| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2009 年 5 月 30 日 星期六  |
單車一日遊  |
分類: 未分類 |
上次同朋友去大美督踏單車, 只一小時真唔夠喉. 今次是舊同事搞的, 尋晚我們個個都擔心去唔到玩, 因為天氣好唔穩定, 又下雨, 真唔知天日是如何. 好彩起身時, 天氣算可以, 所以我們就照舊去玩. 我們12:00係大圍出發, 一直去到大美督, 天氣不知幾好, 太陽又猛, 好彩我們決定去, 否則浪費了一日好天氣. 我們足足踏了6小時, 當然都會間唔中休息下啦~之後我們又係去紅樹林bbq食餐飽, 今日真好滿足~ yeah~
|
2009 年 5 月 29 日 星期五  |
| 朋友聚舊 |
分類: 未分類 |
好久沒有同朋友一齊聚會傾計啦~ 今日約了秋秋, 阿映上姚姚新家傾計. 我們放了工即食飯先, 今日是巾幗梟雄大結局, 當然要睇啦! 睇完後, 大家才傾計一直傾到11:30, 其實大家都想再傾的, 但時間唔得, 大家要回家去, 所以下次大家再傾過. he..he...
之前買了一公升甜忌廉, 開了封要一星期用晒, 所以不斷整蛋糕, 整到我有少少煩, 間唔中整是享受, 但一星期整幾個, 味道款式差不多, 開始悶了. 我問過阿明, 原來可以分幾個合裝甜忌廉放入冰隔, 到用時才law出來. 下次我就唔晒整得咁密lu~
   
|
| 2009 年 5 月 28 日 星期四 |
| 有糉食~ |
分類: 未分類 |
今年有朋友媽咪包糉, 好開心呀! 有幾年無食過這些糉了. 通常阿爸都是出面買的, 材料一般, 而且是肥肉tim, 所以比自己包差. 其實我好想食姚姚媽咪包的糉, 因為有好多料, 又係自己喜歡食tim, 味道也很好, 每次一講起我都好想食, 好懷念呀! 可惜伯母身體唔好又要照顧bb, 所以沒有得食. 今年有2款糉, 一是咸肉糉, 一是蝦米豆糉, 細細隻, 味道又好, 只是咸肉糉咸左少少. 唔知出年有無得食呢 ? |
| 2009 年 5 月 16 日 星期六 |
| 踏彈車 |
分類: 未分類 |
今次活動是我PLAN的, 首先大家去食LUNCH, 之後去大埔鐵路博物館, 第三站去大美督, 踏彈車, 放風箏同BBQ. 我們先去椰林閣食LUNCH, 個意粉多但海鮮超少, 唔好食GER. 我忘記了下一站是去大埔鐵路博物館, 竟說我們搭車去大美督, 好彩朋友即糾正我, 話我搞錯, 早上仲講過, 現在唔記得, 唉..你點挨到老! (哈哈…我都服了自己, 自己plan的活動都可以忘記)
我們行去大埔鐵路博物館, 人不多, 幾舒服, 可惜有d唔准人攀爬, 我們只可以挨近它影相. 再行入去, 見有幾隊攝影師拍照緊, 一隊是一對新人, 一隊是卡通人物造型, 一隊就是帶模型公仔去影等. 我們影完都已經差不多4:30啦, 等埋另外d朋友就一齊入去大美督, 去到即租彈車玩, 因為bbq是7:00, 同有d朋友6:30要走, 所以我們只是玩個半鐘, 輕輕鬆鬆踩去水壩. 今日天氣唔錯, 藍天白雲, 水壩又平靜, 輕風吹來慢慢踩, 幾寫意! 去到盡頭, 休息加影下相. 我帶了風箏, 所以回程時, 我們一邊踩彈車, 一邊放, 雖然唔高但都飛得好穩當, 有時間真要好好放它出去高飛!
回程交還彈車, 送2個朋友走後, 我們一行4個女仔行去大美督紅樹林bbq. 途中見個天幾靚, 即拿相機出來影下, 咁又搞了15分鐘. 我們到達bbq埸剛好7:00, 座位是對住大電視螢幕, $88包2支飲品, 2包炭, 任食. 味道唔錯, 雞翼有4種味 (南乳, 咖哩, 麻辣等) 番薯, 粟米好甜, 墨魚丸好味, 我們由7:00燒到10:30, 都只是用了1包炭多少少, 相比抵食過燒烤王, 車站又近我們, 所以我們都好快可以搭車回家.
|
| 2009 年 5 月 14 日 星期四 |
| 牛仔舞 |
分類: 未分類 |
最尾2堂跳舞是教牛仔舞同CHA CHA, MISS 初教我們時, (人數愈來愈少, 初由十幾人到現在只得6人) 我們仍可以應付, 之後MISS慢慢加入轉圈, 2人拍住跳時就唔同晒啦, 跟得比較吃力, 而且2人也要合拍, 否則仲難跟! 過了半小時, MISS邀請了她其中一個學社交舞的男學員回來, 拍住MISS表演我們睇同一齊指導我們. 最後我仍沒有什麼長進到, 因為真好難, 尤其是轉圈, 轉了唔記得邊隻腳做動作先, 即使記得也慢一拍, 轉得多人又暈. 想跳得好, 一定要下苦功! 期待下次跳CHA CHA. |
« | 8 | 9 | 10 | 11 | 12 | 13 | 14 | 15 | 16 | 17 | ... | 48 | »
|
