2008 年 12 月 25 日 星期四  |
08-12-20  |
今日係cosplay的第一日,心情有d緊張,十一點半就要集合,不過,我之前哥晚都訓得唔好,四點幾訓,十點左右就醒左啦,首先去紫荊園唸住買壽司食,一去到,點知超多人,唯有買炒面食,之後返金川,居然!!!一個人都無,當時係十一點九啦,之後過一陣人先陸續咁黎,我唸住食碟面,點知爬左幾啖之後就發現左,原來我本身對噴色超人靴,痴實左,跟住爛埋,不久之後大家又話排走位,之後雨晴就話想去排下part舞,不過我都無心跳舞,中途就一個人走左出去,佢地就建議我去買一對新的水鞋去代替我本身對八蚊靴,不過我攞晒d野返去之宿舍之後,第一時間就去痴d報紙落去對靴度,然後上色,對不知痴又痴唔到,支噴漆又無色喎,我唯有放棄,然後出去奇龍,買一對水鞋,當時係點幾,去到正門之後先去d五金鋪買支噴漆,順便買對水鞋,誰知幾間都無水鞋賣,唯有去奇龍睇,點知都無,詛喪地返到去金川,當時見到佢地唔知排完d乜啦,但係我就無理佢地,衝入去整對鞋,點知都係無得救,志倫就話俾佢哥對聖誔老人靴我自己用硬咭紙整一對,我都覺得可以拖累人咁,下午其間我都無食到頭先哥碟面,大家都忙於整服裝,尤其池仔哥件死神朽木白哉衫同埋阿姍哥件犬夜叉,大家都忙於整佢地,搞搞下,到四點幾五點啦,大家話去食晚飯,可惜我中午都未食,跟埋去canteen之後食左個水餃,仲係兩份食,因為又累又無胃口,所以都無乜野想食,整個人都好呆,返去之後,開始化妝,宣傳哥d野,到左夜晚,我架第一次演出都開始啦,而我地係三組裡面排係第二組出 場.第一組德安同朱紅佢地都係男扮女,至於劇情我係後面就無睇到啦.到人地組差唔多完之際,我心就唸,無野係本大爺做唔到架,於是我就充滿自信面帶微笑咁上場啦
第一次做劇就做主角,心情居然無想像中咁緊張,可能因為金川地方唔係大,加埋觀眾都好多識架關系.一路演一路演,雖然好多燈光同埋音樂都唔岩,畢竟都唔係我地架人做後台,最終我都無乜犯錯.就演完啦,下來後台之後,大家都對我鼓勵一下.而我地開始係幕布後面睇我地之後哥組架演出啦,而結論就係,好黃,男扮女都不得止,bar都攞出黎玩,不能相信,這是演劇咁有經驗靈芝架作品,完晒之後,我地組都好down.,因為人地兩組都搞到個場好high,唯獨我地,最好笑架地方都無乜人笑,不過,人地係sell 黃,我地係sell橋,講法又唔同.最終,我地都好down咁完成我地第一晚架賽事,散場之後都無人同我影相,都係我地自己人同我影,睇黎反應真係好一般
最尾開總結大會,內地生o既劇組成員做評審,上台為每一組架表現做總結佢地都好婉轉咁樣表達一個信息,就係唔知我地講乜,同埋鹿好多,講野又好細聲,於是我地就好咀喪咁返去宿舍,迎接明日的比賽,大家都好累,一早就訓左,但我卻四點先有得訓,因為我地犬夜叉等角色用得太少,要改劇本.
|
| 2008 年 12 月 12 日 星期五 |
2008-12-11  |
今日考試,考跨國經營管理,雖然開巻考,不過都早左少少去,誰不知開巻考仲要選修都仲要兩個人監考
都不特止,仲要順學號坐,呢個MISS個腦真係有問題,不過算,反正我都唔至在呢科微不足道o既選修科,而
且我都夠分畢業啦,鐘意掛就我就掛飽佢啦,我係唔會黎補考架,到我拎上手做份巻,嘩,頂,完全唔知咩黎
架,得一條案例,同埋選擇是非,但係條案例題目超長,d字極細粒都仲要去用左四版紙,我要強調,我係講緊
條題目,但係居然有d 本地生一拎上手就答哥條案例哥下好野喎,問你死未?
雖然話係開巻,但係d題目好難,我都索性自己閉巻,求其寫d野落去啦,我先做哥唯一一條案例(50分)
寫到密麻麻之後,已經用左個幾鐘啦,剩返d是非選擇,對我呢個無心戀戰架人黎講實在係太容易完成啦,
無睇題目一陣就做晒啦 ,做完份巻之後隻眼睇野超蒙,經過一輪苦戰之後 因為太凍,所以就即刻衝返去
宿舍攞衫,之後再衝去法學院度排戲啦,排戲排左一陣,加左好多野落去套劇度,跟住就返房啦,無唸過我
寫的野都可以擺出來俾大家一齊去做,希望會做得好啦,第一次做演員,感覺很新鮮,排練起初有怕,但係
好快就適應左啦,原來阿彤佢地,就係平時就係做d咁樣架活動,亦都俾我認識左佢地架大學生活,而家時
間不多.25號前要交論文,又要出劇,其實真係好唔容易,但係最苦,都有大家,都有你,更何苦一套cosplay同
你地以前架劇相比,簡直唔算得係乜,我都會做好呢個主角,作為大學生活o既最後一個聖誔節畫上一個
完美架句號 |
| 2008 年 12 月 8 日 星期一 |
2008-12-7 (12c-17c)踩單車去清源山  |
好,今天就來寫一篇記敍文
今朝一早起身,見個鐘好早,就去開熱水再訓返,訓返哥陣起身差唔多九點,我地約左九點下面等,於是,火箭速度咁沖涼同執野,落度去唸住食特香包,誰不知,特香包d野實在太難食啦,我就去左向陽坊買,不過都唔好得幾多,買完之後就去咖啡小站度搵大家,噢,原來大家都食緊野,我就食我o既包,大家食大家的公仔面,尋日出街凍到畺左,今日就著多d,今日著左一件底衫,羊毛底衫,圍衣,風樓,同埋一件較厚的毛毛厚褸,嘩,成個鐵甲人咁,食完之後就去攞車,再去泵氣同買水,all get ready, let's go
就去到校門口,風和日麗,萬里無雲,很好,咁不如去銀行禁錢先,欣欣就去左禁錢,我地就去左銀行門口影相啦,欣欣出黎當然又影埋佢,搞左一大輪,大家咆哮:出發啦!!! 可能大家的意思就係:"梁耀強說"的意思,只不過隔左十幾分鐘,行行下哥陣我就出聲啦,就係太熱啦,頭先講過我著咩衫,係中午時份俾太陽咁晒法,再加上做運動,最緊要係燃燒不盡的衝勁,我留左第一滴汗啦,一停,個個都叫熱,個個都除左衫,搞左幾分鐘之後.就去前行啦,行行下,志倫就急屎,我地就去中國石化的油站等佢柯啦,我仲介紹埋中國石化呢個企業添.呵呵 有個 人話要用佢架電單車黎同我地換一架單車,我地就叫佢做單車追跡者x啦.我地當然唔換,車係問人地借架嘛.仲有.........鬼唔知你架車係偷架咩,無理佢就走,然後係體育館門口見到黃慧姿佢地一村人,成十個咁多,去南少林寺,可惜我地唔同路,唯有分道揚鑣啦,行多一陣,我地就係當時架婚妙鋪轉第一個彎啦,呢條路,對我地而言係近排先開發的,沿路見到d沙縣呀甚麼的.我係度唸,泉州人真係好簡單,或者叫單調吧,返工放工訓教就算,我地唔知可唔可以對生活唔好咁多要求呢?今天,天氣真係好好,而家係冬天,但係係中午,唔太熱又有風,經過上一次志倫壞車教訓之後沿途我都有望邊度有修單車地方 , 不過,今日就無車壞.尋晚本來入左d歌入去部電話度,唉,不過係馬路聽歌有d危險,人地響銨我都聽唔到咪死
今日,成日都唸起池仔哥句:oh my eyes !my eyes!! 個心度笑左一日,幾搞笑.一條大直路狂奔,沿路都係d簡陋的店鋪,賣五金,沙縣,充值咁,再行到一段,有個寫住"少林"的石頭放係路邊,我地當然唔放過呢個機會影相,各人都使出各人的武功姿勢影相.影完,我地就繼續行啦,其實唔係行左好耐,就見到清源山..........個牌,當然唔放過,過係我地對面o既牌度影相啦,影影下"單車追跡者x"又返黎啦,佢又聊我地傾計,頭先婚妙鋪同而家差唔多到目的地,咁遠,佢真係跟到黎,強!!!行唔係好耐,就到左啦,係門口哥個咩游客中心影相,之後就上去山邊啦,拍好車後,問題黎啦,上山我地點食野,而家十二點幾,唯有上去食自己d熊仔餅呀,哥d,好,就入去啦,要買飛,不過預左啦,呢個時候我地見到d耆英就咁行入去喎,我地咪跟住又想咁,不過我地就問左人,最終都係俾左50除2的學生優惠,25蚊一位,入場啦,一入去,彩虹掉左粒朱古力,oh ,可惜,.而且大家都對個垃圾桶好有興趣喎,其實都係樹形狀的垃圾桶之嘛,然後又同門口個老子同埋隻牛影,之後又上山啦喎,上上下見到又有呢一個老子同埋孔子像啦,我地企好晒,ready影相,突然,有幾個阿b走埋黎喎,見到佢阿婆黎緊本來唸佢地阿婆會抱走佢啦,點知佢地無喎,仲同個阿b同個老子傾計喎,我地幾條友企左係度,嬲到上心口,圍住佢地,都仲要無視我地,大陸人真係弱智低能無常識,我地企左係度足足都有五分鐘.好似變左石像咁,試想下,你攬住舊石像影緊相,突然有一群人知你影相都黎阻住你有幾嬲,不過我唸,d阿b又唔識,d阿婆可能唔知咩叫相機,以為我地無端端攬住舊石,總之就係無耐左好長時間,不多陳述啦
幾經辛苦影左張相再行上dd,真係dd.就見到個老君岩啦.呢個係我地o既景點一個,實在係好!!!!!!!!普通.石像一個,不過大d咁解,影兩野就走,乜興趣,行行下俾我執到支樹干,用黎做拐杖真係幾好,好似the lord of the ring 個甘道夫哥支魔法棒咁,用兩野就俾左阿欣欣啦,可能女仔的原因,所以易攰掛,我地繼續去上行,到左一個分叉,左係唔知咩山洞(150m)右係繼續行(750m)我地選左轉左先睇完落黎,再去700m哥度, 山洞個名好似好華麗咁,行左不久就見到,呢個!!!!!!勁!!!!!!!!!!!普通,比頭先哥個更普通,一個只有二十米左右的爛石頭做頂架山洞,全中國不知幾多,返轉頭,再上去主路,行到欣欣叫救命,我地就普通啦.好采有支拐杖啫,上到咁上下,有個石仔,企上去影相應該幾好睇,我地就各自上去影下相咁啦,仲見到差唔多半個泉州的風景添,不過,風景靚都唔及某人靚,呵呵
再行都係d又上又落架路,都幾辛苦下,小小咁啦,不過一齊行就唔覺辛苦,之後再上就到左另一個收費景點,唔知幾咩名,忘記左,影下相咁,不過都幾開心,再行行行,不停行,都部都係樓梯,見到一個用木塔出黎架橋,不過我地仲上去拖住手影相添,幾好呀.之後再上去又係個唔知咩廟,不過d 佛經音樂真係令人幾舒服o既,影相時仲影返池仔渣機個樣添.之後食d野抖下,再上去,都係d唔知乜路,估計有排行.就放棄啦,就係最高點(我地目前所到)的位置影下相,仲用體育發展局毛巾影添,之後就走啦,走哥陣又俾我地去到個千手岩(呢個我記得個名)拜左兩下就走啦,落去仲行錯路添,去左第二個門,繞左少少路先去返前門,就走啦,此時都差唔多三點幾啦.大家都攰啦.踩車出去,經過(閩台緣博物館門口)影下相之際,又見到黃慧姿等人,真係有d緣,之後我地繼續走啦,去到西湖公園,唸住入去,點知唔俾踩單車入去喎,唯有拍好個車再入啦,又見到黃慧姿佢地入去個西湖公園傾計咁喎,我地就有我地影下相,坐下咁.仲搞笑自拍添,池仔由好遠禁自拍,再跑過黎,路人哥兩個女仔都好好奇望我地個相機個mon,最尾又居然俾池仔趕到返黎擺個yeah手勢喎.之後我地就繼續踩車去呢個walmark啦,唔好睇我打幾句就概括好多野咁,其實一句去呢度可能途中就行到傻左咁
好,入到walmrak.梗係食野先,吃開心湯姆,自助餐pizza,仲要俾錢先添,49蚊位,其實都幾貴的.坐低之後,見到好多都係中餐野食,都無乜真係西餐野,我都係夾左兩條菜食d野咁,仲係無最重要的pizza添,等左好耐,終於都有pizza啦,隔離台哥四個女仔一台就攞晒d pizza,好野,我係呢度祝小姐們,肥肥白白,體重有增無減,後來,我地終於都夾到pizza啦,開頭好開心,但後來飽啦,而且之前夾左好多無畏野食,哥度可以揀d有八成都係我識得煮架中餐,咩咕嚕肉,苦瓜蛋哥d無畏野,連哥d打邊爐丸都有添,真係無耐,後尾我地要猜人食d食剩食物添,真係慘呀........佢地 , 我自從發現左我自己架猜包剪泵公式之後,個人真係開心左,因為好難先可以猜得贏我,大家唔好以為猜包剪泵係三分一機會,對我黎講,唔係咁的
之後睇下隔離鋪d冷帽.幾好同埋幾平,22蚊對,買黎去哈爾濱哥陣著的,某人戴黑色帽幾可愛呀,知到時會點,然後我地去肯德基度借廁所.我朾左一陣尿之後,突然好想去開大,好采,肯德基廁所還可以,隔左一陣之後就走啦,係晚上七點左右啦,呢度入夜凍得好快,可以溫差十度.不過我地踩車都無影響,踩踩踩,去到差唔多仲有幾公里架時候,就休息下,講cosplay同下次踩車去打保齡,幾經辛苦,終於都返到華大啦,去返起點再影相,真係" 感覺 很好"呀,踩入去池仔話我地學校個設計係 門口個石係花,中間噴水池係香,最入面係官材,不過睇落真係幾似,仲係夜晚睇添,之後我地就結束今日疲憊架旅程啦 |
2008 年 7 月 17 日 星期四  |
| 2008-07-17 |
利物浦球迷有一句說話:you'll never walk alone ,呢張開報就貼左係我房門
可能我唔係咁忠實利物浦o既關系,我只覺得i 'm walking alone
唉
|
| 2008 年 6 月 24 日 星期二 |
| 2008-06-24訓唔著 |
而家三點鐘,訓唔著,早排知道有隻game叫放學後少年,就開始唸返我當時架野,當時哥種開心,同而家好唔同,但係如果可以俾我地鴻運三劍俠甚至同期架人變返做細路,咁又點吖,世界已經變左,物質豐富左,跳樓的人都多左,心理醫生都多左,大家唔會再追住架四驅車,只會玩藍芽,玩nds,頭先睇左個網http://i84.blog.163.com/blog/static/55956666200853102921538/
我訓唔著係度唸,如果俾我見到比達個配音員,我會同佢講:時間真係唔等人,聽到你把聲,我想喊呢!!!
當然,我唸著啫,我無見到佢真人,而有好多卡通片好值得懷念,最近亦睇晒龍珠z,但係,點同丫,而家開住冷氣睇,以前無冷氣,仲要怕俾阿媽鬧,然後好似犯罪家咁善用賣廣告哥三分鐘去刷牙,收書包,然後係騎樓同隔離屋個朋友仔講下野,傾下計,就訓啦,唸起阿媽,我而家唸返起,明白當時的女人的苦,而家女人幸福好多........
近一兩年在大學,時不時都有同學問我:喂,有無龍珠粵語呀??有無四驅兄弟粵語呀,有無長腿叔叔,伙頭爸b,xxxxyyxyx粵語呀?當然無啦,不過,細心一唸,而家睇可能唔同了,廿幾歲睇經典又驚俾同學女朋友笑,又無阿媽鬧做功課,心情唔同了,最重要的是,電視已經唔係哥部雪花電視了,既然大家都咁想做返以前,食旺旺,玩四驅車,同朋友仔玩集體遊戲,有無人想過十年之後,其實都會想起,華大搶包山,南苑,特香包,華利,呢d野,畢業了,再沒有那種朋友,只有同事,所以我會好好珍惜現在的無憂無慮,有健康的阿爸阿媽和自己,一家人齊整溫馨,珍惜而家每一刻,抬起頭望住房間的牆,以後再見不到呢個房間的時候,就會覺得呢間房,其實都幾可愛 |
| 2008 年 6 月 23 日 星期一 |
| 兒時玩意 |
兒時白痴玩意,唔知大家玩過幾多個呢?
> 1.玩米缸，將手插入米缸裡面o既米裡面篤下篤下。v
>
> 2.在百貨公司入面篤扶手電梯旁的hi牌。v
>
> 3.地下有階磚時，特登隔一格一格o黎行（不可踩界，要完全在格內）。v
>
> 4.用錶面反射陽光，照o黎照去。v
>
> 5.跳樓梯（愈多級愈勁）。
>
> 6.行路上高起左地方（例如高起左o既長條型石博），好似玩平衡木咁行法。v
>
> 7.鋪張紙在硬幣上面，然後用鉛筆係上面油，油返個形出o黎。v
>
> 8.食完瑞士糖之後，將糖紙包番個原本四四方方果個形出o黎。
>
> 9.超級市場踩住架購物車o黎行。v
>
> 10.踩水"tum"，係好特登果隻。
>
> 11.吹口水波。v
>
> 12.搣牆上的乳膠漆或牆紙。
>
> 13.係平滑o既地面上面跣下跣下咁行。
>
> 14.整濕o的紙巾，掟上學校廁所天花頂。
>
> 15.食完綠箭香口膠，一定摺返成張包裝紙，再放返入個大套入面。v
>
> 16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉
>
> 得怏個時飛出o黎，睇下個粉刷中邊個。
>
> 17.放膠袋（當風爭咁放）。
>
> 18.去後梯執咸書睇，將睇完的咸書撕開飄落街。
>
> 19.貼張龜仔紙嚮o的同學個背脊度。
>
> 20.踩人地個影。
>
> 21.狂踩人地對白飯魚，尤其是大肥仔果o的。
>
> 22.用幾條橡筋射o的同學。
>
> 23.掉人地門口的拖鞋落街。
>
> 24."Mung"消防喉，射水落下面個球場，睇下射到幾遠。
>
> 25.嘗試用「念力」整彎湯匙。v
>
> 26.用氣鎗射街上的途人。
>
> 27.玩千揪，"fing"到咁上下就飛出去鬥遠。
>
> 28.落樓梯時坐係o的扶手上面"sir"落黎。
>
> 29.在自動梯行相反方向。
>
> 30.把「誤投信件」或沒有用的宣傳單張，胡亂放入其他的住宅信箱。
>
> 31.坐地鐵時，抓緊中間的扶手，地鐵一開動博命繞住轉（自轉）。
>
> 32.在月台上鬥快跑。
>
> 33.係被竇入面開住電筒扮露營同埋o係入面食零食。
>
> 34.用圖釘弄穿學校壁佈板。
>
> 35.亂按人地既門鐘，然後鬆人。
>
> 36.明知過左三歲，仍然吾買飛，「捐」地鐵既入出閘機。
>
> 37.不小心塗改液（很舊的有一個掃那種）塗在手上，然後用附送的天拿水，搽在手上
>
> 以圖弄去改液。v
>
> 38.用歡樂天地等既硬幣當一蚊用。v
>
> 39.煲蠟。
>
> 40.把汽水罐靜雞雞放在校車的車輪下攝住，開車時把它壓扁。
>
> 41.用螢光筆油指甲。
>
> 42.向學校d木台上面畫公仔。
>
> 43.用電筒 雷射筆射落街或者照住d路人。
>
> 44.搣碎d紙巾，然後拋出窗。
>
> 45.巴士一開車，就同佢鬥快跑（最終當然唔夠快啦）。
>
> 46.落雨擔遮，懶係型咁轉把遮。v
>
> 47.見倒d矮過自己既人行緊過黎，會好自然"gut"高d行。
>
> 48.將擦膠碎「初」成一粒黑色物體。v
>
> 49.玩冒險樂園o的遊戲（例如籃球或保齡球），企o係最高或企o係跑道o既最尾玩。
>
> 50.地鐵出閘果時「捐」過閘口，拎走張地鐵飛當地圖。
>
> 51.屋企冇人果時，對住塊鏡學人跳舞 做戲 唱歌。v
>
> 52. 同細路爭一d無聊野，例如「美少女戰士角色︰sailor moon係我既, 火野麗係你
> 既」或「四大天王，黎明係我既，所以你唔准鍾意黎明，你鐘意郭富城啦」。
>
> 53.玩廁所水。
>
> 54.去到公園，係咁撕百千層d樹皮落黎。
>
> 55.慢慢行近麻雀到，企圖捉住佢地。v
>
> 56.係街見到狗就扮貓叫，見到貓就扮狗吠。v>
> 57.趴o係地上扮死，想嚇阿媽阿爸。
>
> 58.畫花報紙或書上既畫，為人物加牛角或者胭脂等等。
>
> 59.拎d元寶當船放o係水上玩或者拋落街。
>
> 60.用條繩hid野到落去住下面o個戶人既窗前，然後"fing"來"fing"去，引人注意。 |
| 2008-06-23 |
兒時的我們盼著快快長大,可當我們真的長大了,卻是一點都不快樂.社會,生活,壓力,讓我們沒有松口氣的時間.人就是這麼矛盾的動物,擁有的並不感到珍惜,失去了纔倍感美麗.
小時侯到處瘋跑玩耍的情景你還記得嗎?三五成群的在一起,玩我們那些簡單卻充滿快樂的小遊戲,很多很多,有二三十種之多,也許是腦細胞減少了吧,可現在我們卻一點都說不出這些遊戲來.更甚連所用的遊戲道具都不能記起.簡單的存在我腦海裡的也隻剩下彈珠人,四驅車,走廊踢波,高達,coco,陀螺,這麼幾個尚且記得,也許你有我們已經忘記的遊戲,也許你也想了解更多的我們兒時的遊戲,我們大家在一起,收集也許已經被我們遺忘的我們兒時的老遊戲,著拖鞋的阿龍,玩四驅車砌高達玩紅白機的阿榮,大家都向現實都向現實低頭了,到賭場去了,工作了,成家了,看見當時的照片,只有眼淚,卻無法再找到當時那種快樂
那是一個夢
那個夢,你還記得嗎?
我想你會記得的
寫下你還記得的兒時的遊戲
因為那是我們最無邪的童年
|
| 2007 年 11 月 24 日 星期六 |
| 2007-11-24 |
被人點左名
係比Ida點中ｇｅ
被點到名字的要在自己的空間日記裏寫下自己的答案,
然後去掉一個你最不喜歡的問題...
再加上一個你自己的問題,組成8個問題,
傳給其他8個人,列出其他8個需要回答問題的人的名字...
還要到這8個人的空間留言通知對方--->"你被點名了"...
被點名者不得拒絕回答問題喔~!!
這8個人要在自己的空間裏注明是從哪裡接到的,
並且按上述要求傳給其他8個人,
讓遊戲繼續,不得回傳~!!
咁我傳俾阿燦,桂月,阿醒,小寶,阿聲,我無咁多人,得五個
Q1.你會選擇同有結果但係你唔鐘意既人一齊,定係冇結果但你鐘意既人一齊呢?
ans:會掛
Q2.咩係你最想做的事?
ans: 實不相瞞,我想做一個鋼琴家,或者鋼琴老師
Q3.俾一個生日願望你，你會許咩願?
ans:俾我同我關心架人最健康的身體
Q4.如果要你選擇，你會揀做平凡人定係超級名人？
ans:樣樣一般得唔得呀??
Q5.講一件答應左人,但冇做嘅事?
ans:我話過我要發達,大個做一個靚仔媾死萬千少女,最後當然無啦
Q6.你覺得自己幸福嗎?
ans:幸福.,
Q7.你有無遇過一個你心目中的對象
ans:我咁大個人只係試過一次見過我應為靚架女仔,就係有一次塔巴士返屋企,唔好話媾到佢,可以哥個女仔一齊塔巴士我已經覺得好幸福啦 我咁大個人只係試過一次見過我應為靚架女仔,就係有一次塔巴士返屋企,唔好話媾到佢,可以同哥個女仔一齊塔巴士,雖然只係由關閘塔到聚龍軒, 我已經覺得超幸福啦,真係想再遇返佢
Q8.鐘意d咩類型架伴侶呢?
ans: 拿!!!聽好啦,最好當然樣靚身材正入得廚房出得廳堂,上得xx啦,仲有細心溫柔體貼,有女人味,嘩
|
| 2007 年 8 月 12 日 星期日 |
| 2007-08-12 |
今日,買左個新雪櫃,多過以前哥部一格,可以自動造冰,又可以防止蔬菜變黃,仲純銀色,真係幾好,其實係買雪櫃呢件事上面發現我阿媽真係一眼關七,哥個保養架問題,佢咁都注意到,我都無注意到,差d俾個sells昆左,俾佢水貨當行貨,呢排都好遊閑,係澳門真係好呀,唔知香港哥邊點呢?
|
| 2007 年 6 月 14 日 星期四 |
| 2007-06-14 |
今日去上早堂又無點名,居然有好多人返,體育堂的時候,去游水,但我無游,等阿sir點名,點知等左半個鐘阿sir先點,我就成個傻仔咁企左半個鐘,份體育功課做錯左題目,好多人都做錯,結果尋晚的心血就咁白費左啦,真係黑,點左名之後個個都話落大場,我第一個去,其他人就話自己去,一個人去到大場,見到二十幾個人,係度踢波,但係佢地居然係打橫個場黎踢,實在唔知點解唔好好用個場,佢地係擺d衫同d雜物做龍門,個龍門仲係得一兩米,試想下,廿幾個人打橫踢個大場,個大場係有幾亂,佢地踢完之後,又影晒相咁,好重視喎,真係好難理解佢地唸乜野,等左好耐,我地班d人都係未黎............
後尾,有幾個local生黎,同我踢左一段時間,然後阿奶同黑仔黎,其他人一個都無,平時個大場幾百人密質質咁好似上面咁踢細場,今日一個人都無,真係奇,奇就奇在佢地寧願放d雜物黎做龍門,都唔要一個現成又正規架龍門,如果澳門香港,一定無呢d情況發生
踢踢下,我覺得自己同上youtube睇哥d精采撲救哥d差好遠,係咁俾人入,其實係我開始怕痛,搞到我一有死角波就俾人入........不過,練波呢d野,返到澳門好難做到架啦,所以我都會好好珍惜o既 |
| 2007 年 6 月 11 日 星期一 |
| 2007-06-11 |
近排開始有d科開始複習,開始考試,我呢排都係為左細佬架事,有d好可惜咁架感覺,不過,大局已定啦,每個人的命運都係由自己掌握,希望佢以後會重新振作啦,實在太任性啦........
見到佢令我唸起好多舊事,我讀聖若瑟哥陣架事,以前細個真係好開心,都做過好多任性架事,我仲記得搬屋哥一剎那,我隔離屋阿龍都唔相信,仲話:扼野!! 我就帶佢入屋,一件傢私都無,佢真係要信啦,佢當時真係好唔開心,我都好唔開心,我喱埋左係走廊度好耐,想喊咁,哥陣我地三個細路成日玩,係我最開心架一段日子黎架,成日都係騎樓都傾計,仲用兩個杯整對講機整過隔離屋玩,而家雖然我未出黎面對社會,但係呢種開心,我唸真係一世都搵唔返,如果可以再去返哥陣,你話幾好呢?而家我都會珍惜而家架時間架啦,時間係唔會反轉頭架啦,呢一點,每個人都好清楚
|
| 2007 年 6 月 5 日 星期二 |
| 2007-06-05 |
今日出完街返到房,嘩!!!超乾淨,抵錫,返去之前,見到生果阿婆,見到佢係度釣魚,又眼訓,又落雨,又無著鞋,其實一個人咁樣捱,都幾辛苦,我唸如果我好似佢咁樣架年紀架時候,應該都會係度嘆,起碼唔洗捱先,見到佢,都有少少可憐,又成日都要攞貨,日晒雨淋,真係慘,希望佢明天會更好
今日上bec見左一陣,跟住就無乜點見面啦,不過我今日都有唸起你架,仲有湯圓添,呵呵 |
| 2007 年 6 月 3 日 星期日 |
| 2007-06-03 |
今日踢七人,八強,好熱,大家熬左好耐,俾人按住黎打,正堂等補時射點碼之際,入左!!!我地人入,入左自己龍門,頭鎚,最後一分鐘就咁輸,我都不知可以講d乜,我好唔忿氣 |
| 2007 年 5 月 9 日 星期三 |
| 2007-05-09 |
今日我地班去踢波,踢哥個工商盃總決賽,其實可以踢到總決賽都有d運仔o既,不過,踢到黎呢度,我地總有我地一定o既實力,希望可以借呢次比賽做踏腳石,我地05工商最後一年希望可以拿返d好成績啦,其實最緊要係要多謝d無出場架隊友,佢地都有付出,作為隊長,希望大家繼續努力,仲有好多挑戰等住我地,贏呢個工商盃係最起碼的,所以請不要驕傲,這是你們努力的成果
|
| 2007 年 5 月 1 日 星期二 |
| 2007-05-01 |
今日我一點幾先起身 ,好少訓得咁晏,一起身,坐一陣,即刻去左華利吃飯,然後出街,我差唔多兩點幾先吃完飯,去到車站二點三倒啦,而家坐
巴士係無人賣車飛架啦,要入錢箱,無計啦,唯有入,我見到成村人係度迫巴士,迫得好辛苦,但係本來哥個賣飛女郎個位就無人坐,真係坎坷,
唯有我坐囉,反正都無人會坐, 突然覺得,中國人真係蠢,我出到去兩個鐘頭之後,我就去左吃湯丸啦,吃完之後,我又想去廁所添,但附近都無
廁所,行行下,我行到去泉州大酒店,我入去借廁所,平時見佢好似好靚咁,入到去原來.....................真係不外如事,如果平時覺得外面係五
星級的話,咁裏面,就值四星級,不過,又唔係話好差o既,不過,無哥種豪華o既感覺囉,跟住我去飲涼茶啦,可能因為飲涼茶架關系,飲完之後,
我就去左迪克士借廁所,我行入去,見到"廁所在二樓"o既牌,咁我就由迪克士o既唔知邊度上左二樓囉,上左二樓,我見到男廁就入啦,跟住見
到個尿兜,oh,my god,居然,居然,居然,.有堜屎係度呀!!!!!!
咁,我就去隔離哥格啦,點知,有個男人個樣都正正常常架,三十幾歲,入左黎,係哥個有屎o既尿兜上面柯尿,而且仲係有其他尿兜選擇底下作
出呢個選擇,我不得不對佢作出萬二分o既欽敬,正當我對佢欽敬o既時候,個男人望住我o既陰根莖,三秒咁多,我睇得好清楚,因為我同佢
只係隔離哥格尿兜,然後,佢終於都開口啦!!!!!!!!佢問我:你是不是學生呀??? 我:是呀 佢:你是哪個學校的? 我:我華大的
跟住我就走左啦,我一路行一路唸,唔通某間學校的學生,佢地o既弟弟係特別長或者特別短,我唸左好耐,跟住我行到去車站,坐零零七返
學校,見到有一架車岩岩開走,超多人,我再行到去車站,嘩!!!!!!!成三十幾人係度等車,超恐佈,跟住,五分鐘後,有架車黎啦,全部人心裏面
都響起紅色警號,"attention attention!!!!" 衝出黎圍住架車,由於架車要倒車,成可以泊埋黎,全部人都圍住架車,但係我就無,我企係
我預計架車會泊埋黎架地方,然後等架車,埋黎,再開門,結果我係第一個上車,我上車坐定定,再見到呢三十幾個傻仔,心唸,中國人,真係好
可悲,無秩序,最重要係,無腦,我唔係要讚自己叻,而係我覺得,中國人真係無腦,今日行街飲涼茶架時候,見到有一間舖,埋章魚小丸子,條
好窄街即刻迫滿晒人,我心想點解呢?我用左0.0000053秒就有答案啦,因為咁大條街,間間舖都賣黍米,間間舖都賣貢丸,點解唔賣下其
他野呢?我係呢度架居民的話,我一定會一把火燒晒d賣貢丸同黍米架舖頭,因為真係食到想打人,小丸子呢d咁普通架食物都可以迫到條
街咁多人,你話呢,如果中國人,應該係話如果人類醒目的話,呢個世界其實會好有趣
|
| 2007 年 4 月 17 日 星期二 |
| 2007-04-17 |
尋日數學堂,遲到.點知,返到去勁少人.落堂之後,更少,好似上緊因特網咁少,無法子,我聽落去,點知又明喎,首次咁明d數學架,阿sir講左兩堂就放左學啦
今日朝早哥四堂都無點名,早知唔返啦,成個下午都訓左,夜晚堂哥堂統計我都明明地o既,上次哥d功課都幾難下,不過我都會俾心機聽書架啦 |
| 2007 年 4 月 15 日 星期日 |
| 2007-04-15 |
今朝好早起身,差唔多十點,我地十一點樓下集合,原來今日去潑水節,我地去到球場,先知道原來對手棄權,我地踢左一陣,個對手得四個人,其實佢地夠人的話我地一定唔夠踢,踢一陣,吃左d野,一點四再去樓下等,點半去到球場,對手又棄權,我地兩勝一和,出線,跟住我就跑返去,沖涼,然後再去上堂,我以為會好多人,點知都係有好多位,個阿sir個樣好搞笑,上完堂,返房hea下,跟住我地就去左鋸扒添,今日其實都幾開心,大笑先,哈哈哈哈 |
| 2007 年 4 月 12 日 星期四 |
| 2007-04-12 |
尋晚,唸住睇歐聯,較左鬧鐘,誰不知我禁息左,無睇到,今朝個電話仲無電添,搞到我返十點堂十點先起身,返到學校先知道完全場波係七比一,my ｇｏｄ,曼聯贏咁多,於是,又到左中午,我食黎食去都係小胖子,就提議去山海,即係小胖子隔離,就經過小胖子架時候,哥個老闆仲對住我地笑添,點知我地原來唔係入去食,係幫襯佢死地頭(隔離鋪)跟住我都無望返佢係點啦
今日體育堂阿sir強戰回歸,今日要練習架野就係長傳,實在太好啦,平時根本就無機會練呢d野,我就又最遠哥度練,即係中場,其他人都係禁區返哥d練咋,終於都俾我練到開波過半場
|
| 2007 年 4 月 10 日 星期二 |
| 2007-04-10 |
今日上數學,本來都唸住聽架,聽聽下,頂唔住,訓左,全班得返十幾個生還者,其餘返晒去宿舍,我堅持到最後,都係聽唔明,係有史以來第一次咁聽唔明
明天係十校盃,對返培華a,女人去左對面隊,但徐仔就無黎,我地就只有:我,小寶,康,聲,丘,麥,其實,結果係點,自己係最清楚,知己知彼,後防的問題,仍然係咁,剩返略有d光芒的前綫,希望佢搞得掂女人啦 |
| 2007 年 4 月 9 日 星期一 |
| 2007-04-09 |
隔左一日無寫blog,今日我起身,去左踢華大盃,開頭聽到對手係一隊魚腩,唸住去數人地,點知去到,見到一隊幾踢得o既,係度熱身,嚇到我腳仔都軟埋,不過原來唔係我地o既對手,嚇死我,其實,我覺得我地踢得好亂下,踢左一陣,居然俾我地入左個角球喎,真係意外,我地其實踢得一般架咋,無好多優勢,下半場,我地差唔多完場哥陣,俾人入返,最尾1:1
下午,都幾悶下,不過都好,平時返學咁忙,俾一兩日懶下,充下電都好,於是我就懶到夜晚,叫左小胖子外賣,個老闆其實都幾好人,不過叫外賣實在係貴,無輪食咩都係哥個價,而且d野又少喎,不過無選擇下,都要叫啦 |
| 2007 年 4 月 7 日 星期六 |
| 2007-04-07 |
今日上財務堂,都幾悶下,正當我苦惱之際,突然!!百強企起身講話:今日下晝唔洗返學!!我聽到呢句之後,真係好開心,因為從苦難中被救贖o既感覺,放學之後就返去淥面啦,睇左門徒,嘩!!真係睇到我個人都好緊張呀,緊張完之後就訓左啦,夜晚去左食飯之後返學,又落雨喎,去左上一堂綫性之後,真係唔多明阿sir講d乜,第一課咋喎,第一課都唔識,隔左一陣,我地d僑生突然好似海潚咁走晒,都唔知乜事,原來係哥班重修班係for local生,我地係門口研究左好耐,到左第三堂先走,學校d野真係好亂,大陸真係大陸,我都唔明,以前o既僑生究竟做過d乜野惡行,搞到咁多老師都咁憎,但學校又叫華僑大學,但又針對華僑喎,究竟想點呢? |
| 2007 年 4 月 6 日 星期五 |
| 2007-04-06 |
今日很無聊又過左,又一日又到左星期......四,無錯,係星期四,發覺係呢度真係越來越悶,無左以前好想聽書哥種感覺,返學都係無無聊聊咁,唉,點算好,聽說後日就係哥個學校五人盃,我聽左之後係一點反應都無,係哦左一聲就算,莫非,我真係.....
我o既消夜就係
 
|
| 2007 年 4 月 5 日 星期四 |
| 2007-04-05 |
今日星期三,星期三定理依然發生,我去到大場上體育堂,點知阿sir無黎,於是唸住同d local生開大場,點知我地僑生,無人想開大場,我真係一臉無奈,點解大家對大場咁反感,"嘩!!開大場,咪搞我""開大場,你係咪痴線架?"等等,於是個個都去左細場......去細場,踢得好差,我越黎越唔鐘意踢哥個爛鬼細場,又人多,又要爆,又有人打籃球,我又踩波車,唉,無計啦,上兩個星期哥躂傷口,又損過......黑到爆,我真係好唔明,大場有咩咁可怕呢?反到澳門,仲有可能一大班人踢大場咩?
|
| 2007 年 4 月 3 日 星期二 |
| 2007-04-03 |
今日上左好多堂咁,攰死,尤其是係統計學,攰到好似俾阿sir吸乾全身的水份咁,變左一條乾樹枝,聽日就係星期三,希望星期三定理又實現啦 |
| 2007 年 4 月 2 日 星期一 |
| 2007-04-02 |
個blog終於都搞完啦,呼,都搞左我一排啦,希望我日日都記得寫啦,今日天氣驟降,尋日仲著短袖衫,今日突然又咁凍喎,真係乞人憎,今日上數學堂,三堂,第一堂我就訓著左,第二三堂醒返,不過已經唔知阿sir up乜,好不容易終於都捱過左三堂 |
|
