呢幾日仍煲碟, 晚晚一二點訓, 真唔想咁早起身. 不過昨晚阿姨突然打電話來, 話她由大陸來了香港, 想約一齊明天(星期六)去將軍奧探姨媽, 姑媽. 所以我同阿妹一早起身搭車去寶琳站join埋她們, 約11:00去到姨媽家. 因姨媽行動不便, 所以我們沒有去飲茶, 只是在家傾計, 食野, (食零食都食到飽). 約1:00離開準備去下一站. 原本打算唔食飯去姑媽家, 但阿姨不是同路, 她去探另一個親戚, 所以叫我們一齊食飯先分開, 所以飽了仍去食飯, 同阿妹share.

初四返工了, 但好無聊, 大陸d廠未開工, 放假前又做晒d工作, 所以這2日沒有什麼工作做. 我們個個都是做自己野, 如有d睇報紙, 有d聽歌, 有d睇碟(用ipod), 有d傾計, 但個個都是靜雞雞進行, 不敢太招搖. 其實新年後, 工作量比之前少左, 如果阿head唔返來, 我們更大膽, 遲到準時走, 做下自己野, 但幾辛苦, 要收收埋埋, 好似做小偷咁, 我寧願有野做了.

呢幾日放假, 最岩睇碟, 之前問了朋友借韓劇 <快刀洪吉童> , 動畫片 <DMC> , 2輯都好好笑, 好好睇. 所以呢幾日我同阿妹都好夜訓, 晚晚都睇2-3點, 如果不是明天要返工, 我一定會再睇晚d. 一放假, 時間開始亂, 日夜癲倒, 一點也不健康! 不過又好開心wow ! 真是犯賤!

原本初二是行山的, 但因天氣不太好, 除消了. 所以我同阿妹留在家打掃厨房, 直至阿映打電話來, 問我去唔去bbq, 我當然去啦, 因為我喜歡bbq. 我們想去元朗西鐵站個間, 為了安全, 我打電話問營業未, 原來他們要初五先開, 我即打電話俾阿映同她講, 搞了一段時間, 我們決定去屯門市中心食漢陽苑, 約了小豐, 軒軒一齊去. 價錢要$128, 未加一, 好似貴左. 我巳有一年多無去食了, 最吸引我的仍是冬陰公, 其他一般. 即使燒個d, 味道也好似一樣, 可能他們用同一味醬汁整, 燒時又沾到, 所以個個味道一樣, 不及2支叉去燒好味, 阿妹也認同我. 去了今次, 下次要幾年才去了. 其實唔明點解, 漢陽苑是食韓國食物的, 但入面什麼食物都有, 反而韓國食物好少, 真奇怪!

年初一同阿映一家飲茶, 他們好關心我棵桃花, 問她如何? 開得靚唔靚 ? 放在哪 ? 然後阿映說她年29發夢, 夢見我同一位高高瘦瘦, 樣子普通的男子拍拖, 說我今年好大機會有個男朋友. 我即說, 是高高瘦瘦 ?! 同我發個夢一樣wow, 我是約上星期發的. 唔知是否真呢? 但都係不要期望這麼高, 否則失望愈大, 都是用平常心, 好d!