| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2009 年 5 月 10 日 星期日  |
下廚  |
分類: 未分類 |
今日是母親節, 原本沒什麼準備的, 而且我plan了全日整理打掃屋企. 但因一個朋友尋晚叫我親自下廚煮一餐飯俾阿爸食, 感謝他一路的照顧! 我開始想想, 都不錯呀, 我都好久好久無煮野食law, 而且是煮俾屋企人食tim. 好啦~ 搞掂屋企就出去買菜!
一早起身, 先打掃屋企, 真是好dirty, 太來無抹野啦, d塵幾厚, 幾筒水都係黑色的, 睇來要勤力d, 密d打掃先得. 之後整理衣櫃 (通常幾個月就會亂) , 完成後也下午5:00了. 即換衫同阿妹一齊去街市買菜, 我心中是想整鹹檸檬蒸烏頭, 蒜蓉煎雞扒, 茨菜豆腐滾瘦肉, 屋企有苦瓜, 就整豆豉炒苦瓜瘦肉. 買齊材料就回家洗野, 剛好6:30搞掂晒, 而且滾埋湯tim, 我覺得自己好勁! he..he…(大家不要駁我, 俾我讚下自己啦~ 當然阿妹都幫了一手) 開飯啦, 張台有4個菜, 味道剛好不錯, 好開心, 見大家食得好飽, 更開心, 更滿足! (阿爸因年紀大, 所以通常都係斬料, 經常煮一種魚, 一種菜, 食到人都悶, 不過我明白ger, 所以不會太埋怨, 有人煮野你食算好架啦! )
經過這次之後, 我會親自煮多d飯俾屋企人食, 因為我覺得幾好玩, 好食時, 好有滿足感, 可惜屋企人唔食海鮮, 否則食材選擇仲多.
|
| 2009 年 5 月 8 日 星期五 |
| 朋友新居入伙 |
分類: 未分類 |
姚姚的新居終於搞掂啦, 今天約了幾位朋友上她家參觀同食飯. 雖然地方比之前細好多, 但是我最喜歡的一間, 最有家感覺的一間. 首先白色為主已經岩我品味, 裝修簡單, 家俱不多, 又係細細件tim, (岩d懶人, 唔駛打掃咁辛苦! 所以I like it !) 我也喜歡她的衣櫃, 儲存櫃, 可放東西之外又美觀, 最特別的是雪櫃也在櫃入面. 因為採用無窗框的窗門, 視野很好, 可以睇晒出面d風景, 我想陽光也足夠的, 感覺好舒服開朗. 地方雖細, 仍可招待幾位朋友上來食飯, 玩, 傾計, 所以我們會繼續去她家打擾, he..he.., 我也想有一間好似這樣的家, 麻雀雖小, 五臟六腑俱全, 而且單獨時更正, 舒服自由, 自己一個小天地! (無錯, 同住同企人只有2位, 阿爸又可能會遲d返鄉下休養, 到時只得我同阿妹2人, 如果阿妹嫁埋就得我一個, 其實也可以叫做自己家, 但感覺唔同, 自己名下一間屋是不同的, 我有想過搬出去, 自己一個住, 喜歡如何就如何 ! 但無錢! 另外家也殘舊了, 好想自己設計裝修間屋, 可能裝修完我會更愛它, 不過裝修一間dream home好貴, 現在無錢負擔唔起!) 唔知幾時先有一間屬於自己的家呢? 我也想好似阿映咁申請公屋, 但無資格, 高唔起, 低唔受, 都幾慘的, 真是要靠自己一分一毫儲蓄.
姚姚多謝你煮飯我們食呀~ 好好味, 好久無食你煮ger 飯lu ~只是有2個菜比較鹹左. |
| 2009 年 5 月 3 日 星期日 |
| 搶包山 |
分類: 未分類 |
星期六同一班朋友同同事一齊入長洲睇飄色和搶包山. 我們約早上10:30係中環碼頭等, 雖然有豬流感, 但無阻一班想睇之人, 人雖多, 但人流安排也不錯, 好快我們就上到船LU~ 我們坐快船, 半小時到達, 我們先在街上逛一逛, 因為飄色下午2:00-2:30才開始, 而我們租的渡假屋最快也要1:00才可CHECK IN. 我們在街上見到好多精品, 衣物, 全部都是有平安包的圖案, 除了這些, 當然唔少得平安包啦, 有豆沙, 蓮蓉, 白芝麻餡, 最勁俾我見到有奶皇味. (我沒有買, 因為離開時才見到, 我同秋秋買了芝麻餡, 一人一半試下先, 走時才買多幾個回家) 味道沒什麼特別, 好普通的一個包.
當日長洲好熱鬧, 似逛緊花市, 哈哈…又多野食, 我們個個感覺好似不在香港, 去了台灣. 我記得讀書時去過長洲, 當時是沒有這麼多商店, 食店的. 唔知是因為節慶定現在平時都係咁呢? 下次普通日子去玩返2日先. 我們間渡假屋係東堤灣, 好近沙灘, 屋入面比我想像差D, 只得一張雙人床, 一張免強可以訓到2人的梳化床 (我們5人住, 唯有男訓地下啦~) 雪櫃唔凍, 地方2百呎多, 租金$800, 比平日貴. 不過都只是留一晚, 而且太部份時間也不在, 所以我們都可以忍受.
到睇飄色時間啦~太陽好猛, 人又多, 我們女仔(男高大, 相機又大) 唯有係他人後面睇, 我們睇了一陣, 頂唔順, 唯有轉去另一地方睇 (舒服好多), 大家主要都係想睇小朋友造型, 但等了好久才有, 而且小朋友都辛苦, 初時見他們都有表情, 開心同觀賞者揮手, 之後就個個木無表情. 好笑是有一架車只得衣鞋, 不見小朋友, 我們說E…小朋友去了邊呀 ? 點知有位抱住小朋友的媽咪對我們說, 小朋友係度訓緊覺LOR, 搞到我們大笑一餐. 睇完飄色後, 我們去找野食的時間了, 但找了一段時間, 因為好多人, 間間都滿座, 原本入了一間茶餐廳, 個老闆竟同我們說, 沒有材料啦, 你們可以去其他地方揾食, 咁勁! 不過明知今日一定多人, 為什麼不入多些材料呢? 我們唯有去另一間似大排檔地方食小菜. 味道不錯, 不太油, 調味適中. 食飽飽就四周圍逛, 買些精品等. 有些朋友買完野就排隊搭船走人了.
逛了幾小時, 大家累了就回渡假屋休息下, 等零晨12:00睇搶包山, 我們沒有排隊LAW飛, 所以只得係球場出面睇. 因為地方大, 我們距離主台又遠, 聽不清楚司儀說什麼, 只大約估計他說什麼. 快開始時, 我見每間屋都企滿人, 有些無位竟大膽企出露台或屋簷睇表演, 他們一點安全意識都無, 一不小心就慘了. 首先是舞獅表演, 舞獅師傅好勁, 他們在一支柱上做不同動作, 加上360轉TIM, 睇到我們個個為他們喝采, 真是好功夫! 之後介紹參賽者出場, 他們熱身後就開始搶包山了, 他們一開始好努力的爬上最頂搶包 (包愈高愈高分的) , 之後快快的向下移動, 在有限時間內搶多些包同落地. 如果過了時間也未落地, 就出局, 得不償失. 現場睇氣氛感覺比電視好很多, 你會聽到大家叫加油, 當參賽者失手時, 大家會緊張的叫, 包括我在內. 比賽結束後, 包山放花火, 代表節目完結了.
睇完我們就去食宵夜, 未出大路時, 我們俾些東西吸引, 首先是見一位阿叔係度整糖, 我們初時以為他是整糖公仔, 原來他是用糖整小朋友吹波波的玩具, 你可以用它來吹出個波, 而且是食得TIM. 他的檔位吸引好多人去睇同影相, 尤其是青年, 好奇的買一個玩. 之後再行, 我們見包店通宵整平安包, 當然我們又註足睇啦, 同平安包影相. 我們見廚房主要都係男, 他們努力猜粉, 包餡整平安包. 之後一大車放入蒸爐蒸. 熟後見師傅好快的同包包吸平安印. 在這些地方用了不少時間, 之後去買宵夜回渡假屋食. 食完沖埋涼也半夜4點了. 大家一邊聽鬼故一邊訓, 不知不覺就訓了.
早上9:00開始派包山上面的平安包, 原本大家為了可以LAW到幾個回家保平安的, 想7:30起身排隊, 但大家真是累了, 我們遲了起身, 大約9:00才去到排隊. 排隊LAW包的主要都是上一輩人, 而且大家是自備袋的. 好彩我們身上也有2個, 但唔夠大, 都好過無GER. 我們排隊時, 大家分開左, 相隔2個人到, 點知D阿婆襯警察, 他人睇唔到, 竟插我們隊, 最後我們相隔6人才可LAW到D包包=.= , 如果不是見她們年紀大, 我們一定話她們的. (我覺得這些婆婆唔尊重D神, 她們應該誠實的去排隊) 我們LAW到後, 一位朋友竟被一間唔知是報館定問卷調查的人捉了去訪問, 他問你們咁YOUNG, 點解會一早來排隊LAW包? 又問感覺如何? LAW到D包後, 會如何處理 ? 會唔會食? 等等問題. 訪問完後, 一對夫妻見我們LAW D 包包咁辛苦, 好心的俾了2個袋我們, 仲影了一張相TIM ~ 之後我們回渡假屋整理行裝才出過來食早餐. 約1:00搭船回家去也.
|
| 2009 年 4 月 24 日 星期五 |
精靈  |
分類: 未分類 |
芊芊現在6個月了, 愈大愈精靈, 好玩好多了, 唔似之前咁沒什麼表情, 只會眼定定望你, 過一段時間就哭 (現在有時仍會望望下哭的, 每次想起都傷心, 不過如果你對住她笑, 她會笑, 甚至流口水TIM) 對眼大又圓, 似足媽咪. 她可以企係度啦, 而且直又穩, 睇來她下身發達, 不過上身仍是不太穩. 頭髮不再向上企了, 開始順下, 女仔左! 真是可愛! 有時好想吞她落肚 (好恐怖!!!) 當然她不扭計, 不哭時真是可愛, 她哭時都不知她想點, 搞她唔掂. 昨晚阿妹一家回家食飯, 我見阿爸活潑左, 食完飯就去抱BB, 同她說話又同她玩, 不過無幾來, 芊芊扭計哭要飲奶, 見阿爸哭得更勁, 都唔知係唔係少見, 怕生人呢?
講真見阿爸見到芊芊咁開心, 我都覺得好開心, 老人家果然喜歡BB, 我們回鄉時, 我也見阿爸經常同D侄仔玩, 人開朗左不少. 其實阿爸是個孤單人, 他朋友少, 又唔出去參加社區活動, 有時我們去本地一日遊, 叫他去, 他又唔去, 身邊又沒有個伴同他過埋下半身, 女大女世界, 又有自己個家, 根本差不多是自己一人生活, 想起我心酸. 阿爸回鄉會開心過係香港, 他可以同親戚談天說地, 打麻雀, 同小朋友玩, 不過他唔放心我們, 尤其是細細阿妹, (我想除非細細阿妹結埋婚啦 ~)所以我經常叫阿妹一有空回來多些, 等阿爸見芊芊多D, 開心D.
|
2009 年 4 月 20 日 星期一  |
| 全民運動 |
分類: 未分類 |
今日好變態, 一起身去梳洗時, 眼見牙刷但不是LAW來刷牙, 反而用洗面奶洗面先(正常是刷牙, 洗面), 之後就去了換衫返工. 上了車後, 想想下, 好似有D野未做的, 再深想下, 竟是沒有刷牙, 真是驚訝不已, 覺得自己好有問題, 明明望見牙刷也不刷牙. 都不知是否因為饑饉三十沒有刷牙巳成習慣, 定是太累, 大腦未WORKING呢 ? (尋晚8:30完了活動, 同朋友食完野, 回到家也11:00, 再梳洗完到12:30訓覺)
之前JOIN了舒適堡做運動, 有朋友帶我去尖沙咀玩, 我們約7:00到, 一入去真是人山人海, D機每隔一步就有, 你可以見到每部機都有人玩, 個個同一動作, 望過去真忍唔住笑, 心想幾時香港人變得咁積極做運動 ?! 地方算大, 機也多, 但人也多呢, 如果要做, 需要等一等才可以到你玩. (等約10分鐘) 我朋友說上次來也不是咁多人, 現在就真多好多, 睇來個宣傳真是有效. 我也算好彩, 只等5分鐘等就可以玩機, 而且沖涼也不用等, 可能我們早去, 星期三要再早D去先得! |
« | 9 | 10 | 11 | 12 | 13 | 14 | 15 | 16 | 17 | 18 | ... | 48 | »
|
