個月啦. 難得人家放假, 竟燥住晒, 攪到我訓得唔好! 好想打他一身!

睇左他人的BLOG, 覺得唔錯, POST俾大家睇

有人用科目去比喻愛情 你覺得愛情會是什麼學問? 首先愛情會係物理學 因為2個人首先係要通左電先會有下1步 跟住就去到文學 因為你會用盡心思去修飾你同對方講的說話 講什麼可以令對方最記得自己 直至熱戀時候每1個sms你都會花盡腦汁 盡量將1句我愛你用好多唔同的包裝去博對方1個回心微笑 再過1段時間愛情就變成生物學 因為對方的身體、氣味、溫度、感覺會係自己的身體產生1種化學作用 你會需要對方的手心 需要對方的擁抱 甚至每1個熱吻 每1次的接觸都好似想將對方吞逝左咁 大家相處時間耐左 愛情就會變成數學 當對方唔係將你放係第1位的時候 你就會去計算 究竟你愛佢多d定佢愛你多d ? 又計呢個星期佢陪左你幾多日 ? 又或者計下每1次佢陪左幾多個鐘 ? 再悲哀就會演變成心理學 你會用好多方法去綁住對方個心 或者會問一 d不著邊際的問題 例如「如果你媽咪同我跌左落海 你會救邊個先」等等問題 到左呢個地步愛情就會成為歷史 即係呢段愛情玩完 到痛完1輪之後就會好似天文學所講的一次宇宙大爆炸 將所有野燒毀左之後又再1次重新 跟住又再來 1個循環去返物理學 經過1次又1次傷心 可能你會覺得好攰 可能你會唔再相信愛 或者收埋自己唔再去愛 又或者會亂咁去愛

今日放假很忙呀, 首先去金鐘攪台証, 一邊睇<金田一>漫畫, 一邊搭車去也. 仲以為自己可以睇晒tim, 點知唔得, 因為我要思考兇手如何殺人. 去到即填form, e.. 真好笑, 要填公司名, 地址, 電話; 又要填父母的出生日期 (他們都唔去, 都要填 ?) 很煩. 終於2點攪拈. 

後即去荃灣捐血, 隔了5年了. (真是失敗, 人們說3個月捐一次, 我就5年先捐)  見到d婆婆做義工幫手整表格, 遞飲品給捐血者, 我覺得她們過得很充實, 沒有因自己大就放棄. (到我老時, 我也要像她們) 雖然捐過幾次, 但都有d驚, 尤其是等待針手指同揪血時, 心跳得快左, 手心冒汗, 唔知幾時會來. 好彩都是一痛, 姑娘手勢唔錯. 我捐左400cc, 當見到自己的一包血時, 好似自己BB出世咁, 好開心, 好興奮, 是值得的. 我要經常去捐血先得.

4點半順手去左做FACIAL, 補濕按摩一下. 但估唔到一做就做了個半鐘 (平時都係一個鐘, 今次竟多左) 攪到我遲大到, 一定俾姚姚罵. 我啦啦走人去搭車返屯門, 點知塞車! OH MY GOD, 趕時間時竟塞車. 激死人! 到市中心時係7:15PM 比平時回家仲遲. SORRY 呀, 姚姚! 好彩阿秋已到, 陪住姚姚. 我們4個 (包埋映) 很久無一齊食飯傾計啦, 大家都很好, 比之前更靚左 TIM.