今日一早就出門去玩了. 今次活動是阿may搞的, 我們5個人去又一城睇早場, 一早就睇恐怖片<孤疑>, 這輯戲不錯, 由頭帶到落去, 一d也不悶, 只是有d位免強左. 不過個小女孩演出得很好, 好入戲. 之後我們去食飯, 又一城d餐廳真是幾貴, 一個普通餐也要$100. 去了幾間也覺太貴或位置唔好就無入去, 唯有去溜冰場隔離個間餐廳食.

食飽後等齊其他朋友仔, 就去排隊入溜冰場. 初時我有d驚, 但玩下玩就ok了, 今次好過上年tim, 可以溜到差不多中間地方. 2小時好快就過去了, 之後我們一行人去尖沙咀重慶大廈食<新德里>印度菜. 今次好勁呀, 我們12個人, 可以開一席了.  一睇餐牌, 價錢ok呀, 就叫了好多野食, 烤餅也叫了2種, 一種似薯片, 不過咸左d, 一種就是平時食個隻, 同咖哩汁一齊食最正, 兩種我仍是喜歡第二個隻. 初時以為一個菜好似小曼谷咁ger size, 點知原來是細的. 我們都有叫炒飯, 但唔多好食, 不及香港, 而且隻隻味道差不多, 加d咖哩會好食好多. 因為人多加上細細碟, 有d男仔食唔飽, 唯有再叫d烤餅同其他飯.

講到尾, 可能我對這間期望太高, 食完有d失望, 咖哩ok, 烤餅都可以, 飯同飲品(飲品無特色, 同普通餐廳無什麼分別)就唔得, 小食就一d ok, 一d 就唔得.  炸薯圈

 薯片烤餅 乳酪薯仔 我喜歡的烤餅 其中一款咖哩菜

今日約了舊同事去屯門仁愛堂bowling, 我們好久沒有一齊出來玩了. 雞仔因有事要遲d才到, 所以, 仙地, 我同軒軒, 阿妹玩住先. 今次我的成績好過之前, 第一局時仍有80幾分, 雖然未超過一百, 但都覺得很好了. 到第二局時, 成績更好, 到一半時也有80幾分, 我當然開心啦, 今次有機會攞一百分了. 點知一個小時就這麼快到了, 我們只玩了一局半咋. 激死我啦!!!!! 等都等到我一百分先完, 真是衰! 既然頭一小時完了, 剛好雞仔到了屯門, 我就出去市中心接他同他朋友.

人齊又再開一個鐘, 轉去另一條link, 因保齡球多, 我們唯有攞d球走, 點知雞仔唔小心整親手指, 痛死他, 隻尾指腫到好似香腸咁! 睇見都覺得超痛, 十指痛歸心是對的. 玩完後, 軒軒有事離開, 而我們就去元朗食晚飯. 姚姚經常說元朗好多野食, 即打電話俾她, 問她邊間好. 打了才記得她無電, 找唔到她. 咁唯有去他們識得的olive 食飯.

西鐵尖東線開了, 我8月尾出了糧即買張全月通用, 到時返工平d. 頭一日早d搭車, 因唔熟時間同環境, 而且又係開學日, 早d安全. 7:55搭輕鐵, 都不是太迫, 幾好, 5mins就到 兆 康, 估唔到咁快. 到月台即有西鐵, 都幾好, 30mins 就到柯士甸了, 仲有時15mins時間買早餐食tim! 全路時間同巴士差不多, 比較巴士, 西鐵優點是平, 唔會塞車, 又準時, 可惜無位坐, 同訓覺. 唯有企係度睇書啦! 以後可以同搭巴士時間出門, 即8:05分, 時間剛好回到公司, 仲早5mins tim. 真好~

個心已經無左當時的熱情,  日日或隔日都打日記, 現在懶左好多了. 呢半個月都沒有什麼特別事情發生, 隔唔中去游下水, 同朋友出去食飯等.  公司工作仍忙到死, 但都好彩唔晒開很久ot , 最多都係半小時就走人. 哈哈......其實訂單不是多左, 而且d廠趕唔到貨, 好多時工作忙都係幫他們改櫃, 改文件等. 如果d廠ok, 我們都算清閒.

上星期開始傷風, 我沒有去睇醫生, 只是食成藥. 無計啦, 現在唔同之前間公司, 之前有醫療津貼, 仲超易請病假, 所以一病即用公司福利. 現在無啦, 唯有平平地食成藥! 不過覺得現在病毒真是勁左, 一星期了, 把聲仍是沙沙地, 有時起啖, 人又容易累, 眼皮重, 好眼訓 (可能工作忙又一直用電腦關係). 病時頭2日仲要流鼻血幾次, 我個心都有d驚, 好記得第一次時係公司忙緊做文件, 鼻子流水出來, 我以為是鼻水, 點知一抹是鼻血, 仲不斷流, 即急急腳沖入洗手間處理, 個刻我個腦即想起<同一屋簷下> -- 酒井法子, 同<藍色生死戀> -- 宋惠僑, 患了血癌. 因為她們都係無端端流鼻血, 之後就暈左, 到醒時才知道患了血癌. 當然我無暈啦, 走得跳得, 大家放心, 現在無事. (不過我就好奇有血癌是否像電視這樣呢 ?)

就是因為病左, 搞到我無去游水, 又無做運動幾日. 明天我就可以游返水.

今日我同一班好朋友去踏單車, 補回朋友的生日. 我們11:30係沙田火車站等, 之後去租車. 約12:30才出發踏去大埔. 今日真是好焗, 沒有風, 唯一慶幸的是太陽不太猛. 去到吐露港時, 我們係科學園個度停一停, 教一位朋友踏單車, 我見阿靚玩緊架3輪車, 好似幾好玩, 又想試下. 我就坐上去踏, 頭一步踏得辛苦d, 因為後面拖住個籃. 之後就順好多, 不過側了一邊, 而且我轉唔到灣, 直撞燈柱, 笑死他們.

去到大埔海濱公園還車時, 我們個個都一身臭汗, 好在我有帶多件衫, 大家去洗手間整理一番. 之後搭車join埋阿clown就入小白露餐廳玩幾小時, 順手食晚飯. 我們去到先去睇民族文化博物館, 之後去睇羊咩, 原本想報團睇螢火蟲, 但個團滿晒, 無得睇. 入面仲可以踏船仔, 不過一小時就要 $80-90, 好唔抵. 我們踏單車由12:00 - 7:00也只不過$80咋. 所以我們無玩到. 上返去露天茶座坐, 大家玩鋤大d, 我就玩接龍直到6:30入去餐廳食飯.

這間餐廳舒服寧靜, 價錢也貴一些. 不過味道幾好. 我叫了一個set dinner, 是龍蝦帶子扁意粉, 好味! 之後叫了心太軟, 好好味呀 ! 食完心太軟後, 我一定要回家學整返一個. 今晚阿靚威盡, 一坐低就未停過口, 仲吸引左3個fans, 全場是他們的世界! 悶到我同少靜走出去影相. 9:00到我們影了2全家福就搭車回家去.