星期日, 一瞓醒, 好想去流浮山食燒蠔, 於是就問老公可唔可以帶我去食, 因為之前阿健帶過我同德德去食的, 但那次食唔到燒蠔, 連生蠔也不見一隻, 人影更加不用說, 可能那天我們太晚去到了, 所以沒有了, 結果去了玩彈跳魚, 結果玩得很開心 ^0^ 希望今次會有啦!

於是老公就揸車同我去一轉流浮山啦! 因為他之前是守過這區的, 所以很多地方他也識去, 但當我們去到原先是燒蠔地方時, 還是見不到有燒蠔食, 於是我們就行入食市內, 結果給我們見到有炸生蠔食, 當然先來一串, 其實這只是我對自己的一個補償, 因為就算食唔到燒蠔, 食個炸蠔也好, 所以就要了一串, 當然食時我根本沒有抱有什麼希望, 也不會期望它會有幾好味….但我只食了一口炸粉醬, 已食到那蠔的鮮味了, 再食那生蠔, 實在太美味啦!! 我從沒想過會這樣好味, 好鮮, 好肥美呀! 結果我食了兩串後, 其實還想食的, 只是我們一邊食一邊行, 食完了才發覺已回到停車處, 要回頭買多串生蠔又好似太遠了….所以就同老公講, 以後一放假就要同我來食…..(來到這裡好懷念老公以前帶我來勁食海鮮的日子, 因為那時老公會帶我去同佢同事一齊食海鮮, 而他們的食法是瘋狂的, 大量的海鮮, 有扇貝, 奄仔蟹, 黃金蠔, 虎蝦, 魚, 聖子等等, 次次都係食到第四味就好飽了, 再下去的就只是試味, 我會一路食一路怕用了下一世的幸福, 真怕下一世會沒有海鮮食 ~”~!!)

然後我們就再出發去食壽司了……而因為昨天睇到水母好鍾意, 就想買回家養, 點知問左好多間都冇, 所以可能要去旺角才買到…..