昨日真的去了南丫島…行到去風車時已累透了, 成身汗…=.=

因為路上有太多蟲及蚊, 我們好像打仗, 步步為營, 昨日終於大膽地用樹枝翻轉一條黑白色的毛蟲來睇它們是否有腳, 原來它們好似八足咁, 好多腳的, 而且搞搞下佢好似比我搞傷左咁流左d黑色野出來, 阿樑就叫我唔好再搞佢啦! 會搞死佢架…..(佢好認真咁講, 我突然覺得佢原來真係對所有野都好有愛心的 ^0^…我好似隻魔鬼呀~”~!)

落山後就去了海邊的那餐廳 high tea…好舒服, 雖然不是我之前想去的那間(因為去到, 見到那餐廳的位置不太好, 可能是影相角度問題, 實景真的不太舒適, 所以轉了地方…)

終於食到傭記燒鵝了><!, 我們七點就開始等, 等到八點半才有位, 又不是不用錢…為何會有這麼多人來食呢? 價錢也不平, 我們四個昨晚食了成千蚊 =.= !

味道不是如電視說的那麼好….燒鵝也沒我預期的新鮮熱辣…是沒有深井的肥膩…但半隻就要成2百幾就真係一d都唔值…~”~! 我們叫了半隻燒鵝. 豆腐. 油泡蝦仁, 海参柚皮. 就這樣要成千蚊….=.= 好彩今次是樑大佬請, 當是幫阿樑預祝生日… (之前去食鴻星那次, 是樑幫大佬做生日, 那餐我們四個食左千幾蚊, 不過那次食的就好似有特色點, 因為食了日本和牛HK240/100g最少要200g…及食了石頭魚…好好味 ^0^那次我覺得樑佢對佢大佬真的不錯, 因為想大佬及我開心所以從不會對我們說不.我鍾意食的, 想試的, 他都會盡量同我去試, 就好似今次食傭記, 是我話要食的, 本來他是想只同我去食, 但我就因為想試多幾款菜, 所以要求佢叫埋佢大佬來! 誰知大佬會提早成個半月預做生日呢=.=! 可能是因為之前樑請的那餐太貴搞到佢大佬唔好意思吧! 其實我覺得沒關係的因為是一家人, 只要對方開心就會覺得再貴也是值得的..^ 0^!) 寫到這裡竟然有種感覺, 就是原來阿樑一直把我當做家人對待, 而且好像比家人還要好呢! 呵呵~ ^0^ ~

昨晚當行去傭記路上時, 必經之路是我曾經工作不到兩個月的奇華餅家, 那時阿樑已考了警察, 但還未入警察學堂, 那時我們還在熱戀時, 他好多時也會一早來接我返工, 但因為過海車費實在太貴了, 我會叫他別送了, 因為來回要成40幾蚊, 好貴呀~ 那40幾蚊可以足夠一天的飯錢了, 但他總是說: 我想見多一陣..^0^ (其實每次見他送我回餅店後, 回頭見到這傻瓜還站在望著我時, 我的心會好痛, 好想不顧一切的跟他回家, 陪伴他! 因為我不捨得要他一個人回去, 我不捨得他會悶倒…我要用很大的勇氣才可以狠心的回店舖….)

當經過那間便利門口時我問阿樑, 記得那門口嗎? 他說: 以前每次送你返工都係送到那兒…

是的! 但我更記得的是, 有一次他說好明早會買一樽綠茶給我飲的, 但我卻在巴士站等不到他, 我那時很生氣而且也快遲到了, 所以就冇等佢, 自己搭上960了, 返到公司, 佢打電話比我, 叫我出便利店門口, 我就跟同事說了要出去一下, 本來還在生氣的, 在電話中表明很不情願才出去 ~.~ 但當一出店舖就見到傾對面站著的傻瓜手上拿著一樽綠茶….真的沒了火, 對著他也不知是該罵他還是錫他好..=.=

去到他面前還是忍不住罵了他, 因為他明明就是浪費了車費卻沒有令我們相見的時間增多><!, 這等於是白用了錢><! 但他卻說:只要妳開心, 一分鐘都值啦! 如果唔開心就算比一天的時間你都會覺得唔值…(佢總會有佢的道理 ~.~! 但這又好像是對的….)