姚姚去完日本回來了, 我們一班朋友出來食飯聚會同攞手信. 今次係元朗, 食OLIVA. 一行六人一邊食野一邊聽姚姚的日本之旅. 很好玩, 如果玩得到刺激機動遊戲的話; D公仔, 飾物也很可愛, 很靚. (姚姚好衰, D可愛細公仔留返自己, 我也想要 >.<, 真很可愛的, 又細又靚) 但估唔到日本年輕人唔喜歡中國人, 對中國人唔太禮貌, 相反老一輩對任何人都有禮貌, 不會帶有色眼鏡.

今次點的食物一般, 煙三文魚和雞肉PIZZA唔夠海鮮PIZZA好味, 彈弓粉就硬左D, 豬腓骨也是. 食完了, 不知邊個突然說, 很久無唱K了, 然後3個朋友說, 我們也是, 點解我們咁蠢, 唔去唱K食BUFFET呢 ?! 不如現在去啦, 我們都放假. 唱晚D也不怕, 哈哈...... 最後一班魔鬼就拉了姚姚同我去唱K了, 一直唱到差不多2點. 好彩唔晒返工.

今日是上ALFRED (他是AW的OPERATION其中一員) 堂, 是學習新運作和計成本. (大家不要以為是解決之前的問題) 一上堂, 原來是學習計雜水單 (我們主要計歐洲, 南北美州的) 雜水是去東南亞, 非洲, 中東, 俄羅斯等等. 其實計法是同我們之前計的一樣, 只是CLICK多一個ICON同一定要計得準確, 否則我們同其他部門會有問題! 這就死啦, 現在AW也未搞掂, 問題仍未解決, 現在仲要理多一樣野, 而且要全對, 不能錯!? 真想死, 聽完灰晒. 他們應該教我們如何找正確資料, 如何睇哪些要, 哪些不要計, 也要教我們了解全部流程, 這樣我們會準確多D. 仲實際D. 我也很直接同ALFRED講我們的問題, 他明白, 他說要我們同TOBI講, 要求上這些堂.

上完堂回到位, 開EMAIL又見TOBI的EMAIL, 又係講AW問題. 我忍無可忍, SEND EMAIL同他講, 我們不是唔想做得更好, 但都要俾我們明白更多計算資料, 如何睇, 如何找, 找不到應該問何DEPT幫忙. 也不明我們所計(明明根據他們指示)同真實(實收的錢)竟差這麼多, 最好笑是我們計了指定的費用, 睇實收數時是找不到這筆數, 即是有也不同數額; 另外是D真實數可以幾個月後出現的, 搞到我們CLOSE唔到. 激死人! 原本想這次不再轉工了, 安定了, 睇來也是時候準備走人了. 看來我是一隻不會停的鳥仔 ! (無奈) TOBI回覆是他完全明白, 希望我們盡力, 如果有什麼唔明, 一定要講他知, 他會幫我們, 教我們! 睇完他這篇說話, 怒氣降下左, 覺得TOBI好慘! 

今日公司大爆發了. 之前我講過我們公司用了新系統叫 aiwarder, 我們是用它來計成本的. 但這個新系統有問題, 經常會將我們之前所close的file重新開返, 要再修改一次, 又一次. 最慘是08年仍在close 07年的file, 真想死. 之前也同tobi講過的, 但都無什麼反應. 終於到老佛爺大發脾氣, 招victor 同tobi話點解d file仍在系統, 而且同實際有百幾萬差額. 要我們盡快搞掂好. 而且要08年的file完全正確! 搞到我們這一team 人真是苦惱加有壓力! 我唔知tobi 同victor 明唔明我們所面對的問題, 我們只是跟他們之前的指示去計成本, 他們都沒有教過我們如何睇收費表, 如何分別這單是普通貨定是特別貨. 全部是陳景浩教的, 而且完全不是我們的錯, 其他部門也有問題, 他們有時轉錯單, 入錯數, 搞到我們都錯. 完全浪費我們的時間, 精力.

這幾日,上面俾壓力俾victor, victor又俾tobi, tobi又俾我們, tobi 經常email俾我們, 要求我們立即搞好d數, 有唔明即通知他. 平時他是個悠閒派的, 這幾日人也變得苦惱, 連上普通話堂也不去. 睇見他這樣俾上面壓, 我們都唔知如何是好. 如果再下去, 我們會俾他們迫到走人唔做. 講真, 他們是阿head, 應該同其他dept阿head 開meeting, 大定傾傾個對策. 不要全部將負責推向我們這邊. 連HR 的同事也知道這些事. 又說難為了tobi, tobi是個好阿head, 很會照顧下屬, 樂意幫我們解決問題. 也是, 除了比較靜d之外, 他是我所觀察, 所聽到的不錯阿head. 希望他們快快達成共識, 我們可以鬆一口氣. 現在仍未請到人代替陳景浩個位, 看來, 我們3個去完trip後會超忙, 要開OT了.

同朋友在荃灣睇 <三國>, 幾好睇, 埸面很大, 每個各式都演得很好. 很少電影是講趙子龍的一生, 今次可以睇了,(唔知真實歷史成份佔幾多?) 我覺得劉德華演得很入戲. 其實他說的一句話真是很好, <打了這麼久的杖, 都唔知是為了什麼 ? >普通人心中想要的是<家>, 一個溫暖安定的家, 願望是很渺小, 但很難實現. 為了實現願望, 只可為他人(雄霸)戰鬥, 直至死亡.  其實人為什麼要打來打去呢, 為了一己私慾, 就要全部人一齊受苦, 連生命也取去. 然後得到的是什麼 ? 最後, 諷刺的是, 統一的不是三國的雄霸, 是晉! 打了這麼多年, 竟也是多餘, 真是好笑! 睇這輯戲, 都睇得百感交集, 無奈, 心酸, 不忍, 感慨........ 

今日下午雞仔聽到victor同tobi講, 快找我們(我, 雞仔, 孖寶)其中一個做leader, 另外要將我們調去入會議室做job costing 位. 可能遲d有人座我們的位 (他們主要是幫客book機). 現在唔夠位用, 所以d會議室會當一個部門咁俾人坐.

聽落幾好, 現在已算free啦, 入了房, 嘻嘻.....勁free, 無人管. 但地方細d, 望來望去都是這幾個人了. tobi快d請到人啦, 少一個人, 工作量會增加的. 最好請個靚仔. 嘻嘻......