年三十, 又是去阿映家食團年飯, 因為阿爸每年都是返大陸過年, 如果我們幾姊妹唔同他一齊返去, 我們就會去阿映家食飯, (我同阿映是由細玩到大的朋友, 大家巳經識了20年了, 所以叔叔阿姨都當我是他們的女!) 一坐低開始食飯, 叔叔就講如何整豬手, (為了健康d, 他用了新方法去整) 我一邊食其他菜, 一邊聽, 阿映就叫我快食豬手, 我阿爸咁細心講是叫你快d試下呀! 阿爸知道你喜歡食豬手, 特意為你煮一大煲的, 你一定清了牠! 搞到我有d不好意思 tim! (講真他們一家不好食豬手的, 為了我, 年年都煮一大煲, 又整一條大魚我食, 真是辛苦叔叔了! 果然是二四孝阿爸!) 巡例阿姨又是叫我快帶個男友上去食飯, 俾她睇睇. 當然我又是答努力中, 哈哈……

軒軒約我去睇 <游龍戲鳳>, 原本唔多想睇, 因為一是港產片, 二是價錢貴, 但睇完後覺得幾好睇, 比我預期好很多. 這是喜劇, 好岩新年同情人節睇, 我由頭睇到尾都好開心, 好好笑, 好SWEET, 它可以俾大家回憶返拍拖時的感覺, 甜蜜, 睇完真是心花恕放. 除了這些外, 它也帶出其他MESSAGE, 令人好好思索一下. 感情是2個人的事定是大家親朋好友的事呢? 幸福同面子哪個對你重要呢? 大家對另一半有信心嗎? 未睇的朋友不妨去睇睇, 最好同情人睇啦~

今晚約了PAL d 同事同雞仔慶祝生日, 我們去了風月堂, 入面d裝修唔錯, 是我喜歡的白色. (之前想去食好來架啦, 但覺得貴, 少人去好似唔抵, 所以一直無去試食.) 充首先睇餐牌, d 甜品好正呀~ 有好多款式, 唔野食也一定要試下. 差不多人齊就開始叫野食, 我們9人叫了2個pizza, 一飯一意粉, 一碟小食, 一個沙律, 食完我們都唔覺飽, 不過我們想每人一個甜品, 所以沒有再叫其他. 不要睇少個甜品, 好大的. 食到我們個個都好飽, 除了雞仔(但他出名是大食精, 唔飽是正常.)

昨日睇報紙知道7-11有海星bb買, 好可愛呀 ! 所以放工就去了尖沙咀7-11問, 點知個d店員唔知我想要什麼, 最後他們叫我打熱線電話問下, 好失望呀, 點解身為員工都唔知公司有這海洋生物買! 睇報紙說, 每個樽會有一隻海星bb, 有一包營養液, 海草, 沙石, 壽命2年, 養得好仲會分裂多一隻bb tim. 我好想養呀 !

今日出街去了屋企間7-11問, 好開心呀, 他們有1盒海星bb買, $100一盒, 不過我銀包無錢, 唯有law完錢才買啦! 出了7-11後, 一直想, 會唔會好易死呢 ? 飼養複唔複雜呢 ? $100一盒貴唔貴呢 ? 愈想愈多問題, 最後沒有買, 上網查下資料先決定買唔買.

上網睇, 原來都好多人知道7-11有海星bb買, 有d就說好易養, 仲可以1變幾隻tim, 但有d養了一, 二日就死左啦, 正負回應都有, 點好呢 ? 買定唔買呢 ? 我好想養呀 ! 但我又驚養死wor, 之前我養過幾次金魚, 都好快死晒! 海星應該難養過金魚瓜, 所以更要考慮! 之前我去旺角睇金魚, 見到d金魚仔, 我好有衝動想買回家, 但俾我阿妹潑冷水, 話我養唔掂, 只會害死d魚, 又有腥味, 唔好! 所以無買到. 想想下都係去旺角睇下有無海星bb買先, 生命力應該強過7-11個d 瓜 !

原本對這輯戲沒有興趣睇的, 但各朋友都一致讚它好睇, 子丹演出很好, 除了功夫之外, 也有些搞笑位, 終吸引我去睇. 今晚約了阿秋一齊睇, 阿秋都唔明點解我會選這輯戲, 她是什麼戲也不知, 只知道我想睇, 就陪我睇, 多謝秋秋, 好彩睇完, 她也讚好睇. 她說從來對功夫片沒興趣, 但這輯好精彩, 而且沒有悶場. 我也覺得, 尤其是開頭好好笑, 覺得他一家人有D似愛登士家庭, 而葉問也對家人很好, 當挑戰者上他家挑戰時, 他會問老婆意見, 他人話他怕老婆, 笑他時, 他不介意, 他說不是怕老婆, 是尊重老婆. 說得真好, 難怪老婆說只要同他和仔一齊就幸福了. 其後見他打得咁勁, 自己變得好緊張. 到他教工人練功時, 我也想加入, 學下幾招自保, 不錯! 未睇的朋友, 不妨去睇下, 好睇之餘也很有意思的.