今個月有朋友生日, 我想整個芝士蛋糕給他們食, 所以做完gym後, 約3:30去到紅草莓買材料. 估唔到一去竟留到5:00才可以走人. 令到我原先個plan亂晒! 不是那裹大, 也不是我左選右選, 麻煩, 而是老闆娘問題.  我入到去時, 只見一對姊妹買野, 老板娘細心講解d材料同用具. 我就選購自己要的材料. 之後不久又有一對母女入來, 又有整cake問題, 老板娘當然又講解下. 那對姊妹俾錢時, (我也排緊隊) 見到有打蛋器買, 要一個. 老板娘就取下來test下有無問題. 另一對母女同時又問東問西, 門口又有幾個女仔入來上堂整cake. wow 愈來愈多人, 鋪頭只得老板娘一個, 搞到她一時走去幫對母女, 一時又test緊打蛋器 (順手教如何用), 一時又叫幾個女仔留電話, 姓名. 老板娘計數埋單又慢, 重覆幾次, 用手mark d 客人要了什麼, 多少價錢等. 就這樣我等了差不多一小時才到我埋單.

又咁岩, 我要的芝士唔夠, 老板娘叫我等一陣, 要去廚房準備一些出來 (因為老板娘是買一大塊回來, 將芝士分成細件銷售出去, 所以她要解一陣凍才可以分幾件俾我) 出來後又幫對母女埋單先, 又叫幾個女仔洗手入房, 之後她也入房教班女仔整cake. 只得我一個係出面傻傻的等....等.... (當然我有出聲啦, 之前她幫我埋單時, 我講我趕時間, 可唔可以快d, 老板娘即說, 你是vip, 你可以打電話來訂材料先, 之後你來到就可以即時俾錢law貨走. 個時我好無奈, 如果知道係要等這麼久, 我一早就用了, 而且我也是剛知道有這服務. ) 等了15分鐘, 我忍唔住搞門想問老板娘我的芝士ok未. 她出來睇下芝士, 叫我等多一陣, 之後又入了房. 不久又有人按門鈴, 我開門叫一對母子入來. 我就繼續等到5:00才買齊材料, 急急腳回家即整意大利咖啡蛋糕. 因為今晚要送給朋友, 給個驚喜! 後2日再整慕士藍莓芝士餅.

今日天氣超熱, 最岩去游水, 我唔會放過這好時刻, 當然今日又去游啦~ 首先我同朋友放工後去了旺角逛逛買一些東西, 之後去食個下午茶. 再逛逛就搭車去朋友家游水. 原本我們是想5:30到游水, 點知一逛街就逛到7:30才下水. 今次比上次好好多, 無咁凍. 上次一下水, 凍到我係咁努力咁游, 希望快d暖返. 今次就唔同, 舒服好多.

我們各自咁游, 我借個浮板給我個朋友, 自己就係池邊練習蛙式, 因為自由式太要用力了, 游一兩圈, 累死人! 如果蛙式, 自由式都學識就好啦~ 所以練習下. 點知有個男說 : 蛙式是沒有水花的 ! 我望望四周, 得我是他隔離, 我就說: 你說我游蛙式有水花 !? (自己又唔覺wow ) 他說係, 之後他教我們2個一些技巧 (他是教練來的) , 又說我買錯浮板. 三角細浮板是給小朋友或專練手同呼吸用的. 初哥應該買長方形, 承托力好好多. 不過他睇我游水姿勢是學過游水的, 所以三角細浮板都岩我. 我將三樣野 (手, 腳, 呼吸) 配合好就得, 所以要好好練習這組動作! 我們就是這樣練習到9:30了. 個人也幾累同幾肚餓呀!

今日是我今年的第一次下水, 我去了朋友家的會所游水, 地方幾好, 大又舒服. 游完仲可以焗桑拿. 可惜沒有室內, 如果太曬或下雨就不能游了. 現在除了去做gym外又多了一個運動了, 而且身型可能好d tim, 嘻嘻....因為擔心做gym多會腳粗, 又會傷波羅蓋. 好..我要努力游呀游, 希望今年真是成功學成游水啦~

今日同朋友去仁愛堂BOWLING, 玩2小時. 第一局軒軒好勁, 10次有8次是全中, 他都估唔到自己今次成績咁好, 玩完即影返張相留念. (成績咁好當然要請食下午茶啦~~ 我們講完後, 他成績開始差了, 都唔知是否真是驚請食飯呢? 嘻嘻……)當然我仍是一樣, 進步少少, 也只是總數80-85分左右, 仍未超出100分. 所以我要加倍努力, 進軍100分!!! 但有時太介意打唔打到D樽, 反而成績唔多好, 隨意的就令你驚喜到全中, 真是難測!

我兒：寫這備忘錄給你，基於三個原因：
（一）人生福禍無常，誰也不知可以活多久，有些事情還是早一點說好。

（一）對你不好的人，你不要太介懷，在你一生中，沒有人有義務要對你好，除了我和你媽媽。至於那些對你好的人，你除了要珍惜、感恩外，也請多防備一點，因為，每個人做每件事，總有一個原因，他對你好，未必真的是因為喜歡你，請你必須搞清楚，而不必太快將對方看作真朋友。

（二）沒有人是不可代替，沒有東西是必須擁有。看透了這一點， 將來你身邊的人不再要你，或許失去了世間上最愛的一切時，也應該明白，這並不是甚麼大不了的事。

（三）生命是短暫的，今日你還在浪費著生命，明日會發覺生命已遠離你了。因此，愈早珍惜生命，你享受生命的日子也愈多，與其盼望長壽，倒不如早點享受。

（四）世界上並沒有最愛這回事，愛情只是一種霎時的感覺，而這感覺絕對會隨時日、心境而改變。如果你的所謂最愛離開你，請耐心地等候一下，讓時日慢慢沖洗，讓心靈慢慢沉澱，你的苦就會慢慢淡化。不要過分憧憬愛情的美，不要過分誇大失戀的悲。

（五）雖然，很多成功人士都沒有受過很多教育，但並不等如不用功讀書，就一定可以成功。你學到的知識，就是你擁有的武器。人，可以白手興家，但不可以手無寸鐵，緊記！

（六）我不會要求你供養我下半輩子，同樣地我也不會供養你的下半輩子，當你長大到可以獨立的時候，我的責任已經完結。以後，你要坐巴士還是Benz，吃魚翅還是粉絲，都要自己負責。

（七）你可以要求自己守信，但不能要求別人守信，你可以要求自己對人好，但不能期待人家對你好。你怎樣對人，並不代表人家就會怎樣對你，如果看不透這一點，你只會徒添不必要的煩惱。

（八）我買了十多二十年六合彩，還是一窮二白，連三獎也沒有中，這證明人要發達，還是要努力工作才可以，世界上並沒有免費午餐。

（九）親人只有一次的緣份，無論這輩子我和你會相處多久，也請好好珍惜共聚的時光，下輩子，無論愛與不愛，都不會再見。

      你的爸爸
      梁繼璋