睇完這篇文章，我好驚，好失望，因為根據這文章，我是個不可愛的人．講真單身男女儘管唔講出口，或唔要另一半，單身幾好，但他們是很想很想擁有合適的伴侶，包括我自己，但經常失望，找個岩的人，真是好難的．而且仲要大家都喜歡大家ｔｉｍ！你問我驚唔驚做老姑婆，坦白講是驚的，即使現在有了也可能享受不到幾年２人世界，就要ｐｌａｎ下生ｂｂ，萬一到了３０幾先有另一半，睇來會行得好快，可能ｍｉｓｓｉｎｇ一些拍拖的快樂溫馨時間，又要做高年產婦，也可能生唔到．仲死就是結婚未必是２人的事，男方家長親戚也會影響你們感情，即使男唔介意，家人俾壓力也會改變他的思想．所以有又驚，無又驚，好煩惱！！！！

好，講返這篇文章，它說不是十全十美的人才找到伴侶，好多時大家也見過一靚一醜的情侶，而且相處融合快樂，反而條件不錯的男女找不到另一半．點解呢？就是他們不可愛，所以沒人愛．可愛是一種個性，見面時吸引人，分開後讓人記住且回味．所謂個性，就是有一點與眾不同且是真實自我表露．一聽真是晴天霹靂，照咁說，我一世也找不到啦！我沒有什麼個性，是無主見之人，最多是表現是自然的．難怪我吸引唔到人，現在仍是單身．講真，很久之前我也知我是個沒有吸引力的人，普普通通，又無個性，做朋友可以，做情人就．．．．但難道真實個性是這樣，就一定找不到嗎？！如果係咁，不如放棄，將精力時間放在自己未來，事業上仲好過．都咁多年，有時真想放棄，唔想這些，一心一意計劃將來年老時的生活．現在記得有年去黃大仙求簽，個相士說：”唔好再咁簡擇，否則都唔知要等到幾時了！”我不是簡擇呀，我只想找個岩自己，錫自己ｇｅｒ人，此終是一生伴侶，有少少要求都得瓜！有朋友說你緣份未到，到了擋也擋不住．可能係啦，但無人知！又或是我不懂與人相處，不懂表達，尤其是對異性．

就快在這間公司工作一年了，工作不過不失，只是間唔中會出錯，做野唔多專心咁．現在工作開始多了，更沒有時間做私人野，而且要更專心，因為多左特別事件出現．雖然有ｄ做錯，但都好ｇｅｒ，當是一個學習機會，下次再遇到也知道點做．現在做野要更小心，更要用腦，唔想人到３０仲係好似初出來工作．可能要開始進修下，　ｕｐｇｒａｃｅ自己的時間了．

今個月手機就開始" 胂胂" 地, 朋友打電話來時就會自己熄機, 我打電話出去就免強可以, 明明是有電的, 但唔知點解會咁. 一熄機, 我會重開, 但行到一半就又熄了. 都唔知是舊電池問題定手機有毛病?

今日我約了朋友食飯, 已經特登叉滿電了, 只講了一二個電話咋, 我朋友打來時唔方便接聽就說一會兒打電話俾她, 點知我想打電話俾她時, 個死人機就死了. 我個心開始咒它 : 死人機, 搞錯, 死也等我講我係邊先死啦! 現在點算好呢! 真想打爛它! 

之前同她提過想食泰國菜, 希望她會係泰國餐廳找我啦, 我就係餐廳門口等了15分鐘仍未見人, 心急死人了, 點好? 隔離是豐澤, 好唔好問下d職員借電話打返屋企, 叫阿妹幫手打電話俾我個fd呢 ? (我唔記得她電話號碼=.=) 定借叉電器叉叉電呢 ? 心是這樣想但無面走入去問, 真是好"魚" 的. 後面有間百佳, 可能入面會有電話借來打的, (因幾年前, 我見過入面是有個固網電話的) 我行了入去, 問職員有無電話, 我真唔好彩, 她說: oh, 停左好來lu wow. 咁就死啦!! 唯有去7-11 或電話停叉電或打電話, 我走去下一層, 行去水版問顧客服務員, 問完就想走多下一層時, 我個fd見到我, 即捉住我大叫: 你去了邊呀, 擔心死人咩 !  call你幾次又唔通, 之前收到你call, 接通了又無人出聲, 之後仲cut埋tim, 找你找得真苦, 之前你說你係洗手間, 出來打電話我, 等來等去等唔到, 擔心你出了事, 即打電話你阿妹, 你阿妹說是通的, 咁我覺得奇, 莫非是我手機有問題 ? 點知你阿妹說只是通了, 但也一樣沒人聽, 我聽完超無奈呀！好彩現在見到你, 老人家人血少, 唔好再咁玩我啦！你快快買一部電話, 我唔想再來一次！”

這樣是我們見面前的小插曲了, 最後沒有去食泰國菜, 得２個人食得唔多, 價錢又貴, 最後我們去了食小窩米線．

其實好多朋友已經叫我快換架啦, 他們說你玩自閉都唔駛咁, 找你好苦的！再這樣, 你真是無朋友架．大家放心, 月底我會出電話架啦！ｓｏｒｒｙ！現在大家再忍多一忍先呀．

今日一早7:00起身梳洗(仲早過返工) , 7:30搭車出發去中環, join埋朋友之後再搭車去赤柱 (路途遙遠) , 我們在卜國公園搭10:00船, 但我們9:30到了赤柱, 當然去食個早餐先啦, 費時去到蒲台島, 什麼也無得食, 咁就死啦! 去搵食前先一定要去洗手間, 但我又犯了縮減詞語毛病, 我同他們說: “ 去厠所 , 搵野食!” 他們一聽即大笑說: “ 好! 你自己去啦~, 我們自己搞掂~” 最慘就是剛好一個阿伯經過, 他也笑我, 真是一早就有大笑話笑了. (他們每次經過厠所都會想起我這句話, 又會笑我一餐) 我們係M記充完電後, 急急腳去碼頭搭船, 點知又見到個個阿伯同他的朋友下棋, 他大大聲問我們去完厠所未, 食飽快上船, 搭唔到就要等到11:30架啦! 當然他們又係度笑我.

你們睇到個標題, 一定會話 : e..德德你都會工作忙架咩 !? 好難得wow ! 忙什麼呀 ? 是否全是你掛住做自己野, 所以忙 ?

我可以答我真是忙於工作, 當然可能沒有你們咁忙, 但對於我來說, 是忙架啦~ 忙到我無聽電台, 無做自己野, 去洗手間都少左tim. 忙都好ger, 代表公司不錯, 我不會被人炒呀嘛! 近2星期d單多左, 開始同上年差不多了, 只是現在煩些, 因為美國個邊有條規條, 要求產品是無害, 沒有用他們禁止用的原料, 又要提供檢查報告, 所以工作多左.