我一直KEEP住直頭髮, 開始覺得悶, 想變變, 而且頭頂D頭髮也變晒形, 唔直LU (我天生有D曲) , 其實我唔想再整負理子直髮的, 因為整了7年, 擔心再下去, 會脫光D頭髮(甩頭髮多了), 變成要去加入增髮人士, 不過又忍受唔到上下鴛鴦, 好難睇的! 既然要整, 不如轉形啦, 一來無咁悶, 二來曲髮無咁傷, 所以我同阿妹2個BOOK了朋友介紹的尖沙咀SALON去整頭髮. 為了整得快D, 我先去整, 我由一點開始坐到5:30, 阿妹2:30開始整到7:00, 我足足坐了6個鐘 (只是剪, 電咋, 都未計染, 焗油, 當然我唔做後2 PART 啦, 否則…你們知啦…好辛苦的) 雖然是坐得辛苦, 價錢貴D, 但我們都滿意個頭髮, 開開心心去食晚飯, 順手去SHOPPING !

今日如常上班工作, 當我洗手時, 其他公司的女性也在化妝, 突然有一位問我是否讀祟真 , 我好奇的說是呀! E..莫非你又係 !? (心想不是瓜?! 大家見了這麼久才知道原來大家同一個母校 ! 而且我好似未見過她) 她說是, 我讀到中五就走左, 我覺得你好面善, 所以問下LAW. 我又問她是不是同級, 她說是, 讀A班的, (OH NO! 對她真是一點印象都無, 反而她仲認到我, 可想而知我這麼多年, 是沒有什麼點變, 咁易俾人認到. 睇來我唔可以作奸犯科, 否則一定死更! ) 她離開母校後都無回過去, 一年一次聚會都無去到, 最多是從D朋友口中得知學校一些事情.

昨日下午食飯時間, 隔離部門同事找FEI FEI, 要她幫手處理私人事. 點知講講下, FEI FEI問這位同事有無女仔介紹給她的朋友, 因為這位同事親屬多又識好多人, 所以問她. 我當然厚面皮順手問下有無男仔介紹埋啦, 她有D意外, 因為她估我應該有男朋友, 仲叫我早D講, 她有D親屬介紹, 但現在沒有了, 不過現在也會幫我留意下. 我就同她講, 這些如何講呀! 一我同她唔熟, 二是無端端問她, 好尷尬 ! 我們3個女人一開了心窗就不斷講, 講, 她又提意我去D行山團這些活動去擴濶圈子, 又說重要是要踏出第一步, 不要怕, 因為你唔行出第一步, 就真是一點機會都沒有, 沒有人知道未來是如何的, 所以努力呀 ! 也是, 如果我不說要她介紹男仔, 她也不會知道, 我們關係又不會親左, 了解左對方!

因同事生日, 我特意昨日整意大利咖啡芝士蛋糕 (他喜歡咖啡), 希望他們喜歡啦. 生日個位同事知道我整了蛋糕, 他的樣子有D不好意思, 怕怕羞羞, 好搞笑的. 他們覺得個蛋糕幾靚, 味道唔錯, 咖啡味不太濃, 剛好適中, 而且也好滑. 我聽完當然開心啦, 這款CAKE是我第一次整, 我自己食也滿意, 如果多些NUTS, 多多一層海棉蛋糕就最好. 所以我下次會迎放大粒又多NUTS落蛋糕上, 這樣口感應該更好! 下星期我會整藍莓芝士CAKE (又有同事生日) 同天使CAKE (自己食) , 哈哈…..

今日我, 阿映, 軒軒去元朗GREEN BOX唱K- LUNCH, 現在唱K, 什何時段都有7折, 如果包一餐, 時間又長, 真是好抵! 所以我們去唱K, 點知我們12:00開始唱, 2:30就CUT了, 只唱了2個半鐘 (最唔開心的是我剛點了D想唱的歌!) 我覺得是平了, 但質量差左. 我寜願唱歌時間長, 人家選擇唱K都是想唱歌, 而且價錢又不是平好多WOW. 所以現在好多東西都減價吸引人去消費, 但我懷疑他們可能定原價高D, 再俾折頭你, 等你覺得買到平野. 又或者是品質, 質量差D等, 一點也不抵!