今天下午老媽煮的炒米粉, 令我回想到在剛剛跟阿樑同居時, 我因為工作, 跟本沒有時間煲湯, 但因為又細到大都習慣了晚餐一定會有湯的, 不管是滾燙還是老火湯老媽都會為我們做, 但到了自己去照顧他人的飲食時, 就很不同了, 因為以前家中的人多, 所以不論買餸或煮飯都會方便些, 而且煲湯就便是越多人飲越有效益的! 兩個人煲湯太煩了, 飲的又不多, 又會剩下很多食物, 很煩的…..所以大多數我是用滾湯的方法, 即是如那天晚上如果是買了菜心, 那我就會留下些少菜心滾燙啦! 在下鹽調味時, 我會用放在雪櫃中的公仔麵湯包(即味精粉), 我直覺以為咁係好味D, 同有益D架! 點知阿樑一飲就話: 咁似雞容味的公仔麵?

我仲好得戚咁話: 係呀 真係雞溶味嚟架^0^ !!

跟住佢就唔飲嗰碗雞湯啦 ~’~!!

佢話飲呢D湯冇益喎..~’~!! 但我細個最鍾意呢D湯架^0^

致始之後, 滾湯也省了, 飲水吧!

而我也再不敢於湯內放雞容味的湯包了.

另最近發現美心的湯也很夠味, 所以決定買湯卷, 以後就可以5分鐘就可以飲到老火湯啦正....

但我好相信我老媽今日一定放了雞容味湯包去整炒米粉, 因為我完全感覺到口渴及一口也是公仔的味道, 若果我今天不是很清醒的話, 我一定會以為我的午餐一定是雞溶味公仔麵. 到了現在下午4:37我口中還是留者那公仔味精的味道….