今早因為約了阿生食早餐, 所以要7點起身, 結果還是7:15才起身, 因為太眼瞓啦><! 好耐都冇試過約朋友食早餐啦! 讀書時最記得的早餐是約雪人東, 阿甘, 佢地去嘴兒甜食早餐, 而我就最鍾意食糯米雞, 好大隻的, 好多料, 好好味, 佢地會一邊食一邊話: 都未見過d女仔可以咁大食, 早餐食哂成隻糯米雞都只係啱啱好~ 可怕~可怕~.~

不過現在建生已沒有嘴兒甜了, 元朗就有=.= 但一直也沒有再食了.

今早我們是去食m記, 都好耐冇沒食薯餅…好好味呀~ ^0^ 我鍾意的薯餅呀!

以前我媽星期日早上去買餸時, 回來總會帶一份m記早餐我食的, 但每次食的那個薯餅都係唔香脆的=.=….所以我今朝等緊個野飲時, 我已經想先食左個薯餅先啦! 就是怕它會唔脆^0^, 咁就會搞到成個早餐都會有所遺憾及美中不足….

今日見到阿生, 好明顯冇以前咁靚仔, 但多了點傻氣．．^0^．．（因為佢剪左頭髮，搞到個頭好細，個樣好似小朋友, 其實都好可愛的…呵呵~(姐姐得閒帶你去睇金魚呀~ ) 佢其他的都冇咩點變, 因為都有成幾個月冇見過啦!

他現在在煩的是前途問題, 是很多野也想做, 但卻有很多不能做到. 唉~

其實這幾晚我也睡得不太好, 有很多野想做, 但卻怕做不好或做不到, 怕只是我太天真, 到最後是損失了阿樑的錢=.=

是這樣的, 阿樑知道我一直也想開一間小食店, 所以想完成我的夢想, 但我好怕會令他血本無歸, 因為開一間小食店的成本也不少, 起碼要十幾二十萬…萬一失敗了就沒了, 而且這只是我一個人的夢想, 要他投資這麼多給我當遊戲, 這遊戲也真的太刺激了吧! 而且如果他不是給我開店, 他可以再買樓收租, 這是最安全進可攻退可守的. 但他卻願意給我賭..~’~ ! (我是知道你對我好的, 傻瓜^0^)

等我再想想如何是好, 是該完成自己的夢想, 還是賣錶的有利可圖.