昨晚本是約了樑去食傭記的, 因為上星期日晚在電視睇到蔡澖佢地食得好似好滋味, 所以就要樑同我去試下….點知昨日天氣不太好, 於是就決定到星期日去完南丫島再去傭記食燒鵝 ^0^ .

我們約了星期日去南丫島, 去島上食個下午茶….因為我有日上網見到那間CAFÉ的下午茶好似好正, 而且環境又好似好好…所以叫樑同我去 ^0^ 都好耐冇去過南丫島了…之前樑成日講要同我去, 但最後還是去不成 =.= (希望今次去得成啦! 但聽天氣預告都係去唔成多…~”~ 因為會落雨…).

結果昨晚樑同我去了元朗一間新開的壽司店食….都唔知點解佢好似知道我想食日本野…定係佢自己那時都想食呢? 咁啱 ~”~ 是心靈相通…還是我倆生活太久了, 所以喜好也相同了 !

好啦! 到了正題: 那間壽司店叫: 金水xx(忘了全名…只記得叫金水!) 它在尖沙咀及銅鑼灣, 黃埔都有分店. 起初入去時心想, 一定冇目黑咁多選擇及好食…不過算啦! 大家都累了, 就求其啦! 一坐下樑就點了兩樣壽司, 分別是鵝肝壽司及蟹膏壽司, 然後我就叫了海膽..(因為我係一個海膽怪 ^0^…) 燒帶子壽司, 鰻魚….等等…

而最令我回味的竟是蟹膏壽司, 好彩我是食完我的最愛海膽後才食蟹膏….海膽起初睇到還以為一定不會比目黑好食(因為個樣冇目黑咁靚…)但食落真的不錯, 我食海膽是不加任何調味的, 因為如果海膽本身是新鮮的話是不需要加任何東西食的, 這才可以食到它的美味…一口食落….好鮮甜呀^0^呵呵~(即刻開心哂..)

接著我見到那蟹膏壽司, 因為我只留意我的海膽而沒有留心聽樑的order是什麼, 所以我們就有以下的對話:

我: 這肉酸的壽司是什麼來的=.= ?

樑: 你試吓就知啦 (佢個樣好似整估我咁 ~”~!)

我: 係唔係要加 wasabi 或豉油會好d呀? (我心想這真的食得架??)

樑: 唔使! 就咁食! ^0^ 好好味架!

我聞左一聞覺得冇咩.就一野放入口…..唔…好勁的蟹膏味, 好香...好濃..好滑..好豐富…好實在的感覺…不太咸…味道剛剛好….食完好久, 那感覺依然不散..(就算依家, 我還清楚記得那感覺及味道…好正呀! ^0^ 下次一定要再食這個…呵呵~) 而鵝肝我跟樑都認為olive的比較好味, 但也不錯..呵呵~

在食的過程中見到有兩個時段的半價優惠…=.= (分別是下午3時後的下午茶及晚上10時後的宵夜時段 ~’~) 我們好難會在這些時間去食的…而且我們昨夜食完都未到10點, 門口以有一大班人在等10點的特價時段了….

其實正價時跟目黑的差不多, 我們兩人食了二百幾都算ok啦! 但如果半價的話我會更加開心….^0^

冷麵我還是覺得去日本的飛機餐最好味…