悶了2日, 公司電腦終於有得用了. 不過要慢慢運用下個電腦軟件, 因為我個部電腦是用window vista, 其他同事不同我, 所以要睇下有什麼唔同. 可惜公司不能上外網, 因為之前有同事上外網中了病毒, 搞到公司系統嚴重損壞, 所以現在不准上外網.

今日是中國奧運開幕禮, 一定要回家睇, 聽講會有好多人參與表演, 好期待 ! 今次好難得可以睇奧運開幕禮, 之前都因時差, 只可以睇剪輯過的片斷, 今日可以睇足了. 真的好好睇, 開幕禮前, 有2008個健兒表演擊缶, 倒數時間, 他們好齊整, 好有氣勢呀! 之後有小妹妹唱歌, 伴著一班不同服裝小朋友出場, 好感人呀, 可能d歌聲好感人, 好甜加上小朋友手拿國旗, 感覺好興奮, 今次是中國第一次擧辨奧運, 很有意思! 另外29個大腳印也很好, 有種巨人或神進入會場鳥巢的感覺, 充滿祝福 !

之後的表演也很好, 中國人多, 果然是用大量人來表演, 他們全部都是自發去當義工, 不怕辛苦, 用一年多時間採排, 出來的結果非常好, 好整齊, 好合拍, 好有氣勢, 也將中國文化表演出來. 其實全世界好多人都為奧運已出力, 有錢就出錢, 有力就出力, 而中國也集中精力去舉辦一場成功的奧運, 個個付出的只是為了一場幾十分鐘的表演或比賽, 雖然時間短, 為是有好成績, 他們不介意付出多少, 令人佩服!

最後是結尾歌 <我和你>, 好好聽呀 ! 我好喜歡, 唔知有無得下載呢 ? 另外李寧點聖火也很好, 他跑得好似古時有輕功的人, 在天飛奔一樣. 睇完全片斷後仍陪阿妹睇返她未睇個d, 到零晨2點才訓覺!

今日是我返新工的第一日, 有d緊張, 唔知自己可否升任這份工作, d同事又如何, 要再重新適應新環境. 公司是間外資公司, 老闆是巴西人, head office係大陸, 所以要經常講普通話同公司聯絡. 我們香港公司分3間房, 我個間只有3人, 人是少d, 但好彩可以聽下電台, 有d聲音, 無咁悶, 而且唔晒對住老闆, 自由多d.

第一日沒有工作可做, fei fei 是教我工作的一位同事, 她俾一份job step 我, 叫我睇下先. 因為電腦要等大陸電腦部同事幫我開一個新account, 又要入d software, 所以暫時用唔到. 我唯有睇下d notebook, 真睇到我有d眼訓, 只見fei fei 同peter忙到死, 他們2個是用普通話溝通的, 好彩我聽得明, 但唔多識講. 原本fei fei 是四川人, 來港生活很久了, 但廣東話仍是唔正; 而peter是印度華僑, 所以普通話勁過廣東話. 睇來我可以請教他們, 叫他們教下我普通話了.

未到5點, peter就離開了, 我覺得奇怪問了fei fei, 原來peter是要去送單, 文件俾其他公司, 所以要早走, 難怪我們不用courier啦 !就到5點半, 好開心可以放工了. 不過見其他都未走, 我又唔好意思走人. 但fei fei 叫我走先, 因為無電腦是做唔到野, 留下也沒有用. 所以我同其他房同事say goodbye, 好準時5:30pm 走人.

今日提早同may姐慶祝生日, 我們下午去又一城溜冰先, 之後去荃灣食小肥羊. 今次去溜冰有我, may姐, 阿dee, kennis, 估唔到仲有姚姚同黃生. 我好久無溜冰lu, 記得最後一次溜冰是4年前, 而且只是識單腳郁, 另一隻痴實地下. 今次希望進步d啦 !

一班人中, 最唔識溜冰是我同kennis, 我們2個初初緊握扶手慢慢向前溜, 全集中精神去溜. 成績不錯, 只少沒有趺倒. may 姐同阿dee 2個, 姚姚同黃生, 他們溜得好好, 尤其是黃生, 他帶住姚姚向內行, 姚姚也開始掌握到要領, 放膽自己出去溜. may 姐他們不時溜過來說帶我出去, 初時我唔肯, 我說等我慢慢適應下先, 你們去玩, 不要理我. 溜多幾圈, 我也開始放膽離開扶手, 自己慢慢2隻腳一齊郁, 我覺得我比之前有進步了, 識得運用2隻腳, 好開心!

5:30pm, 我們散場, 行了一陣又一城, 後搭mtr 去荃灣小肥羊打邊爐. 今次就很多人, 有12個. 我們一邊食野一邊傾計, 問下大家近況, 氣氛都很好 ! 食完後, 我們係出面影了幾張大合照. 最sharp的不是生日個位, 竟是黃生, 他穿了一件紫色tee, 唔sharp都唔得啦 !

之前答應左lvan 他們, 如果有時間, 就會加入參加<奧運問答比賽>. 當日是有小學, 中校及公開賽, 我們(我, 孖寶, joyce)是公開隊, 時間是1:30pm, 在荃灣悅來坊舉行. 比賽前, 會場有歌舞表演, 我覺得d師奶好勇, 一身民族服裝(有中國少數民族, 日本)出來伴舞, 她們一點也不怕, 自信滿滿的出來. 雖然沒有什麼特別, 但覺得她們好熱心參與社區活動. 當然比賽前我們大家都有一份問題答案件(有200題), 我們個team人尋晚睇過一次. 只是記得一些. 不過我們不是想law 獎, 只在參與, 使隊伍氣氛好d.

未比賽前, 我們坐在觀眾席睇中小學比賽, 原來他們的問題同我們是不同的. 他們主要問北京比賽場地設備, 而我們是過往奧運問題. 到我們上台比賽時, 我有種返了學校的感覺. 可惜時間短, 每個隊伍只是問了5題, 不過我們答中四題, 已經不錯, 用幾個鐘的時間去記一些答案, 突然覺得自己記性不差. 最後我們輸了, 唯有在下面睇決賽, 頒獎, 影大合照約4:00pm我們就離開去深水埗shopping.

joyce沒有同我們去深水埗, 反而有孖寶媽咪, 我覺得孖賽媽咪是個幾in 的人, 衣服一點也不像孖寶, 穿d顏色幾sharp, 有d性感 tim. 從她們對話中, 覺得她思想也開放, 是個活躍之人. 而且支持個女去創業, 幫個女睇貨. 其實她們幾似姊妹! 

今日孖寶, JOYCE同我帶4個青少年去荃灣三棟屋博物館參觀, 我是第一次去的, 原來三棟屋之前是一個姓陳家族所居住的, 他們是客家人. 入面有他們之前的生活用具, 照片, 學舍; 還有荃灣發展的過程等. 最記得是他們小學畢業會考問題, 我睇完覺得幾難, 好似是中學題目, 覺得以前D學生是叻過現在的. 題目有 : 法國大革命, 地理問題, 政府機構, 外國題目等. 另外有電視播影舊時的社區中心, 有什麼表現, 我們的一個男青少年跟住電視我小朋友跳民族舞, 好好笑的.

之後我們去食味千拉麵, 食飽要去行城門水塘睇戰時防空洞, 因為天氣熱, 我們行到滿頭大汗. 去到防空洞就拿電筒行入去, JOYCE叫我們不要亂照, 最好照地下, 因為入面有不少昆蟲, 又有蝙蝠, 而且有我最怕的四腳蛇. 行時我們發現一隻龜, 好怪, 這裡點解有龜, 可能是人們放牠係度; 仲又就是其中一個男發現有人骨頭, 令到我們更驚, 個個大叫, 令氣氛更鬼魅, 我個耳朵覺得很刺, 因為他們D尖叫太勁啦! 其實我懷疑是非法入境者食完D食物骨頭, 不是人骨. 有D 防空洞入唔到, 因為之前下過雨, 有D爛泥, 水, 所以只行了3個就走人下山去.