我個blog 轉左做xanga 喇~

www.xanga.com/cat91831

呢個星期都唔得閒打xanga，而且部電腦差唔多日日都被我呀妹霸著...都冇得用ge...

原本尋日想打啦，因為今日放假嘛~但係我表妹又黎左我屋企訓喎~同呀妹一齊霸著部電腦。

今日佢地由朝玩到晚，到左而家先輪到我用...

我覺得今日d 天氣幾好呀... 又唔係好大雨，又有風，好舒服，令到我的心情不錯。

 大約6點10到，我學完樂理，落左車，行番屋企個陣，我覺得d 風特別舒服~

天上面d 雲都被風吹得好快，可以透過灰雲之間睇到一小片天空，係灰灰ge 雲層之上，有好多好

白，好似綿花糖ge 雲，天空帶有黃昏ge 色彩，好靚，而且因為灰雲ge 關係，

更令我覺得今日ge 天空充沛滿神秘感。

為了看天空看多一會兒，我還特地挑了一條較遠的路走回家，風迎面吹來，十分舒服。

如果明天沒有下雨，天空是藍色的，白雲浮在上面，還有陣陣的微風，那情景一定會更美麗。

真希望每天都能擁有這麼好的心情~

今日一大早就要起身呀，好慘呀...因為要返學校開會呀...

wingwing 竟然搭錯車去左黃大仙喎~

我地整到差唔多一點先可以走呀...

明明係 Easter holiday，都好似冇得放咁ge...

我仲有成座山咁多ge 功課未做呀，都唔知點算好...

後日就要見Mr Coner 喇...但係我地個powerpoint 好似好唔點...點算呢...

尋日我地ce要開會，去左呀pam 屋企，結果都唔似開會ge...似開  party + 大食會多d....

我地2點到去到佢屋企，又食公仔麵，又食曲奇餅，又食朱古力，又食....食左好多野...

我，pansy，小寶同肥海就一邊食，一邊睇電視...wing wing 同呀pam 就係到玩online game...

到左3 點半先開始做project，寫conclution，冇幾耐，得番pansy 一個係到做野...

wing 去左訓覺，pam，小寶同肥海同我就玩層層疊，玩左3 次，肥海就輸左2次。

過左冇幾耐，就輪到我同肥海做project，其他人就去左開枱，打麻雀...

草草寫完conclution 之後，我同肥海就係到玩msn，玩到6點半先返屋企。

前日好我任性咁冇返到團契，同Carmen走左去旺中行街。

原本我想搵埋Ada ，Mimi 同Polly 去架，但係Carmen 話唔好，因為....我地兩個都好麻煩......

事實證明我地ge 冇叫佢地一齊行係明智ge 選擇，因為我同carmen 係旺中兜左十幾廿個圈，

睇曬全部d 衫先決定到買邊件，仲要睇埋個價錢喎~

最後我地都買左自己鍾意ge 野，carmen 買左個袋(我覺得好靚，但係佢就覺得一般)，

2件衫(其中一件我覺得幾靚架，但係另外一件就...長到就黎拖地...)同一隻介指(我幫佢揀架，幾靚架）

我就買左３件衫，其中２件係有貓貓圖案架，至於另外一件...買左之後就覺得有d 後悔，因為真係好colourful...

之後，我地仲未癲夠，走左去沙田影貼紙相，結果...因為我地個樣都好憔悴，所以效果不如理想(好樣衰呀...)

不過真係好開心~