昨晚真的太驚喜啦! 個傻瓜竟然買左個萬一蚊的手袋比我…><! 佢一定係傻左啦…問佢點解咁傻, 咁貴都買….佢話: 因為之前同妳去MIU MIU 睇時妳試過, 我見妳鍾意, 所以就買囉, 而且今年又係十週年, 人生有幾多個十週年呀! 妳的袋也該換啦! 而且原來妳送的介指係咁有名的, 我都係今晚先知原來tiffany係咁貴架…~’~!! (這是因為個傻瓜以為tiffany係一些晶品店, 在我們回家的車程中老公才好像發現新大陸咁話, 嘩!! 原來這間就是賣tiffany的店呀!!) 我對著那寫著miu miu的紙袋真的想咸….簡直百感交集, 一方面又好開心老公咁錫我, 但一方面又好為他肉痛….(個傻瓜在未送給我之前就同我講怕我會收到禮物後會唔開心, 會鬧佢…結果真係比我鬧, 但都比我不斷錫…. ^0^).

好彩琴晚我一早同佢講話想去may姐介紹的那間吉列專門店食, 原來個傻老本安排了同我去食血鴨..=.=!! 我問佢幾錢, 佢話每人約九百….咁即係又要成仟幾二仟蚊啦…><!! 上年生日我們去了IFC食法國餐就是這個價錢, 雖然是很特別, 也很美味, 但一餐要咁貴就真的好肉痛囉….所以我才先下手為強…點知都係算錯了個手袋….=.=!

今早回公司, 細宋見到個袋問幾錢, 當他知道價錢後他說: 如果我係妳我會叫佢送個手機囉….

我回答: 一直以來我的手機也是他送的, 而且這個才買了不到兩個月呢? 又換嗎?

細宋: 咁買錶都好過?

我答: 佢係有同我去睇勞力士因為保值, 但我直的不太喜歡, 而且這錶也是今年佢送的…

細宋: 咁皮褸…

我答: 佢之前帶左我去I.T.想買件皮褸比我, 不過要幾仟蚊, 結果我沒有買皮褸, 但也買了幾件衫…唉其實我身上的你見到的大都數都是他送的, 就算再貴他也會買比我, 因為佢成日話, 咩都想比我試下….鑽石, 我又因為睇左血鑽, 所以對這個沒有興趣…其他的我又真的什麼也不缺….

傻瓜就這樣跟了你十年, 十年人事幾翻身, 我們由最初什麼也不知, 什麼也不會, 什麼也沒有, 到現在, 雖然不是什麼也可擁有, 但卻什麼也不缺.

我們大家不論內與外都有很大的改變, 有時我也會想, 如果我們沒有在會考中相識, 你沒有主動去問我攞電話, 我沒有因為不懂拒絕別人而給了你我的電話, 現在的我們又會如何呢?

如果十年前的我見到現在的我, 她一定不會相信這就是十年後的自己, 因為改變真的太大了, 她不會相信自己會有人錫有人愛, 更不會相信會有一個家, 有一個同自己相處了十年還是那麼在乎自己, 珍惜自己的老公, 她一定不會相信自己可以擁有那麼多…多謝您…喵公~