今日真是悲喜參半呀! 先講悲. 就是我們job costing 的得力幫手king ho突然同我們講他巳遞了辭職信, 做到今個月20號走. 真是晴天霹靂呀, 我們panal 3寶好唔捨得呀, 他是我們的指示員呀, 有什麼唔明都係找他. 我們今天同他一齊email講了很多野. 他找到一份acc clerk 的工作 (他讀緊acc 的), salary唔錯, 返5.5日, 又係長短週, 希望他在新工作愉快. 雖然現在公司是他第一份工(做了3年) 又年輕 (睇唔出, 初時以為同我差不多, 點知竟同雞仔他們一樣年齡) 他工作不錯, 俾人成熟穩重的感覺. 另外他很喜歡車, 是電單車新仔, 他說揸車很free, 很開心刺激, 尤其是超速或轉灣. 我細個時也坐過電單車, 感覺很好玩, 我都認同他的說法. 有十幾年無坐lor, 經他一講起, 我有d心郁郁, 想叫他車我一轉, 回憶返以前的感覺. 但他說現在不能載人, 可能是新仔瓜? 其餘2寶話我坐他車, 一定大叫, 大哭wow, 真是誇張, 講到我超細膽咁. 唯有等他可以載人先坐啦!

另一喜是, 我們攪左大半個月終於決定5月頭去台灣啦! 之前有幾個地方選擇的 (菲律賓, 台灣, 沙巴, 日本) 點解日本也入選, 因國泰 (自由行) 做緊promotion, 來回機票是$2000, 令我們心郁郁, 仲plan左一些計劃 tim, 但我們冷靜後, 那裡消費貴, 可能都要$10000 (全部行程), 都係貴, 儲多一年錢去好d. 菲律賓有人唔想去, 所以最後決定去台灣, 大家未去過, 而且大眾化! 當然我們要問下tobi 俾唔俾我們3個一齊放假去, tobi只說你們攪拈手上所有工作, 唔好俾人話就可以. 為了去得成, 我們認承了他, 未來這1, 2個月要努力d先 (而且king ho又不在, 又未請到人), 盡快攪拈工作就可以玩得開心d. 阿秋知道我們去台灣, 她同她阿妹又話要去, 所以今次一行5人自由行. 放工時也一齊book左機票, 俾晒錢了. 現在可以開始plan大家想去邊, 住哪了! 好期代呀! 快d到就好啦! 

今日同姚姚幫小生補足生日, 小生成年啦! 大個仔啦! 真是美好的年齡! (好似離我很遠的年齡) 無見一段時間, 除左瘦左D外, 沒什麼改變, 是好事!

我們去了元朗食日本野, 之前姚姚想帶我去食的, 她說燒餅同漢堡扒不錯, 幾好味. 所以今日去試下(隔局是普通, 沒什麼特別, 但食物不錯). 果然不錯, 無介紹錯, 用料都很足, 價格一般, 是大眾化的食物! 除左叫這些, 另外仲叫了海鮮烏冬窩, 湯很清甜, 用料豐富, 好味; 日燒豬肉腸, 有口感, 充滿肉汁; 天婦羅定食都很好. 食得我們很飽 !

到埋單時, 我們2個竟唔夠錢, 它又唔接受VISA, EPS! 竟要小生出左一D錢, 先足夠, 真是臭大! (竟要壽星公俾錢, 真失敗!下次要帶夠$先得.) 走後即去銀行攞錢, 還錢俾小生! 好彩他唔介意, 嘻嘻.....

很緊張呀! 今日是我的工作評估, 是睇下過去一年的工作表現, 對公司的好與壞, 同事之間的溝通, 期望下年的發展. 首先自己先填寫自己的分數, 到見阿head時, 阿head會在每項給予你一個分數. 當然他會解釋點解會俾這個分數, 他也會問你點解會俾自己這個分數. 我有很多野要說, 可惜我英文不太好, 只能表達一二項問題出來. 其實我知道tobi 盡量用淺白的英文同我傾, 而且大部份時間都是他說, 我聽, 間唔中俾下反應. 整體表現我覺得不錯, 我都明白他意思, 他也明白我意思, 算不錯!  

我的總分數都很平均, 是3.2-3.5等, 是大部份符合公司的表現(唔知會加幾多人工呢?) tobi 希望我可以再有進步, 尤其是自己有獨立的想法, 不要什麼都說好, 接受工作. 要懂得拒絕. 因為有些工作不是你負責的, 是其他dept負責. 如果你一接觸左, 就會個個人都找你, 要你處理. (沒錯, 我試過, 明明有d單不是我開的, 但不知為什麼有人send email俾我要我開單. 我解釋左一番說不是我負責的. 他們仍是不斷send野俾我, 真激死人! 都唔知邊個告訴他們話是我開的 ? 我問同事, 同事話, 是這樣的, 之前你幫他們解決左問題, 一有問題就會找你, 認定是你攪的. 所以你下次又來, 要send email 俾負責人同send email的人, 要他們自己溝通! 二是什麼都唔理, 唔覆!) 現在, 我明白了他們的做法, 不再攬上身了.

另外, tobi說, 有問題可以找他, 叫我當他是朋友, 覺得他有什麼不對, 直接講出來. 或覺得有什麼好方法也可以提出. 不要不說! (唔知係唔係真可以說不的不是呢? 他會唔會反面呢 ?) 

有個朋友剛生完BB, 請我去她家食薑醋和睇下BB, BB是男仔, 得24日, 很細, 很可愛, 臉頰又軟又滑, (好想咬他一口, 嘻嘻..., 很衰TIM) BB似她先生, 還未改名的. 所以個個都叫他BB. 他很醒的, 細細個已經識得望鏡頭, 開口郁郁, 手腳又郁來郁去. 我朋友都不知幫他拍左幾多短片, 相片TIM.

我無抱他, 我有D驚, 因為太細啦, 擔心整親他, 到他大D就抱下, 同他玩. 但唔知會否經常睇到他呢? 因為我朋友會將他俾媽媽照顧直到4-5 歲才自己照顧返, (2公婆都要返工). 結了婚的朋友們, 快生個BB啦, 到時我就可以........., 嘻嘻........, 尤其是我最親的一位.

原本探BB前, 去捐血的, 點知唔捐得, 激死人, 難得我在荃灣, 順手去捐. 現在要等我何時有空了. 點解唔捐得, 就因為我傷風痊癒唔夠一星期, 所以唔得. 我走出姑娘間房, 驗血先生即想幫我驗, 我話唔得後快快腳走, 笑死人啦! 走時, 坐係位等面試的人都望住晒, 真是瘀死人!

晚上睇了<人工智能>, 初期沒什麼, 只是覺人類對機械人唔好, 只識對他們要求個樣, 要求哪樣, 一點感情都沒有. 到後期很感人, 小男孩 - 大衛(是有愛, 有感情的機械人)一直苦苦追求母親的愛, 渴求成為真正的人類. 為了成為人類, 踏上征途, 尋找藍仙女(木偶奇遇記), 想她將自己變成人類! 但結果在深海見到藍仙女, 大衛心中抱住一絲希望不斷哀求她, 一年又一年, 直到不能動, 直到2千年. 人類滅絕, 外星人尋找到他, 令人機能活躍返, 知道他過去的事情, 想幫他, 希望他生活快樂. 所以複製了母親, 令她復活, 可惜只得一日.

睇完, 心很酸, 已經睇到哭啦, 但唔夠, 一想起就不斷流淚, 明知道無可能變成人類, 無可能得到父母的愛, 但仍追求, 當知道真想時, 真的想死, 很絕亡! 只要有一絲希望, 不論多久也願意等變成人類. 只得一日可以同母親快樂一齊, 聽到我愛你, 心已足! 睇完更珍惜眼前人, 而且要知福.